Albistea entzun

Ez dute oporrik nahi

IDK-k eta Gernikak balentria egin nahi dute Gironaren eta Perfumerias Avenidaren pabiloietan, eta titulurako finalerdietarako sailkatu
IDK-ko Joy Brown barneraketa bat egiten, igandeko partidan.
IDK-ko Joy Brown barneraketa bat egiten, igandeko partidan. IÑIGO URIZ / FOKU Tamaina handiagoan ikusi

Ainara Arratibel Gascon -

2022ko apirilak 28

IDK Euskotrenek eta Lointek Gernikak ez dute oporretara joan nahi. Baina, hori lortzeko, balentria egin beharko dute gaur, ligako tituluko kanporaketetako final-laurdenetako itzulikoan. Valentziarekin batera, ligako bi talde indartsuenak izango dituzte aurrean, Girona eta Perfumerias Avenida, hurrenez hurren. Gainera, gipuzkoarrek bost puntuko desabantaila irauli beharko dute; bizkaitarrek, berriz, hamabost puntukoa. Biak etxetik kanpo arituko dira. IDK-k 20:00etan jokatu du, eta Gernikak, 20:30ean.

IDK-k inoizko garaipen kopururik handiena lortu zuen liga erregularrean: hamazazpi. Sasoiko lehen bost partidak galdu arren, oso talde lehiakorra izan da, ahalmen fisiko handia erakutsiz. Hainbat jokalari nabarmendu dira: Mariam Coulibaly, Lauren Cox, Lanet Harden, Maria España...

Igandean, joaneko partidan, zertxobait urduri irten ziren, ohi baino argitasun gutxiagorekin. Azu Muguruza entrenatzaileak berak onartu zuen partidaren amaieran. Baina atsedenaldia eta gero, defentsa sendotu zuten, eta erasoan askeago aritu ziren. Aurretik jartzea ere lortu zuten. Baina aldea murrizteko egindako ahalegina ordaindu zuten partidaren azken txapan, eta bost puntuz galdu zuten: 55-61.

España kapitaina baikor da, hala ere: «Gogoz gaude. Jakitun gaude oso talde indartsua izango dugula aurrean, baina kanporaketa ez dago erabakita, eta erakutsi dugu edozeinen aurka lehiatzeko gai garela. Espero dugu sasoiko azken bidaia ez izatea».

Lopezen bi eskeri

Are lantegi zailagoa du Lointek Gernikak, hamabost punturen errenta irauli beharko baitu Perfumerias Avenidaren kontra, egungo txapelduna eta Europako talderik indartsuenetako bat. Joanekoan argi erakutsi zuen hori. Lehen laurdenean 34 puntu sartu zituen, besteak beste sei hiruko. 10 minutuan ia erabakita utzi zuen norgehiagoka. Amaierako emaitza hauxe izan zen: 70-85. «Aukera oso gutxi ditugu aurrera egiteko. Avenidak ez du sekula etxean hamar puntu baino gehiagogatik galdu, ezta Euroligan ere. Bai erasoan eta bai defentsan partida biribila egin beharko dugu», adierazi zuen atzo Mario Lopez entrenatzaileak.

Jokalariei bi gauza eskatu dizkie: gozatzeko eta talde bat izateko. «Nahiz eta batez ere denboraldiaren bigarren zatian gorabeherak izan, hori izan da gure ezaugarri nagusia». Joanekoan bezala, oso jokalari gutxi izango ditu Lopezek eskuragarri. Izan ere, Gabija Meskonyte, Irune Orio, Itziar Ariztimuño, Angie Bjorklund eta Marta Alberdi min hartuta daude.

ACB ligan, aldiz, Surne Bilbo Basketek 87-79 irabazi zion atzo Teneriferi, eta kanporaketak jokatzeko aukera apurrei eutsi die.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Iñaki Williams, 2018. urtean, euskal selekzioarekin. ©Endika Portillo / Foku

Iñaki Williamsek Ghanarekin jokatuko du Munduko Kopa

Paulo Ostolaza

Ghanak Qatarko Munduko Kopa jokatuko du azaroan, eta ziurrenik han izango da Athleticeko jokalaria. Azaldu duenez, bere familia da erabakia hartzera bultzatu duen arrazoi nagusia.

Aurreko finala Danimarkak eta Herbehereek jokatu zuten. ©VINCENT JANNINK /EFE

Parekotasuna eta ikuskizuna

Ainara Arratibel

Bi urtez atzeratu ostean, gaur hasiko da Eurokopa. Irene Paredes, Lucia Garcia eta Damaris Egurrola han izango dira; baliteke Amaiur Sarriegik ere jokatzeko aukera izatea, Alexia Putellasen lesioa tarteko

Wout van Aert (Jumbo-Visma), garaipena ospatzen, atzo, Calaisen. ©YOAN VALAT / EFE

Laugarrenean jarri dio ginga Van Aertek

Beñat Mujika Telleria

Jumbo-Vismak erakustaldia eman du estrategia erasokor batekin. Van Aertek lider jarraituko du, eta aldea handitu. Gaur harbideen txanda izango da
Balsamo nagusi Giroko 5. etapan, bigarrenez; Van Vleuten lider da oraindik

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...