Albistea entzun

LARREPETIT

Testosterona

Hedoi Etxarte -

2019ko ekainak 29

Josep Fontanak kontatzen du XVII. mendeko bigarren erdiko Kataluniako enpresari nabarmenenak botikariak eta handizkako merkatariak izan zirela. Konpainia nagusiak izan ziren Bartzelonan eta hiriaren politikan paper zentrala jokatu zuten, baita Kataluniako ekonomia politikoaren eratzean ere. Ez da harritzekoa handizkako merkatariena. Baina are ulergarriagoa da botikarien tokia. Botikak osasuna direlako. Baina badute epikurearrak ez diren beste ongizateekin lotura ere bai. Gure identitatearekin zerikusia duten tresnak eta substantziak saltzen dituzte.

Duela bederatzi urtetik finasterida kontsumitzen dut egunero. Farmako antiandrogeniko bat da. Testosteronaren eragina baretzen du dosiaren arabera. Zhoe ile apaindegiko Rauli esker jakin nuen substantzia honen berri. Antza, 3-4 gramorekin prostatako minbiziari aurre egiten diote. Jabetu ziren, dosi txikiagoekin, lor zitekeela gizonen alopezia, aldi batez, atzeratzea. Egunero finasterida gramo bakarra hartzeak, ordea, badauzka albo kalteak. Raulek ongi azaltzen ditu. Bularrak handitzen ahal zaizkizu, sexu grina gutxitu ala gal dezakezu, bularreko minbizia sor dezake, eta depresioa. Gizon izateari uzten diozu: ez burusoiltzea da efektuetako bat.

Boris Groysek idatzi bezala, Jainkoa hil osteko munduan diseinuak dimentsio etiko bat dauka. Diseinuak etika estetika bihurtu du. Ilea buru gainean izatea afera formal bat da. Aurpegiari muga bat ematen dio gainetik. Horregatik da funtsezkoa. Eta estetika, gaur egun, etika denez, obligazio batzuk dauzka. Ez dira erlijioak jartzen dizkizun berdinak, baina autodiseinua, nork bere gorputza eta emozioak kudeatzea, badira gaur egungo diseinu arauak. Horregatik, ziurrenik baita eztabaida publikorako, hobe litzateke masiboagoa izatea finasteridaren kontsumoa gizonentzat.

Baina. Handizkako merkatariak ez dira ergelak. Eta merkatu prezioan hiru bider garestiagoa da 1 g erostea 3 g erosi beharrean. Horregatik eman behar da botikari onarekin: berak egingo dizkizu 90 pilula 43 €-ren truke.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Arrosarioa
 ©BERRIA

Garai konplexuei aurre egiteko kazetaritza bat

Beatriz Zabalondo - BERRIA Taldeko lehendakaria / Martxelo Otamendi - BERRIAko zuzendaria

Iaz BERRIA Taldeak egindakoaren errepasoa duzu hau. Kazetaritza da gure eginkizuna, euskarazko kalitateko kazetaritza; erreferente informatiboa izatea helburu. Beraz, hortik hasi dugu errepasoa, gero arlo ekonomikoari, komunitateari eta erronka berriei leku egiteko.

Irautea iraultzea denean

Estitxu Garai, Naiara Pinedo eta Zuriñe Rodriguez

Zure ahotsa errazago zapaltzea, moztea. Ostean datorren gizonak zure iritzia gutxiestea. Gizonen maiztasuna handiagoa izatea. Gizonak finkoak izatea, zu aldakorra. Mahaiko emakume bakarra izatea naturalizatzera iristea. Zure hitzei ez entzunarena egitea, beti euren artean elkarri erreferentziak egitea.

Zuretzat bihotzez, Elizabeth Hadley

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...