LARREPETIT

Lanpetuaren pribilegioa

Samara Velte -

2019ko abenduak 6

Ostirala, eguerdiko ordu bata jota. G.-ri mezu bat iritsi zaio sakelakora. E.-rena da, eta barkamenezko emotikono batekin dator: «Bulegoan bazkalduko dut gaur, uste baino lan gehiagorekin gabiltza». G.-k ordenagailuko pantaila itxi du, eta egongelatik sukalderako bost metroak egin ditu. Hozkailua zabaldu du: esne apur bat, olio-ozpinetan gordetako antxoa batzuk, zabaldutako tomate lata bat, bi arrautza eta limoi erdi bat geratzen dira. Ez zaio bururatzen bazkari batekin homologatzeko moduko konbinaziorik.

Aste honetan E.-ri zegokion erosketa egitea. Astelehena eta asteartea aise pasatu dituzte asteburuan prestatutako dilistekin. Asteazkenean, ordea, azken orduko bilera batek eten zituen dendarako planak, eta ostegunean, aldiz, ostiral eguerdirako amaitu beharreko ustekabeko enkargu batek. Asteburu atarian, janari berririk ez da sartu atetik.

G. autonomoa denez, etxetik egiten du lan. Eta etxean dagoenez, beti dauka denbora erosketetarako edo etxeko beste zereginetarako. Hozkailu hutsari begira, adiskide batek gurasotasunaz kontatu izan dionarekin gogoratu da. Adiskideak eta haren bikotekideak haurraren zaintza antolatzeko ordutegi bat adostu zuten: berak 16:00etan jasotzen du umea eskolan, eta 18:00ak arte arduratzen da. Ordu horretan bikotekidea iristen da etxera, eta 20:00ak arte hartzen du zaintzaren ardura.

Errealitatea aski desberdina dela dio adiskideak. Berak 16:00etan puntuan atera behar izaten duela bulegotik, sarritan lankideen errezelozko begiradapean («Horrek ez du minutu bat gehiago egingo lan»); haurra ez baita bakarrik geratuko eskolan. Bikotekideak, aldiz, maiz luzatzen du berez dagokion irteera ordua, lanpetuta dagoelako. Gustura esango lioke bera ere pozik geratuko litzatekeela luzeago bulegoan, tarte horretan haurra beste norbaitek zaintzen duela jakingo balu: «Baina lana lana da, eta horren aurka ezin da ezer esan».

G.-k pentsatu du lan batzuk besteak baino lanago direla, eta zenbat etxetan ez ote den «lanpetuta egotea» bestelako zereginak etxekideen gain uztea ahalbidetzen duen pribilegioa.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Erizain bat, gazte bati txertoa ematen, Brasilen. Umeak txertatzeko ohiko kanpainetan jaitsiera nabaritzen hasi dira aurten ©FERNANDO BIZERRA JR / EFE

COVID-19aren uste ustelak

Mikel P. Ansa

COVID-19aren pandemia ukatzen duten joera batzuek indarra hartu dute uda honetan. Haiek zabaldutako uste batzuk zeinen okerrak diren azaldu dute Miren Basaras eta Guillermo Quindos mikrobiologoek artikulu sorta honetan.

Garbiketa neurriak, lehengo astean, Azkoienen. ©IDOIA ZABALETA / FOKU

Neurri zorrotzagoak, pandemiak eragin handiena duen hirietan

Uxue Rey - Arantxa Iraola

Murrizketak iragarri ditu Espainiako Gobernuak, 100.000 biztanletik gorako hirietarako. Hegoaldean antzemandako positiboen erdiak, Nafarroan. Kezka azaldu du Txibitek

 ©CARLOS DE SAA / EFE
 ©GORKA RUBIO / FOKU

«Pila bat entzun dut errudun izatearen sentimendua dutela»

Irati Urdalleta Lete

Beldurrak, kezkak, erruduntasun sentimendua... Askotariko bizipenak dituzte positiboek eta haiekin kontaktu estua izateagatik itxialdia egin behar dutenek. Horiek gainditzeko gakoak eman ditu Elizondok.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna