Albistea entzun

LARREPETIT

Laguntzeko modu bat

Samara Velte -

2022ko ekainak 3

Hiru urte arteko haurrak dituzten familiek hilean 200 euroko laguntza eskatu ahal izango dute, baldin eta Araban, Bizkaian eta Gipuzkoan bizi badira eta diru sarrera apalak badituzte. Neurri horrekin, umeak munduratzeko erabakia erraztu eta ugalketa ratioak igo nahi ditu Jaurlaritzak, gauza jakina baita laugarren urtetik aurrera umeen zaintza gimnasiora joatea baino errazagoa bihurtzen dela.

Azken hamarkadotan joera izan da emakumeen estatus sozioekonomikoa eta ugalketa tasa kontrako proportzioan lotzeko. Hau da: hezkuntza arautuan ibilbide laburragoa egina zuten emakumeek eta diru sarrera apalenekoek, oro har, haur gehiago izaten zituzten. Lan munduratzea handiagoa zen tokietan, txikiagoa zen jaiotza tasa; eta, beraz, logikoa zirudien gurasotasuna ekonomia pertsonalaren kalte gisara ikustea (soldata arrakalak ere hori berresten zuen, bestalde). Argumentu horrek iruditeria oso bat eraiki du gure buruetan, eta aintzat hartzen da goi-mailako ibilbide unibertsitario baten eta dagokion independentziaren jabe den emakume batek buru argiz jokatuko duela eta bere osasuna eta independentzia lehenetsiko dituela, haurdunaldiak kateatzen hasi ordez.

Orain, joera aldatu egin dela frogatu dute Alemaniako bi unibertsitatetako ikerlariek: Europan bederen, diru sarrerak ez dira haurrak munduratu edo ez erabakitzeko faktore bakarra, ezta nagusiena ere, bien arteko bateragarritasuna baizik: haurren zaintzarako aukera publiko edo komunitario gehiago eta lan merkatu malguagoez gain, gurasotasun eredu anitzekiko jarrera positiboagoak eta, batez ere, bikotekideen (nagusiki aiten) inplikaziorako kultura handiagoa den tokietan, haur gehiago jaiotzen dira eta ama gehiago doaz lanera. Aldiz, lana eta familia kontraesankorrak diren tokietan, emakume gehiago daude langabezian eta haur gutxiago jaiotzen dira. Agian 200 euro horiek hobe inbertitu litezke egiturazko neurriak sustatzen, ostera ama bakoitzaren kudeaketa ekonomikoaren gain utzi ordez.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Arrosarioa
 ©BERRIA

Garai konplexuei aurre egiteko kazetaritza bat

Beatriz Zabalondo - BERRIA Taldeko lehendakaria / Martxelo Otamendi - BERRIAko zuzendaria

Iaz BERRIA Taldeak egindakoaren errepasoa duzu hau. Kazetaritza da gure eginkizuna, euskarazko kalitateko kazetaritza; erreferente informatiboa izatea helburu. Beraz, hortik hasi dugu errepasoa, gero arlo ekonomikoari, komunitateari eta erronka berriei leku egiteko.

Irautea iraultzea denean

Estitxu Garai, Naiara Pinedo eta Zuriñe Rodriguez

Zure ahotsa errazago zapaltzea, moztea. Ostean datorren gizonak zure iritzia gutxiestea. Gizonen maiztasuna handiagoa izatea. Gizonak finkoak izatea, zu aldakorra. Mahaiko emakume bakarra izatea naturalizatzera iristea. Zure hitzei ez entzunarena egitea, beti euren artean elkarri erreferentziak egitea.

Zuretzat bihotzez, Elizabeth Hadley

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...