Albistea entzun

LARREPETIT

Garaipenaren Eguna

Jaume Gelabert -

2021eko irailak 30

Amaitu da amesgaiztoa: bihartik aurrera COVID-19aren izurritea bukatutzat-edo emanen da ofizialki Nafarroan. Non, bestela? Pandemiaren erruz hiztegi militarra hizkeran gailendu den garaian, proposatzen dut urriaren 1a —Urriaren Lehenengoa, zer arraio!— Nafarroako Garaipenaren Eguna izendatzea. Maiatzaren 8an ospatzen da Alemania naziak amore eman zuela Bigarren Mundu Gerrako Aliatuen aurrean 1945ean, eta uste dut gureak ere behar bezalako ospakizuna merezi lukeela, borroka latzaren ondoren birusaren aurkako guda irabazi dugulako —prentsaurrekoetako uniformedunen irudia etorri zait burura— inork baino lehenago. Hunkigarria litzateke Txibite presidentea Churchillen antzera ikustea Parlamentuko balkoitik «zuena da garaipena, gaur da inoizko egunik handiena!» esaka, Sarasate pasealeku leporaino betean, foralak eta udaltzainak musu amaigabeetan —maskara jantzita— lotzen diren bitartean, suen argipean eta cavak zipriztinduak. Barka, desbideratu naiz.

Ados, Katalunian gogoan izaten dute Urriaren Lehenengoa guk baino lehenago egin zuten zerbaitengatik eta data gogoangarrian han ere izan zuten uniformedunek rol garrantzitsua, baina jakin badakigu bakoitzak baduela bere ibilbide-orri eta egutegi propioa. Ez dago nahasterik.

Badago, orduan, zer ospatu. Pandemiaren bukaera ofizialarekin batera, osasun-zentroak ongi horniturik egonen dira eta medikuek eta erizainek behar adina baliabide izanen dituzte pazienteak ongi artatzeko. Ostalariek negozioak bezeroz bete eta zorrak kitatuko dituzte. Terrazek kendu diguten esparru publikoa berreskuratuko dugu herritarrok. Konspirazio unibertsala deuseztatuko da eta enpresa farmakologikoek gure lepotik aberasteari utziko diote. Akabo haurren traumak. Bukatu dira gurasoen kezkak. Inork ez die etorkinei gure egoera kaskarra leporatuko. Sanferminetan Bertin Osborneren eta, zorte pittin batez, Norma Duvalen emanaldiak gozatuko ditugu. Aske biziko gara. Gurea da garaipena.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©BERRIA

Garai konplexuei aurre egiteko kazetaritza bat

Beatriz Zabalondo - BERRIA Taldeko lehendakaria / Martxelo Otamendi - BERRIAko zuzendaria

Iaz BERRIA Taldeak egindakoaren errepasoa duzu hau. Kazetaritza da gure eginkizuna, euskarazko kalitateko kazetaritza; erreferente informatiboa izatea helburu. Beraz, hortik hasi dugu errepasoa, gero arlo ekonomikoari, komunitateari eta erronka berriei leku egiteko.

Irautea iraultzea denean

Estitxu Garai, Naiara Pinedo eta Zuriñe Rodriguez

Zure ahotsa errazago zapaltzea, moztea. Ostean datorren gizonak zure iritzia gutxiestea. Gizonen maiztasuna handiagoa izatea. Gizonak finkoak izatea, zu aldakorra. Mahaiko emakume bakarra izatea naturalizatzera iristea. Zure hitzei ez entzunarena egitea, beti euren artean elkarri erreferentziak egitea.

Zuretzat bihotzez, Elizabeth Hadley
Ondoeza

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...