Albistea entzun

Espainiako Gorteetarako hauteskundeak. Araba

EAJk irabazi du, eta EH Bilduk lortu du laugarren eserlekua

PSE izan da bigarren indarra, baina EAJtik oso gertu. Diputatu bana izango dute PSEk, EAJk, Elkarrekin Podemosek eta EH Bilduk. PP ordezkaririk gabe geratu da

Javier Maroto PPkoa, atzo goizean, bozkatzen, Gasteizen.
Javier Maroto PPkoa, atzo goizean, bozkatzen, Gasteizen. IHANA IRIONDO / FOKU Tamaina handiagoan ikusi

Edurne Begiristain -

2019ko apirilak 29 - Gasteiz

Lehia estua iragarrita zegoen Araban, eta aurreikuspen guztiak motz geratu dira. EAJk irabazi ditu hauteskundeak, baina oso boto gutxirengatik irabazi dio PSEri. Bien artean 604 botoren aldea egon da. Jeltzaleek erdietsi dituzte boto gehien herrialdean. %22,74ko babesa izan dute (40.199 boto), eta duela hiru urteko emaitzak asko hobetu dituzte, 13.496 boto gehiago lortuta.

PSE-EE izan da bigarren indarra. Botoetan gorakada handia izan dute sozialistek ere, eta, jeltzaleek bezala, duela hiru urte baino 13.200 boto inguru gehiago erdietsi dituzte. Sozialistek eserleku bat erdietsi dute Araban, eta bana EAJk, Elkarrekin Podemosek eta EH Bilduk. Botoen %100 zenbatuta, honako hauek izan dira emaitzak: EAJk bozen %22,74 eskuratu ditu (40.199boto); PSEk, %22,40 (39.595 boto); Elkarrekin Podemosek, %17,73 (31.346 boto); EH Bilduk, %13,96 (24.687 boto); PPk %13,75 (.24.304 boto); Ciudadanosek, %3,98 (7.039 boto); eta Voxek, %3,16( 5.587 boto).

Elkarrekin Podemosek ezin izan ditu errepikatu duela hiru urteko emaitzak, eta, lehen indarra izan ostean, hirugarrena da orain. Beherakada handia pairatu du alderdi moreak, bidean botoen erdiak galduta: 20.000 boto inguru galdu ditu. Nolanahi ere, Juan Lopez de Uralde buru duen hautagaitzak eutsi egin dio aurreko legealdian zuen eserlekuari, eta arabarra diputatu izango da berriro Kongresuan.

Maroto ez doa Madrilera

Motel joan da Arabako boto zenbaketa, gainerako herrialdeena baino askoz astiroago, eta nahiko berandu jakin da eserlekuen behin betiko banaketa. Horrenbestez, azken unera arte ez da argitu azken eserlekuaren borroka nork irabazi duen. Laugarren diputatua dantzan egon da EH Bilduren eta PPren artean. Lehia estua iragarrita zegoen bi alderdien artean, eta aurreikuspenak bete dira. Azkenean, 380 boto gutxiren arabera makurtu da balantza EH Bilduren alde, eta PPren kaltetan. EH Bilduk erdietsi du eserlekua, eta, beraz, Iñaki Ruiz de Pinedo abertzale beteranoa egongo da Kongresuan. Botoetan, duela hiru urte baino 8.800 boto gehiago lortu ditu EH Bilduk.

PPri, ordea, justu kontrakoa gertatu zaio. Emaitza oso txarrak izan ditu eskuineko alderdiak, eta 11.000 boto inguru galdu ditu 2016ko bozen aldean. Gainera, Javier Maroto ez da egongo Madrilen. Lehen aldia da 1989tik PPk ez duela eserlekurik lortzen Kongresuan.

Posta bidezko botoak berebiziko garrantzia izan du lurraldean, eta inoizko handiena izan da: 28.198 boto eman dira bide horretatik, erroldaren %10,9 (2016an 579 izan ziren). Maiatzaren 1etik 4ra bitartean kontatzen dira atzerriko botoak, eta ikusiko da behin betiko emaitzetan eragina duen, batez ere laugarren eserlekuan.

Senatuko emaitzei dagokienez, EAJk hiru ordezkari izango ditu, eta PSEk bat.

Hego Euskal Herriko emaitzak

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

PSNk atea itxi dio Mañeru eremu mistoan sartzeari

Berria

Etzi bozkatuko dute proposamena parlamentuan. Alzorrizek esan du ez dela gaiaz «hitz egiteko garaia»
Odon Elorza, 2021eko urtarrilaren 22an egindako agerraldi batean. ©Gorka Rubio / Foku

Odon Elorzak dimisioa eman du diputatu gisa

Jon O. Urain

Donostiako alkate ohiak aitortu du PSOEko zuzendaritzarekin «desadostasunak» saihesteko hartu duela erabakia. 11 urte egin ditu Espainiako Kongresuan.

Onintze Oleaga eta Unai Urruzuno, otsailaren 11ko topaketa aurkezten. ©/ EH Bildu

EH Bilduk jardunaldi munizipalistak egingo ditu otsailaren 11n

Jon O. Urain

Bost erronkaren inguruan ariko dira, eta indar subiranistak saio horrekin abiatuko du udal hauteskundeetako kanpaina.

Maria Txibite Nafarroako Gobernuko lehendakaria eta Ramon Alzorriz, PSNko bozeramailea, Nafarroako Parlamentuan. ©JESUS DIGES / EFE

PSNk atea itxi dio Mañeru eremu mistoan sartzeari

Xabier Martin

Jakina zen Navarra Sumak ezezkoa emango ziola Euskararen Legea aldatzeko proposamenari, eta, orain, PSNk iragarri du harekin batera bozkatuko duela, Mañeru ez dadin sar eremu mistoan.

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...