Noiz sortua: 2019-01-30 00:30:00

LARREPETIT

Zatiketak

Maddi Ane Txoperena Iribarren -

2019ko urtarrilak 30

Ikusten duen errealitatearen ikuspegi partziala izanen du turista batek, beti: azalekoa. Argazki batean saiatuko da konprimatzen ikusi dituen paisaiak, koaderno batean laburbiltzen izan dituen solasak. Baina atzerritarra izateak, agian, errealitatearen bertze ikuspegi bat ere badakar: norberearekin alderatua maiz, lehen inpresioek emandako burutazioz zipriztindua.

Aste bakarra pasatu dut Irlandan, eta halakoa da atzeman ditudanen ikuspegia: seguruenik tipikoa, segur mugatua. Antzeman ditut begi hutsez, ordea, herri baten zati bat independente izateak eta beste bat independente ez izateak dakartzan kalteak.

Galwayn eta Dublinen egun batzuk pasatuta, ez nintzen ohartu ere noiz zeharkatu nuen Ipar Irlandaranzko muga: nire begietara deus ez zen ezberdina. Segituan ohartarazi zidan telefono mugikorrak, baina: «Ongi etorri Erresuma Batura!». Eta euroak erabili beharrean liberak erabili behar izateak. Eta bandera ingelesak ikusteak edozein kale izkinatan. Eta gaelikoz idatzitako afixarik ez ia. Eta pentsatu behar izateak bi aldiz zer erantzun nongoa ote naizen galderari: hemen ongi hartuko ote dute euskalduna naizela erratea?

Gurean bezala, bunkerrak ere badaude hemen, bistan da: Belfasteko Falls Roaden barrena nahi adina bandera irlandar, horma-irudi eta taberna atsegin aurki daitezke. Baina baita ondoko auzotik banantzeko pareta handiak ere. Eta ondoko karrikan, kontrakoa.

Begirada arinean, zalantzarik ez da: hemengo hizkuntzaren zailtasunak gorabehera, estatu bat izateak zenbat lagun dezakeen norbere kulturaren garapenean. Eta kontrakoak zein zailtasun duen; zatiketak.

Brexit-aren negoziazioetan eztabaidagaietako bat da zer gertatuko den Irlanda askearen eta menperatuaren arteko mugan Erresuma Batua Europatik ateratzen bada. Soldaduak eta muga gogorra nahi dituzte unionistek, brexit-a ez dadin izan Irlanda batzeko aitzakia. Gaitz erdi hala izanen balitz.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Koronabirusaren azken datuak

Koronabirusaren azken datuak

Berria

Euskal Herrian 12.944 gaixok eman dute positibo koronabirusaren proba eginda. 846 hil dira. COVID-19 gaitza izandako 4.601 pertsonari eman diete alta. Grafikoak, albiste barruan.

Erosketak egiteko ilarak Gasteizen. ©Jaizki Fontaneda / Foku

Osakidetza test azkarrak erabiltzen hasi da

Berria

Italiako Gobernuak herrialdean lehorreratzeko debekua ezarri die Mediterraneoan migratzaileak erreskatatzen dituzten ontziei. «Osasun larrialdiak irauten duen bitartean, ezin dira oinarrizko baldintzak bermatu», adierazi dute.

Herritarren ilada Ordiziako azokan, itxialdiaren hasieran. ©Jon Urbe/ Foku

Baserritarrak haserre, Jaurlaritzak azokak debekatu dituelako

Iker Aranburu

EHNEk uste du Jaurlaritzak ez duela eskumenik salmenta zuzeneko eremuak debekatzeko. "Erabaki tamalgarria», Enbaren ustez

Osasungintzako langileak txaloka Nafarroako ospitale gunean ©Idoia Zabaleta, FOKU

Koronabirusaren hedapena geldotzen ari da Nafarroan, baina ez Araban, Bizkaian eta Gipuzkoan

Ainhoa Larretxea Agirre

Lau hildako eta 112 kutsatu berri izan dira Nafarroan azken orduetan, eta hildakoak hamazazpi dira Araban, 25 Bizkaian eta hamar Gipuzkoan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna