Albistea entzun

Irune Costumero: «Epaia abisu bat da amentzat»

Salatu du halako prozesuetan umeei ez zaiela «entzuten», eta GASa legearen aurkakoa dela. Helegitea jarriko dio herenegungo epaiari
Costumerok helegitea jarriko dio epaiari.
Costumerok helegitea jarriko dio epaiari. ANDONI CANELLADA / FOKU Tamaina handiagoan ikusi

Naroa Torralba Rodriguez -

2021eko uztailak 23

«Kolpe handia» izan da Irune Costumerorentzat herenegun Bizkaiko Probintzia Auzitegiak emandako epaia. Aldundiko lau funtzionario absolbitu zituen prebarikazio delituaz eta haren alabaren aurkako tratu txar eta lesio psikikoak egiteaz. Costumerok jarritako salaketa zuen ardatz auziak: 2017an, GAS gurasoen alienazio sindrome faltsua argudio gisa hartuta, alabaren zaintza kendu ziotelako. «Epaia abisu bat da gainontzeko ama guztientzat, geldi egon daitezen», adierazi du.

Epaiketan «esperantza» zuen Costumerok, baina sententzia jasota, triste agertu da, BERRIAri egindako adierazpenetan: «Epaiketako egunetan balantza guztiz alde batera geratu zen». Helegitea prestatzen ari dela jakinarazi du, egiak «bide bakarra» duelako: «Guk daukagu egia». Erantsi du «oso harrigarria» dela NBEko errelatoreek Espainiari «esplikazioak eskatu arren auzitegiak sententzia hori ematea». Errelatoreei epaia bidaliko die.

Espainiako Gobernuak Haurren Babeserako Legean onartutakoari «kontra» egiten diola uste du: «Argi utzi dute genero ikuspegirik ez dutela; patriarkatuaren sistema hor ageri da». Diputazioak duen «pisua» ere nabarmendu nahi izan du: «Boterearen aurka joatean, makineria dena martxan jartzen da». Langileak haurraren «babesgabetasun arriskuagatik» jardun zirela berretsi zuen auzitegiak, baina Costumero ez dator bat: «Inork ez du egin umearen alde».

Tinko eutsiko diola esan du: «Babesa daukat; ez nago bakarrik». Umeen defentsan segituko du: «Amaieraraino, legea eskuan, tortura instituzionalari aurre eginez. Umeak ez dituzte entzuten, eta gobernuak hori baimentzen du».

Irene Montero Espainiako Berdintasun ministroak babesa helarazi dio Twitter bidez Costumerori, «justiziak bizkarra eman» diolakoan. Aitor Esteban EAJren Kongresuko eledunak, berriz, ministroaren txioa kritikatu du: «dogmatismo ideologikoz» aritzea leporatu dio.

Asko balio du irakurri duzun albiste/artikulu honek. Talde baten lanaren emaitza da.

Albiste hau zuri helarazteko eta talde honek bere lana baldintza egokietan egin dezan, BERRIAk ezinbestekoa du zure sostengua.

Zure babes ekonomikoarekin, aldi hau kontatzeko funtzioa betetzen jarraitu nahi dugu: kazetaritza konprometitu, kalitatezko eta independentea egiten.

Albiste gehiago

 ©MAIALEN ANDRES / FOKU

«Arnasgune batzuek utzi diote hala izateari; hori irauli nahi dugu»

Irati Urdalleta Lete

Hiru lan ildo nagusi zehaztu ditu legealdirako: UEMAren hedatzea, ikerketa eta kulturartekotasun proiektuak. Hizkuntza politika «aurrerakoiak eta ausartak» galdegin ditu.
Vianako Erentzun ikastolako ikasleak, atzoko ekitaldian. ©BERRIA

Begirada komun bat ikastolentzat

Ion Orzaiz

Ikastolek hezkuntza marko orokor berria aurkeztu dute, Vianan. VII. batzarra eginen dute 2024an, etorkizuneko erronkak aztertzeko

Atzo Antiguan egin zuten kanpaldiko ekintza bat. ©IDOIA ZABALETA / FOKU

Egitarau zabaleko kanpaldia «etxebizitza eskubidearen alde»

Unai Etxenausia

Ehun-ek antolatu du kanpaldia. Turismoaren inguruko hitzaldi batekin hasiko dute eguna gaur

Tania Diez. ©Aritz Loiola, FOKU

«Kaleak ito, gaixotu eta hil egiten zaitu»

Iraia Vieira Gil, Bizkaiko Hitza

Goiztiri elkartearen azken kontaketaren arabera, ehun etxegabe inguru bizi dira Barakaldon. Baliabide falta ikusita, Eguneko Arreta Zerbitzua ireki zuen elkarteak 2011n. Tania Diez teknikariak dio leku gehiago behar dela.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoari esker, gure funtzioa betetzen jarraituko dugu egunero:
jendearen galdera eta kezkekin bat egingo duen kazetaritza bat egiten.