Noiz sortua: 2020-02-22 00:30:00

LARREPETIT

Lotsagabeak, sarraskijaleak, miserableak

Hedoi Etxarte -

2020ko otsailak 22
2017tik munduko ideologo neoliberalek argi dute egungo kapitalismoak gutxiengo aberatsena ere arriskuan jarriko duela aurki: neurri erradikalak hartu behar dira ekozidioaren eta gizartearen ekitate faltaren kontra. Planetak eta jendetzak aberatsak jan ez ditzan. Kezka ez da Sabin Etxera, Errekaldeko Zumardira eta Ajuria Enera iritsi. Antza, ez dute ez prentsa konbentzionala, ez kritikoa, ez Financial Times, ezta The Economist ere klikatzen hango tabletetan. Jaurlaritza errealitatearen ukazioan dago: bere propaganda sinesten du. Goizean dena ongi dabil Debabarrena-Durangaldeko ingurumenean: arratsaldean haurdunentzat, haurrentzat eta eliteko kirolarientzat kutsadura jasanezina da.

Zaldibarko desastrea gertatu aurretik izan ditu EAJ-PSE-EEk tik autoritarioak. Asteon jaso zuen Ismael Manterolak BERRIAn Eneko Goiaren perla: protesta baketsuan tradizio luzea duen AHTaren kontrako Mugitu mugimendukoak «lotsagabe» eta «inposatzaile» deitu zituen berriki. Izpiritu demokratikoz eraiki dutelako Gaudiren porlanezko amaraun inutila.

Berrogei urtean ezagutu ez den hegemonia krisi batean dago EAEko klase politikoaren zuzendaritza. Gobernatzeko (feat. Gramsci) ez da nahikoa gizartea «dominatzea», behar da baita ere «intelektualki, moralki eta politikoki zuzentzea». Erkorekak, Egibarrek, Urkulluk, Arriolak eta propagandistek ez dakite zuzentzen: iraintzen dute kritikarik arinena egiten duena (De Miguel, Balentziaga, Osakidetza eta Bravoren ustelkeriarekin bezala). Eta zuzentzen ez dakien talde sozialak «bere arerioak likidatu nahi izaten ditu», zuzentzen jakin ez eta zapaldu.

Ez dirudi orain oposizio diren taldeek ere klase zuzendaria ordezkatzeko gaitasuna izango dutenik epe laburrean, eta, beraz, desintegrazio honetan «estutze» fase luze bat dator. Ilunabarrean oro da piztia.

Albiste gehiago

Apirilaren 1ean eguneratua, 14:00etan. ©BERRIA

Koronabirusaren azken datuak

Berria

Euskal Herrian 9.358 gaixok eman dute positibo koronabirusaren proba eginda, administrazioen arabera. 501 hil dira. COVID-19 gaitza izandako 2.134 pertsonari eman diete alta. Grafikoak, albiste barruan.

Etxeetara elikagaiak eramateko taldeak antolatu dituzte Milanen. ©Matteo Corner / EFE

Izurriak 823.626 pertsona kutsatu eta 40.598 hil ditu munduan

Berria

Dagoeneko 501 pertsona hil ditu gaitzak. Hego Euskal Herrian 9.335 kasu diagnostikatu dituzte. Sindikatuek gutun bat bidali diote Denis Itxaso Madrilek EAEn duen ordezkariari, besteak beste zentralizazioa bertan behera uzteko eskatzeko, eta Maddalen Iriartek mahai bat eratu nahi du erabakiak hartzeko

1983ko abuztuan, Busturian, uholdeetan. ©BERRIA

Zer egin krisi bati aurre egiteko?

Enekoitz Esnaola

Jaurlaritzako eta Nafarroako lehendakariek, euskal gatazkako indarkeriaz gain, zenbait garai sozial gogor ere bizi izan dituzte 40 urteotan: uholdeak, sute eta istripu larriak, krisi ekonomikoak... Carlos Garaikoetxeak, Jose Antonio Ardanzak, Patxi Lopezek eta Uxue Barkosek lehendakari gisara bizi izan zituzten krisietan izandako esperientziak kontatu dizkiote BERRIAri. Garrantzia eman diote gertutasuna eta sentsibilitatea izateari, baita neurriak hartzeari ere.

Herrialdeka, Bizkaian aurkeztu dituzte dosier gehien. ©Marisol Ramirez / Foku

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna