Albistea entzun

Koronabirusa

Bi mila kasu baino gehiago Hegoaldean, bigarren aldiz pandemia osoan

2.042 positibo zenbatu dituzte Osakidetzak eta Osasunbideak. «Beharrezkoak diren neurriak» hartuko ditu Labik, Urkulluren arabera
Tamaina handiagoan ikusi

Maria Ortega Zubiate - Ekhi Erremundegi Beloki -

2021eko uztailak 22

Izurria orain arteko marka guztiak apurtzeko bidean da. 2.000 kasutik gora jakinarazi zituzten atzo Osakidetzak eta Osasunbideak: 2.042 zehazki. Mugarri hori beste behin baino ez da gainditu pandemia osoan, iazko urriaren 31n. Hala ere, atzoko egunak beste mugarri bat hautsi zuen, Osakidetzak egun bakarrean atzemandako kasu kopuru handienaren berri eman baitzuen: 1.585 guztira.

Bizkaiko kasua da larriena. Kutsatzeen buruan doa, 873 positiborekin. Pandemia osoko daturik okerrenak eman ditu herrialdeak. Atzetik dator Gipuzkoa,kutsatuen ia erdiarekin: 481 zenbatu ditu. 459 izan dira Nafarroan eta 139 Araban.

Egoeraren larritasuna ikusirik, Iñigo Urkullu Eusko Jaurlaritzako lehendakariak atzo adierazi zuen gaur bilduko den Labi aholku kontseiluak «beharrezkoak diren neurriak» hartuko dituela. Pandemiaren bilakaeraren azkartasuna uda sasoiari eta neurriak «laxatu izanari» egotzi zion herenegun Gotzone Sagardui Jaurlaritzako Osasun sailburuak. Delta aldaeraren jokaera «aurreikusi ezinak» ere horretan eragina izan duela iritzi zion atzo Urkulluk. Horren eragina nabaritzen hasiak dira jada ospitaleetan, baina bertako egoera oraindik «lasaia» dela adierazi du Sagarduik egunotan egin dituen agerraldietan, eta ospitaleratze berrien kopurua «onargarria» dela.

Dena den, ohartarazi du intzidentzia «egunean-egunean» gora egiten ari dela, eta horrek eragina du ospitaleetan. 300 gaixoen langa gainditu dute ospitaleek, maiatzaren amaieratik lehen aldiz: 315 eri daude Osasunbideko eta Osakidetzako ospitaleetan. Horietatik 57, larri, ZIUetan. Hala ere, ospitaleratzeen ondoriorik ez da igarri heriotzetan oraino: aurreko bi asteetako joera bertsuan dabil kopurua, uztailaren 12 eta 18 artean COVID-19az kutsatutako bost lagunek galdu zuten bizia.

Txertaketa aurrera doa

Bien bitartean, txertaketa aurrera doa. 12-15 urte artekoei ordua ematen hasi zen atzo Osakidetza, eta Jaurlaritzak jakinarazi zuen dagoeneko 30.000tik gora banatu dituztela. Egoera bestelakoa da Ipar Euskal Herrian; txertaketa plangintzan adin irizpiderik ez badago ere, txertaketaren datuak apalagoak dira. Horren harira, Frantziako Gobernuak osasun ziurtagiria ezarri du asteon, kultur eta aisialdi guneetara sartzeko; agorriletik aitzina, ostalaritzan eta distantzia luzeetako garraiobideetan eskatuko dute.

Ziurtagiri horren helburua herritarrak «txertatzera bultzatzea» da, Jean Castex Frantziako lehen ministroren hitzetan. «Ahalik eta leku gehien irekiak atxikitzeko modua da, hala nola jatetxeak, leku horietan maskara ez baita erabilgarria». Halere, Castexek zehaztu du ostalariek ziurtagiriaren QR kodea soilik begiratuko dutela, eta ez dutela herritarren nortasuna egiaztatu beharko. «Poliziak ausazko kontrolak eginen ditu nortasunak egiaztatzeko». Bestalde, jakinarazi du txertoa jaso duen herritar bat kontaktu kasu baldin bada ez duela konfinatu beharko.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Mila positiboren langatik gora gaur berriz Hegoaldean: 1.077 izan dira

Mila positiboren langatik gora gaur berriz Hegoaldean: 1.077 izan dira

Arantxa Iraola

Osasunbideak eta Osakidetzak atzo egindako testetatik %11,8 izan ziren positiboak.

Zaldibar Argituren protesta martxoan ©Monika del Valle / Foku

Herri akusazio gisa «baztertu» dituztela salatu dute Zaldibar Argitu-k eta Gizarte Eskubideen Gutunak

Berria

Bi elkarteek argudiatu dute herritar moduan herri akusazio gisa aurkezteko eskubidea dutela, auzian «argitu gabeko kontu ugari daudelako». Horregatik uste dute ez dagoela «benetan zer gertatu zen argitzeko» interesik.

DHEren protesta bat, eutanasia legeztatzearen alde, Bilbon. ©Marisol Ramirez/FOKU

Hegoaldean egindako lehen eutanasia kasuaren berri eman dute

Maria Ortega Zubiate

DHE elkarteak jakinarazi du. Osakidetza beste bi kasu aztertzen ari dela adierazi dute.

Motorzale bat, artxiboko irudi batean. ©EFE

Motorzale bat hil da istripu batean, Zuian

Berria

Errepidetik irten da motorra, eta bidea itxi behar izan dute.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna