Albistea entzun
Emakumeen aurkako indarkeriari ez
Emakumeen aurkako indarkeriari ez
Emakumeen aurkako indarkeriari ez

LARREPETIT

Zutabe berri bat

Samara Velte -

2021eko uztailak 16

Euskaltzaindia autokontzientzia eta autokontsumo etnokulturalean murgildutako alien jubilatu plantilla batek osatzen zuela uste bazenuten, oker zeundeten. Aurreabisurik gabeko eguneraketa baten bidez, tonaka hitz berri onartu ditu esplizituki. Denboratxo bat behar da kontzeptuen txorrotada monitorizatzeko, eta agian elkargokide zaharkituenek antsiolitikoren bat beharko dute psikotropiko, putakeria eta prostitutuen atalera iristen direnean euren artegagarritasuna autorregulatzerik lortzen ez badute; baina, dedio, estankotasunetik urruti, Euskaltzaindia sinbolikoki deskonfinatu da, sozialki errekonozitutako hitzak esplizitatuz. Orain, erraketistek kontatu ahal izango dute lehen sistematikoki erabiltzen zirela epidurala eta enemak erditzeetan. Portzierto: azken urteotan kohesionatu dugun jendilajea ere ispilatzen du zerrendak. Historikoki indibiduo bortxaezinak ginelakoan gaixotu ginen masiboki koronabirusa heldu zenean, batzuk arnasgailuei lotuta eta besteak smartphoneari eta jengibre infusioei zupaka, birgizarteratzeko zain. Gulag identitario batean bizi gara, antza: naziogintzaz mintzo diren hirueledun independentziazaleak gara mentalki, erakundetze berdinzale bat erreibindikatzen, baina gero, paradoxikoki, denok gara oposiziogileak, kalamidadeok. Egonkortzeren bat hitzematen digun edozeri eusteko prest gaude; finean, haurrak eskolaratu, koltxa nordikoak erosi eta asteburuetan poneyean ibiltzera eraman behar dira, eta mandatugilearen prestazioak ez du ematen egunero albornozetan foie pintxoa jateko. Gaintentsio desnaturalizatzaile batean bizi gara espoliazio sistematiko honen ondorioz, eta desintoxikatu beharra daukagu heteropatriarkatutik: patriotismo queer bati heldu, oxitozina eta polboroi luzexkak biralagoak izango diren bizigarritasun baten bila. Damutzerik ez, gero.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.