Donostiak debekatu egingo du Parte Zaharreko etxeetan hotel gehiago ezartzea

Udalak hirigintza plana moldatzea adostu du. Neurriarekin, «eragotzi» nahi du turismoari lotutako komertzio jarduera berriak abian jartzea
Donostian hotel gehiegi egiten ari direla salatu izan dute eragileek.
Donostian hotel gehiegi egiten ari direla salatu izan dute eragileek. J.C. RUIZ / FOKU

Karmele Uribesalgo Alzola -

2019ko urtarrilak 30
Donostiako udal gobernuak behin-behinean onartu zuen atzo Parte Zaharreko Plan Orokorra moldatzea. Ondorioz, debekatuta egongo da etxebizitza eraikinetan hotelak jartzea. Eneko Goia Donostiako alkateak azaldu duenez, neurri horrekin, babestu nahi dute etxebizitza horiek jendea bizitzeko izatea. Horrez gain, «eragotzi» asmo dute «turismoaren etengabeko hazkundearekin lotuta» dauden merkataritza jarduera berriak ezartzea hirian, hala nola hotelak eta ostalaritza negozioak.

Plangintzaren zati bat besterik ez dute moldatuko oraingoz, luzea baita hirigintza plana osorik aldatzeko tramitazioa. Alabaina, azken hilabeteetan ez da posible izan etxebizitza eraikinetan turismo negozioak jartzea. Izan ere, maiatzaren 24an eman zuten «lehen pausoa» auzia arautzeko, eta adostu zuten bi urtean lizentzia gehiagorik ez ematea. Atzo onartutako aldaketak Parte Zaharreko egoera arautuko du, baina udalak nahi du neurriak hiri osoan izatea eragina. Horretarako, Goiak adierazi du espero duela otsailean plan orokorraren moldaketa bat onartzea. Parte Zaharreko prozedura berari jarraituko liokete: bi urtean lizentzia berririk ez ematea, eta gero tramitatzea behin betiko moldaketa.

Turismoaren gorakadak gatazka sortu du Donostian. Herritarrek «masifikazioa» salatu izan dute. Horrez gain, Gipuzkoan, 2017. eta 2019. urteen bitartean gutxienez 25 hotel irekitzeko asmoa zegoen, gehienak hiriburuan. Hori arautzeko asmotan erabaki du udalak neurriak hartzea.

Goiak azpimarratu du ez dutela etxerik hustu indarrez hotelak egiteko; «kasu gehienetan», hutsik eta erabilpenik ez zuten eraikinak aprobetxatu izan dira. Arauak aldatzearekin, udaleko ordezkariek nahi dute «ezinezkoa» izatea etxebizitzak hirugarren sektorera bideratzea.

Planari aurre egiteko batuta

Udalaren hirigintza politika salatzeko, Donostia Defendatuz plataforma aurkeztu zuten duela bi aste. Zenbait herri mugimendu eta elkarte batu dira, «hirigintza garbi, parte hartzaile eta iraunkor baten alde». Udalaren kudeaketa «txarra» salatu nahi dute, eta asmoa da «borroka lokal txikiei ahotsa ematea». Besteak beste, aurre egin nahi diote hotel berriak «mugagabe» hedatzeari eta merkataritza guneak eraikitzeari.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna