Albistea entzun

LARREPETIT

Epaitegian

Garazi Arrula Ruiz -

2019ko ekainak 21

Mailaz mailako aplikazioaren bidez, ikasleek berdintasunean bizitzeko gaitasuna garatuko dute, hau da, berdintasunarekiko konpromisoa gauzatu eta azalduko dute, jokabide berriak ikusaraziko dituzte emakumeenganako indarkeriarik gabeko kultura berdinzalea sortzen laguntzeko»; hala dio Skolae programa aitzindariaren helburuetako batek. Eskoletan hezkidetza sustatzen duen programa diseinatzearen aitzakian deitu dituzte epaitegira hamar aditu. Horretan jardun duten dozenaka profesionaletatik, hamar hautatu, guraso talde baten salaketari erantzunez. Epaileari azaldu behar izan diote zertan datzan hezkidetzak.

Bide mediatikoa eta soziala saiatua zuen eskuinak, egunkari aliatuetako bonbardaketaren eta kaleko protesten bidez. Orain, auzibidean babestu dira; okerrena da asmo politiko bat antzeman daitekeela honen atzean, denboran bat egin duenez hauteskundeekin. Batetik, iritzi publikoa manipu- latu nahian ibili da eskuina, ohi bezain zikin, sexualitatea praktika sexualekin nahastuz; bestetik, eta hau da beharbada kezkagarriena, agerian gelditu da pedagogia zer beharrezkoa den oraindik ere hezkidetzaren gaian, ezjakintasunetik eginiko epai eta eraso funsgabeak ugariak izan baitira.

Hezkidetzaren eta askatasun afektibo-sexualaren kontrakoa ez da biolentzia besterik. Iturrama institutuan, 12 urteko ikasleei galdetu zieten zeintzuk ziren beren generoaren kualitaterik onenak, eta beren burua neskatzat zutenek ez zuten jakin zer erantzun. Haur txikiei sexuaren arabera nola zuzentzen gatzaizkien, zer hitzekin, zer eredu erakusten, generoei zer balio lotzen, hori guztiori kuestionatzen du Skolaek, eta sexualitatearen praktika osasuntsu bat sustatu, modu integral batean.

Akusatuak baino gehiago, agerian gelditu dira akusazioa bideratu dutenen ukoa; botoak eta epaiak gorabehera, kultura feminista eta parekidea gizartean zabaldu eta errotzea izanen dugu borrokagune nagusi datozen urteotan.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©BERRIA

Garai konplexuei aurre egiteko kazetaritza bat

Beatriz Zabalondo - BERRIA Taldeko lehendakaria / Martxelo Otamendi - BERRIAko zuzendaria

Iaz BERRIA Taldeak egindakoaren errepasoa duzu hau. Kazetaritza da gure eginkizuna, euskarazko kalitateko kazetaritza; erreferente informatiboa izatea helburu. Beraz, hortik hasi dugu errepasoa, gero arlo ekonomikoari, komunitateari eta erronka berriei leku egiteko.

Irautea iraultzea denean

Estitxu Garai, Naiara Pinedo eta Zuriñe Rodriguez

Zure ahotsa errazago zapaltzea, moztea. Ostean datorren gizonak zure iritzia gutxiestea. Gizonen maiztasuna handiagoa izatea. Gizonak finkoak izatea, zu aldakorra. Mahaiko emakume bakarra izatea naturalizatzera iristea. Zure hitzei ez entzunarena egitea, beti euren artean elkarri erreferentziak egitea.

Zuretzat bihotzez, Elizabeth Hadley
Ondoeza

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...