LARREPETIT

Felix gora begira

Samara Velte -

2019ko abenduak 13

Asteazken gaua Bilboko etxe partekatu batean. Felix, bioteknologiako ikerlaria, platera magalean eseri da sofan, teleberriarekin afaltzeko asmoz. Etxe honetan bizitzea etengabeko déjà vu-a zaio azkenaldian: izebaren batengandik jasotako besaulki zaharkituak, Ikeako 10 euroko mahaitxoa... 18 urte zeuzkanetik toki eta modu berean bizi dela iruditzen zaio. Baina orain ia 30 dauzka, eta tartean gutxienez bost mudantza egin ditu.

Adiskideek bizitza autonomo samarra dute; batzuk bikotean bizi dira, umeren bat ere badago kuadrillan. Felixi berdin zaio: onartuta dauka bere karrerak beste erritmo bat daukala. Gainera, ezingo da kexatu: tesia egiteko doktoreaurreko beka bati esker, ikerketan jardun dezake. Hilean 896,66 euroko soldatak ez du ematen apartamentu oso bat ordaintzeko, baina tira; gaur-gaurkoz, ez luke beste modurik izango bere sektorean aritzeko.

Asteazken gau honetan, berriro eten dio albistegia EITBren karitatezko maratoiari buruzko erreportaje batek. Jendea gogo onez ari da bere poltsikotik minbiziaren ikerketarako dirua ematen, eta are gogo biziagoz saiatzen dira Lau Teilatu egokiro entonatzen. Felixek ez dauka horren inguruko iritzi garbirik; abestiren bat aukeratzekotan, gehienok desafinatuko ez genukeen bat aukeratu zezaketela pentsatzen du. Telebista itzaltzeko bulkada sentitu du, ordea, agintari politikoak ere pantailan ikusi dituenean; Urkullu txistua jotzen eta Urtaran bizikleta estatikoari gogorik gabe pedalkadaka, elkarren bufanda txuriak zelan ote dihoazen galdezka, osasungintza eta ikerketaren sektoreak —eta bertan lan egiten duen jendea— zaintzea ez balitz bezala euren lana, euren funtzio eta ardura nagusia.

Kanala aldatu aurreko segundoan, lehendakaria pantailatik begira ari zitzaiola iruditu zaio bioteknologiako ikerlariari, abisatzen ariko balitzaio bezala: ai Felix, Felix, bihar berriz egongo gara kolektiboki desafinatzen, eta bitartean jarrai ezazu gorantz begira, zeren diru gabe, baina jendearen karitatezko asmo onak behintzat zurekin daude.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

 ©BERRIA

Kutsatzeen katea ez da eten, eta goia jo du ospitalean daudenen kopuruak

Arantxa Iraola - Maddi Ane Txoperena Iribarren - Irati Urdalleta Lete

Nafarroan bigarren olatuko kutsatu kopururik handiena izan dute (578), eta Gipuzkoako kutsatze tasa 500 kasutik gorakoa da jada. Murrizketak Iparraldean ere: ostatuek 22:00etarako itxi beharko dute

Antigorputzak atzemateko testak, artxiboko irudi batean; immunitate sistemaren erantzuna neurtzen dute. ©ROBERT GHEMENT / EFE

Gaitzei aurre egiteko ahalmena

Arantxa Iraola

Sendo behar da immunitate sistema eritasunei aurre egiteko; izurriak lehen lerrora ekarri ditu gorputzaren babes mekanismoei buruzko jakingarriak. Aldagai askok eragiten dute

Iruñeko taberna atari bat, atzo. ©JESUS DIGES / EFE

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna