Albistea entzun

Mendekotasunaren itxaron zerrendan zeuden 1.424 lagun hil dira aurten

Espainiako Eskubide Sozialen Ministerioak argitaratu ditu datuak. Egoera berean zeuden 2.720 herritar hil ziren iaz Hego Euskal Herrian
Mendekotasuna duen adineko bat, iazko maiatzean.
Mendekotasuna duen adineko bat, iazko maiatzean. J. MANTEROLA / FOKU Tamaina handiagoan ikusi

Beñat Mujika Telleria -

2021eko abuztuak 21

Mendekotasunaren itxaron zerrendetan zeuden 1.424 herritar hil dira Hego Euskal Herrian urteko lehen zazpi hilabeteetan. Espainiako Eskubide Sozialen Ministerioak ostiral honetan argitaratu ditu azken datuak, baina ez ditu probintzia bakoitzeko datuak eman. Araban, Bizkaian eta Gipuzkoan 1.308 pertsona hil dira itxaron zerrendetan zeudela. Horietatik 1.214 pertsonak aitortua zuten laguntzaren bat jasotzeko eskubidea, baina jaso gabe zeuden oraindik; beste 206, berriz, mendekotasun mailari buruzko ebazpena noiz emango zain zeuden.

Nafarroako itxaron zerrendetan, berriz, 116 herritar hil dira zazpi hilabeteotan, eta horietatik 112k aitortua zuten prestazioa jasotzeko eskubidea, baina jasotzeko zain zeuden. Gainera, beste lau pertsona mendekotasun mailari buruzko ebazpena noiz emango zain zeuden.

Espainiako Eskubide Sozialen Ministerioak atzo argitaratu zituen datu horien arabera, beraz, batez beste mendekotasuneko itxaron zerrendan zeuden zazpi herritar hil dira egunero Hego Euskal Herrian, urtarriletik uztailera bitartean. Gainera, azpimarratzekoa da Hego Euskal Herrian mendekotasun sistemaren onuradunen kopurua nabarmen txikitu dela. 345 pertsona gutxiago izan dira sistema horren onuradunak: Araban, Bizkaian eta Gipuzkoan, 266, eta Nafarroan, berriz, 79.

Gizarte Zerbitzuetako Zuzendarien eta Kudeatzaileen Elkarteak emandako datuen arabera, iaz 2.720 herritar hil ziren Hego Euskal Herrian mendekotasuneko itxaron zerrendan zeudela.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Euskal Eskola Publikoaz Harro Topagunearen prentsaurrekoa, atzo, Bilbon. ©JAIZKI FONTANEDA / FOKU

Manifestaziora deitu dute eskola publikoaren alde azaroaren 6rako

Javi West Larrañaga

Arabako, Bizkaiko eta Gipuzkoako hezkuntza akordio berriaren harira, «eskola segregazioari eta inklusio faltari» aurre egingo dien sistema bat eskatu du Euskal Eskola Publikoaz Harro Topaguneak
Emakume bat, etxe agentzia baten aurrean. ©LUIS TEJIDO / EFE

Alokairuen prezioa soilik «tentsio handiko» tokietan mugatuko du Madrilek

Juanma Gallego

Ministroen Kontseiluak etxebizitzaren lege aurreproiektua onartu du. Erkidegoen esku utziko dute araua aplikatzea eta prezioak arautzea
Eusko Jaurlaritzako Osasun sailburu Gotzone Sagardui, artxiboko irudi batean. ©ENDIKA PORTILLO / FOKU

Sagarduik «tentuz» jokatzeko eskatu du, joera «goranzkoa» delako

Irati Urdalleta Lete

Sailburuaren hitzetan, goizegi da beste olatu bat datorrela esateko, eta ez dago jakiterik «goranzko» bilakaerak zer eragin izango duen ospitaleetan

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.