Bizkaian sei lagun atxilotu dituzte emakumeen sexu esplotazioa leporatuta

Poliziak hiru emakume «askatu» ditu, baina sareak 11 atzeman zituen gutxienez. Bi lokal itxi dituzte, haietako bat Trapagaranen
Sexu esplotazioaren aurkako kanpaina baten irudia.
Sexu esplotazioaren aurkako kanpaina baten irudia. EFE Tamaina handiagoan ikusi

Iosu Alberdi -

2018ko uztailak 20

Espainiako Poliziak 23 lagun atxilotu ditu emakumeen salerosketan jarduten zen sare bateko kide izatea leporatuta. Bizkaian atxilotu dituzte haietako sei, eta gainontzekoak, Espainian: Kantabrian hamabi, Burgosen hiru, Palentzian bat eta Valladoliden bat. Poliziak adierazi du sareak sexualki esplotatzen zituela Hego Amerikan atzemandako zenbait emakume, Trapagarango lokal batean (Bizkaia) eta Barcena de Ciceroko beste batean(Kantabria). Hala, sarea desegintzat jo dute. Atxilotuetako sei behin-behinean espetxeratu dituzte.

Operazioan hiru emakume «askatu» ditu Poliziak. Halere, adierazi du gutxienez 11 emakume atzeman zituela sareak, eta baliteke gehiagoren berri izatea, operazioa ez baita itxi.

Emakumeak prostituitzera behartzen zituzten, 6.000 euroraino irits zitekeen «zorra» ordaindu arte. Poliziaren arabera, batez beste egunean hiru aldiz izan behar zituzten sexu harremanak, hamabi orduko jardunaldietan. Zorraz gain, eguneko 55 euroko alokairua ordaindu behar zuten, ohearen eta argiaren truke. Gainera, emakumeek sareko buruen sexu abusuak jasan zituztela azaldu du Poliziak.

Hego Amerikan atzematen zituzten emakumeak, batez ere Venezuelan, Paraguain eta Dominikar Errepublikan. Sareak bitartekariak erabiltzen zituen horretarako: egoera ekonomiko eta familiar zaurgarrian zeuden emakumeak erakartzen zituzten.

Sexu esplotazioaz gain, beste hainbat delitu ere ikertzen ari dira, dokumentuak faltsutzea eta dirua zuritzea, besteak beste. Horretarako sareak finantza sistema konplexuak erabiltzen zituen .

Sei miaketa egin dituzte, eta 1.000 eurotik gora, droga kantitate txikiak, arma zuriak, beisboleko bate bat eta 38 kalibreko kartutxoak bereganatu ditu Poliziak; horrez gain, banku dokumentazio ugari eta gailu elektronikoak.

Urtebeteko ikerketa

Poliziak iazko uztailean hasi zuen ikerketa, saretik ihes egitea lortu zuen emakume batek jarritako salaketari esker. Sarea bi erakunde independentez osatua zegoela azaldu du. Euren artean kolaboratzen zuten, besteak beste emakumeak elkarri bidaliz. Halere, bi erakundeen arteko harremana gaiztotu egin zela adierazi du, elkarren artean liskarrak sortzeraino. Kantabrian, elkarren aurkako borroka batean, bi taldeetako kideak larri zauritu ziren.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Sindikatuen agerraldia, gaur. ©BERRIA

Hezkuntza Sailak «planifikazio integralik» ez duela salatu dute sindikatuek

Gotzon Hermosilla

Ohartarazi dute «transmisio kasuak ugarituko» direla neurriak hartzen ez badira. Greba egunetik astebetera, adierazi dute ez dutela baztertzen beste mobilizaziorik egitea.

Osasungintzako sindikatuen protestak. ©Gorka Rubio/FOKU

«Hitzetatik ekintzetara pasatzeko» eskatu diote sindikatuek Osakidetzari

Maria Ortega Zubiate

SATSE, ELA, LAB, SME, CCOO, UGT eta ESK sindikatuek osasun sistemaren egoera hobetzeko neurriak hartu ditzala eskatu diete Osakidetzari. Adierazi dute neurriak hartu ezean mobilizazioekin jarraituko dutela.

Hainbat ikasle, ikasgeletara sartzeko zain, Bilbon. ©Luis Jauregialtzo / Foku

32 ikasgela itxi dituzte egun bakarrean Hego Euskal Herrian

Mikel O. Iribar

Ikasturtea hasi zenetik, 364 ikasgela daude itxita Hegoaldean. Guztira 231 ikastetxetan izan dira itxiera horiek.

PCR proba bat, Gurutzetako ospitalean. ©Luis Jauregialtzo, FOKU

Lehen aldiz, laurehun kasuren langa gainditu du Nafarroak

Uxue Rey Gorraiz

Beste 826 kasu atzeman dituzte Hego Euskal Herrian. Horietatik 421 Nafarroan detektatu dituzte. Positiboek goia jo dute lurralde horretan, eta hildako bat izan da. 497 lagun daude erietxean Hegoaldean: horietatik 81, ZIUetan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna