Mendaroko ospitaleko segurtasunaz kezkatuta agertu dira langileak

60 egun daramatzate greban mantentze lanetakoek, eta kalteak sortzen hasi dira. «Beste aldera begiratzea» egotzi diote zuzendaritzari
Ospitaleko hodietan izandako kalteak konpontzen, atzo.
Ospitaleko hodietan izandako kalteak konpontzen, atzo. BERRIA Tamaina handiagoan ikusi

Uxue Gutierrez Lorenzo -

2019ko abuztuak 30

Mendaroko ospitalean (Gipuzkoa) kalitatezko zerbitzua nekez berma dezaketela ohartarazi dute mantentze lanetako beharginek. Horren adibide gisa jarri dute herenegun gertatutakoa: ospitaleko larrialdietako gunean dauden hodietako bat apurtu zen, eta larrialdi zerbitzuetako gunea eta erradiologiakoa urez bete ziren.

Langileek azaldu dutenez, hodi horiek sarritan matxuratu dira azkenaldian, eta Osakidetza jakinaren gainean dago. Oraingoan, hiru ordu behar izan zituzten konpontzeko. Ura 60 graduko tenperaturan zegoen, eta horrek ere langileen lana zaildu eta luzatu zuen, ondorioz kalte material handiak sortuz. «Beste aldera begiratzea» egotzi diote zuzendaritzari.

Ezbeharra saihestu egin zitekeela uste du Aner Agirrek, matxura konpontzera joan ziren langileetako batek: «Zaintzan gauden denboran ordu erdiko tartea dugu bertaratzeko, eta zerbitzu horrengatik 11 euro jasotzen ditugu». Horren ordez gaueko lanaldi osoa sortu beharko luketela uste dute beharginek, une oro ospitalean egon daitezen. Hori da, hain zuzen, greban daudenen eskakizunetako bat. Izan ere, uztail hasieran abiatu zuten greba mugagabea mantentze lanetako beharginek, pairatzen dituzten «lan baldintza prekarioak» salatzeko asmoz.

Tecman azpikontrataren eskuetara igaro ziren maiatzean, eta, aurretik zituzten lan baldintzak berreskuratzeaz gain, bi eskari egiten dituzte: KPIari loturiko soldata igoera eta guardien soldata Osakidetzako gainerako langileenarekin parekatzea. Horren aurrean, baina, Osakidetzaren eta enpresaren borondate falta salatu dute.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Jendea paseoan Donostiako alde zaharreko kaleetan, atzo. ©Juan Carlos Ruiz/FOKU

510 kasu atzeman dituzte Araban, Bizkaian eta Gipuzkoan

Berria

Bizkaian behera egin dute kasuek; Araban eta Gipuzkoan, aldiz, igo egin dira.

Rafael Bengoa, artxiboko irudi batean ©Gorka Rubio / Foku

«Mikrokonfinamenduak» ezartzearen alde dago Bengoa

Irati Urdalleta Lete

Eusko Jaurlaritzako Osasun sailburu ohiak aztarnari falta dagoela azpimarratu du. Uste du agerraldiak egotea herritarren portaeraren eta administrazioaren kudeaketaren ondorioa dela.

Bilboko Birjinetxe zentroa. Bertara eraman dituzte positibo eman diuten egoiliarrak. ©Raul Bogajo/FOKU

Gallartako zahar etxe batean 16 positibo atzeman dituzte

Berria

Hamaika egoiliar eta bost langile kutsatu dira.

Nekane Murga Osasun sailburua, atzoko agerraldian. ©Miguel Toña / EFE

Etxeratze agindua, zalantzazko muga

Irati Urdalleta Lete

Eusko Jaurlaritzak etxeratze agindua izan du hizpide; hau da, herritarrei eskubidea kentzea ordu jakin batetik aurrera kalean ibiltzeko. Adituek ez dute argi horretarako eskumenik ba ote duen.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna