Biek, beste urtebete

Eibarrek ofizial egin du Jose Luis Mendilibarrek eta Fran Garagarzak taldean segituko dutela. Haien laguntzaileei ere berritu diete kontratua
Gorostiza, Mendilibar eta Garagarza artxiboko irudi batean.
Gorostiza, Mendilibar eta Garagarza artxiboko irudi batean. JUAN CARLOS RUIZ / FOKU Tamaina handiagoan ikusi

Ainara Arratibel Gascon -

2020ko abuztuak 1

Ofizial egitea baino ez zen falta, eta Eibarrek atzoko eguna aukeratu zuen horretarako. Jose Luis Mendilibar entrenatzaileak eta Fran Garagarza kirol zuzendariak beste urtebete segituko dute talde gipuzkoarrean.

Duela aste batzuk, eta ligako Espanyolen aurkako azken aurreko partidaren ondoren, zaila zirudien hala izatea. Mailari eutsita, Mendilibarrek adierazi zuen «nekatuta» zegoela, eta «gauza asko» zituela hitz egiteko klubarekin. Baina, azkenean, egoera bideratzea lortu dute. Asteazkenean bertan, Jon Ander Ulazia kontseilariak nabarmendu zuen «hurrengo egunetan» izango zirela berriak, baina bai Mendilibar, bai Garagarza, jada hurrengo denboraldiari begira ari zirela lanean.

Mendilibarrek zazpigarren denboraldia egingo du Eibar zuzentzen, azken seiak erreskadan. Izan ere, Zaldibarko teknikaria 2004-2005eko denboraldian eseri zen estreinakoz Ipuruako aulkian, Bigarren Mailan. Sasoi bakarra egin zuen. 2015-2016ko denboraldian itzuli zen, gaur arte. 250 partida zuzendu ditu Mendilibarrek, 207 azken aldi honetan. Guztira 68 garaipen, 54 berdinketa eta 85 porrot pilatu ditu. Harekin batera, kontratua berritu dute entrenatzaile multzoko beste kideek. Andoni Azkargorta analista eta bigarren entrenatzaileak hiru urterako, eta bakarrerako Iñaki Bea laguntzaileak, Josu Anunzita atezainen entrenatzaileak eta Toni Ruiz prestatzaile fisikoak.

Mendilibarren kontratu berritzearen berri eman eta ordu gutxira jakinarazi zuten Garagarzarena. Mutrikukoak hamarkada bat beteko du idazkari tekniko moduan, 2011n ailegatu baitzen. Kontratuan klausula bat jaso dute, aurrekoan bezala, non bi aldeek datorren urteko martxoaren 31 baino lehen adostu behar duten hurrengo kontratu berritzea, hala izatea nahi badute. Garagarzarekin batera lanean dagoen Mikel Martijak ere jarraituko du idazkaritza teknikoan lanean.

Mendilibarrekin gertatu bezala, duela aste batzuk urruti zirudien Garagarzaren jarraipenak. Betisen eskaintza zuela zabaldu zen, baina, azkenean, Espainiako taldeak Antonio Cordon fitxatu du.

De Blasisek ez du segituko

Denboraldi-aurrea hasteko pare bat aste fala dira, eta Mendilibarrek eta Garagarzak lan eskerga dute aurretik datorren sasoiko taldea osatzen. Izan ere, azken urteetan funtsezkoak izan diren hainbat jokalarik taldea utzi dute dagoeneko.

Atzo bertan jakin zen Pablo de Blasisek ez duela segituko. Erdilari argentinarrak 58 partida jokatu eta zazpi gol sartu ditu Eibarren izan den azken bi sasoietan. Ezusterik ezean, sorterrira itzuliko da: Gimnasia y Esgriman ariko da.

Liga amaitu aurretik utzi zuten taldea Fabia Orellanak eta Gonzalo Escalantek. Kontratua ekainaren 30ean amaitzen zitzaien, eta, koronabirusaren etenaren ondorioz liga uztailaren 19ra arte amaitzen ez zen arren, ez segitzea erabaki zuten biek. Valladoliden eta Lazion ariko dira, hurrenez hurren.

Aste honetan bertan iragarri zen Charlesek ere ez duela jarraituko. Atzo sinatu zuen Pontevedrarekin. Cristoforo eta Ramis ere ez dira Eibarren izango hurrengo sasoian. Kontratua amaitzen zitzaien jokalarien artean, Pedro Leon da bere etorkizuna argitu ez duen bakarra. Ez klubak, ez jokalariak ez dute horri buruzko berririk eman.

Gainera, Jose Angel Cote denbora luzerako dago min hartuta. Horrenbestez, atean izan ezik, ia lerro guztietan egin beharko ditu fitxaketak.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Nekane Murga, atzo, Eusko Jaurlaritzaren Bilboko egoitzan. ©Miguel Toña / Efe

Eusko Jaurlaritzak osasun larrialdia ezartzeko asmoa du

Andoni Imaz

Urkullu jarduneko lehendakaria litzateke batzorde bereziaren burua berriro ere, eta aukera izango luke jendea bakartzeko eta joan-etorriak mugatzeko. Murgak eta Tapiak agerraldi bat egingo dute bihar, hartuko dituzten neurriak esplikatzeko.

Salvador Illa Espainiako Osasun ministroa gaurko agerraldian. ©Chema Moya/EFE

Diskotekak eta gaueko tabernak ixteko agindu du Madrilek

Berria

Neurriak zorroztuko dituzte Hego Euskal Herrian, egoera epidemiologikoak okerrera egin duela eta. Gainerako taberna edo jatetxeek 01:00ean itxi beharko dute, eta gauerditik aurrera ezingo da bezero gehiagorik sartu. Kalean erretzea ere debekatuta egongo da, bi metroko tartea bermatu ezin bada.

Jendea paseoan Donostiako alde zaharreko kaleetan, atzo. ©Juan Carlos Ruiz/FOKU

618 kasu atzeman dituzte Hego Euskal Herrian

Berria

Bizkaian behera egin dute kasuek; Araban, Gipuzkoan eta Nafarroan, aldiz, igo egin dira.

Osasun langileak PCR probak egiten Donostian, aurreko astean. ©Gorka Rubio/FOKU

Azpeitiko Erdikalean ibili zirenei proba egiteko eskatu die Jaurlaritzak

Berria

Abuztuaren 7tik 9ra bitartean kale horretan ibilitakoek egin beharko dute testa.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna