Albistea entzun

LARREPETIT

Amen eta aiten adinaz

Hedoi Etxarte -

2020ko ekainak 20

Egon nintzen lehenengo institutuko une gozoetako batzuk beren eskoletan izan ziren. Ana eta Ane Miren, Filosofia eta Historia. Orain ez dut akorduan Filosofian ala Historian izango zen, baina DBH 4n Gregory Peck eta Lilli Palmeren The Boys from Brazil filma ikusi genuen. Filmean Hitler berri baten etorrera lantzen du neonazi talde batek Latinoamerikan. Hipotesia da haurrek Hitlerren etxeko giroaren antzekoa badute, etorkizunean, nazionalsozialismoaren liderrak izan daitezkeela. Hala, 65 urteko 94 aita hil behar dituzte naziek, Hitlerren aita adin horrekin hil zelako. Aita horiek 52 urte izango dituzte etorkizuneko Hitler horiek jaiotzen direnean. Aitaren adina eta ogibidea (funtzionarioa) funtsezko elementu bat da, amaren adinaren eta ogibidearekin batera (39 urte, etxeko zaintza lanak), baina baita aitak amarekin eta seme-alabekin duen harremana ere (zurruta eta tratu txarrak).

Bitxia iruditu zitzaidan, Susan Buck-Morssek idatzitako lehenengo liburuko lehenengo paragrafoan (1971n ondu zuen The Origin of Negative Dialectics) Adornoren amaren adinak tokia izatea: «Frankfurt am Mainen jaio zen Theodor Wiesengrund Adorno [...]. Bere aita ardoen merkatari arrakastatsu bat izan zen, [...] baina ez zuen bere seme bakarraren hezkuntzan inolako garrantzirik izan. Haurra etxeko bi emakumeekin hazi zen: bere ama Maria Calvelli-Adornorekin (37 urte zituen Theodor jaio zenean) eta Mariaren ahizpa ezkongabe Agatherekin». Frankfurteko eskolari buruzko liburu ederrenetako bat da, besteak beste erkatzen dituelako filosofoen bizitzak eta testuak.

Horietaz-eta oroitu naiz Romain Rollanden Haendel irakurtzean: «Georg Friedrich Händel Hallen jaio zen [...]. Bere aitak hirurogeita lau urte zituen, bere amak hogeita hamalau». Bitxia da Händelen aitak bi emazte izan zituela, lehena bera baino hamar urte zaharragoa, bigarrena hogeita hamar urte gazteagoa. Gurasoen adinek seme-alabengan eragiten duten faites vos jeux!

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...