Albistea entzun

Mugimendu antiespezistak etxeko animalien lege proposamena txarretsi du

Salatu dute arauak ontzat jotzen duela animaliak ustiatzea. Animalia guztien ongizatea aldarrikatu dute, «ez soilik txakurrena eta katuena»

Ion Orzaiz -

2021eko abuztuak 27

«Ezin da esan hau animalien aldeko lege bat denik». Euskal Herriko mugimendu antiespezistak ez du begi onez ikusi EAJk eta PSE-EEk Eusko Legebiltzarrean aurkeztutako Lagun Egiteko Animaliak Babesteko Lege Proposamena. Animaliak babestu beharrean arauak «animalien %95 kanpoan» utziko dituela salatu dute Inurri Antiespezista, Zaunk, Tafalla Antiespezista, Piztiak, Erladi Antiespezista eta Nor Euskal Herria Antiespezista taldeek, ohar batean: «Animaliak nola esplotatu definitzen du, eta erailketa sistematikoak bidezko egiten ditu».

Lagun Egiteko Animaliak Babesteari buruzko legeak 1993. urteko beste bat ordezkatuko du: Animaliak Babesteko 6/1993 legea. Horretan ez bezala, legebiltzarrean eztabaidagai den legeak debekatu egiten du txakurtegietan dauden animaliak sakrifikatzea, eta zigor gogorragoak ezartzen ditu animalien aurkako tratu txarrengatik.

Talde antiespezisten ustez, ordea, EAJren eta PSE-EEren proposamenak «ongizatearen banaketa selektiboa» egiten du, animalia asko bazter utzita: «Badirudi etxekotu eta dominatutako katuak eta txakurrak bakarrik hartu dituztela kontuan, horiek direla ongizatea merezi duten bakarrak». Zehazki, lege proposamenetik kanpo daude ehiza, arrantza, tauromakia eta haragiaren industria, besteak beste: «Hasieratik, lege honek kanpo utzi ditu kontsumorako esplotatutako animaliak, eta hori onartezina da antiespezistontzat». Hori dela eta, «gizaki batzuen interesen mesedetan» eta «animalien ustiapenaren alde» eginiko legea dela nabarmendu dute antiespezistek.

Borroka egiteko deia

Oharraren sinatzaileek nabarmendu dute legea «sistema esplotatzaile baten eta ideia espezistetan oinarritutako jendarte baten barruan» ondua dagoela. Horregatik, ez diote eskaerarik egin Eusko Jaurlaritzari. Horren ordez, herritarrei dei egin diete «sistema espezistan arrakalak egitera», «txerriek, izokinek eta oiloek ere ongizatea behar dutelako».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Herritarren batzarra. ©Telesforo Monzon Laborategia

Parte hartzeko beste modu bat

Miren Garate - Gipuzkoako Hitza

Gipuzkoako Herritarren Batzarrak klima aldaketari eta nekazaritzari buruzko gomendio sorta bat egin dio Gipuzkoako Foru Aldundiari; horri erantzunez, zer konpromiso hartuko dituen zehaztu du aldundiak. Batzar hori sortu den lehen aldia izan da, eta sustatzaileak pozik agertu dira emaitzarekin.

 ©Monika del Valle/ FOKU

«Museoak izango du arrantza kultura bizirik mantentzeko funtzioa»

Zihara Jainaga Larrinaga - Bizkaiko Hitza

Lau hamarkada eman ditu Aingeru Astuik Bermeoko Arrantzaleen Museoko zuzendari karguan. Aurrez, marinel ere aritu zen. Afizioa eta ofizioa, biak uztartzeko aukera eman dio itsasoak.

 ©Iñigo Uriz / FOKU

Benetako min amaigabea

Edurne Elizondo - Nafarroako Hitza

Sei emakumek Asenna Nafarroako Endometriosi Elkartea sortu dute, eritasun horren berri emateko. Salatu dute oraindik ere gaixotasun «ikusezin» bat dela, eta zalantzan jartzen dela sufritzen dutenen hitza.

UEMAko herrietarako udalen ordezkariak, atzo, Azpeitian. ©JON URBE / FOKU

UEMAk egiturazko neurriak eskatu ditu euskararen erabilera sustatzeko

Irati Urdalleta Lete

Ehun herriko langa gainditu du, beste lau herri onartuta: Arrankudiaga, Arruazu, Doneztebe eta Etxebarria. UEMAk Euskal Herri euskaldunaren orubeak sendotzeko konpromisoa hartu du

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...