DARWIN ETA GU

Kontuz eta tentuz

Jose Mari Pastor -

2021eko urtarrilak 9

Joan den astean eman zioten txertoaren lehenengo dosia lan egiten duen ospitalean, Brooklyn-en. Onkologoa da bertan, eta gustura jaso zuen txertoa, beste mediku guztiek bezalaxe. Hark adierazi didanez, erizainen erantzuna ez zen hain ahobatezkoa izan: %15 inguruk egin zioten uko txertatzeari.

Pfizerren txertoak min handia eragin zion besoan. Biharamunean logaleak egon zen egun osoan, baina gero ondo joan zen dena. Moderna-ren txertoa hartu dutenek azaldu diotenez, ziztadaren ondokoa ez da hain mingarria. Hala ere, erreakzio alergikoak izateko aukerak gehiago dira. Ez du txertoen kontrako jarrera ulertzen. Haren ustez, deus ez da bat ere arriskurik gabea, baina bada datu bat, eztabaidaezina: txertoei esker nabarmen egin du behera heriotza-tasak munduan. Batez ere, umeen artean.

Euskal Herrian ere hasia dugu txertatzeko kanpaina. Hemen ere, AEBetan legez, badira txertoaren kontrakoak. Eta ez edonolakoak, kontuz. CISek kaleratutako azken inkestak datu deigarri bat eman digu: COVID-19aren kontrako txertoen aurkakoen portzentaje handiena Vox eta EH Bilduren boto emaileen artean dago.

Voxekoen jarrerak ez nau bereziki kezkatzen; EH Bildukoenak, berriz, bai. Lagun batek esan didanez, bere herrian eztabaida handia dago ezker abertzalearen barruan, koronabirusa dela eta. Kide batzuek konplotaren teoria babesten dute; beste batzuek «zientziaren diktadura» gaitzesten dute.

Logikoa izan daiteke txerto batek hasieran mesfidantza sortzea. Interes ekonomikoak nagusi dira farmazia industrian, bai. Eta begi-bistakoa da: hartutako neurri batzuek koherentzia falta izan dute, eta gure eskubideak murriztu dituzte. Hori hala izanik ere, zalantza dut zenbait jarrera ez ote diren gizarte gero eta indibidualistagoaren isla. Egoismoa.

Izan ere, oso erraza da txertoei uko egitea, gauzak okertu edo gaixotuz gero osasun zentro publiko bat zure zerbitzuko izango duzula dakizunean. Oso polita da osasun neurri eta aholkuei barre egitea, eta, gero, sintomarik txikiena duzunean, larrialdietara jotzea. Sudango herritar pobreak ez du txertoa arbuiatzeko aukerarik; erietxera korrika joateko ere ez. Ez du txertorik; ez du ospitalerik. Miseriarik latzenean hiltzen da bazterrean.

Norberekoikeria. Ildo horretan, Nuria Cadenes kazetari eta preso politiko ohi katalanak zorrotz definitu du Llinars-en (Bartzelona) urtearen bukaeran eginiko festa rave-a: «Gorespen indibidualista postmodernoa. Balio kontestatarioen estetizazio hutsa». Eta horrela segitu du: «Festa egitea, garagardoa edo dena delakoa sartzea jarrera politiko bat, jokaera errebelde, apurtzaile eta iraultzaile bat balitz bezala».

Euskal Herriko zenbait lekutan ere egin dituzte halakoak. Bertan elkartu diren heroiek askatasuna aldarrikatu dute. Batzuek anarkistatzat jotzen dute beren burua. Antisistemak ditugu. Zer sistema ezarri nahi dute, bada, antisistema horiek? Hauxe dioena: «Nik eskubide osoa dut nahi dudana egiteko, nahi dudanean eta nahi dudan moduan». Anarkistak omen dira. Kropotkin, Sacco eta Vanzetti edo Malatestaren jarraitzaileak ala bon vivant egoista arduragabeak? Julio Anguitari barregura eragiten zioten: «Zuek anarkistak? Benetako anarkistek burua altxatuko balute, lau zaplazteko emango lizkizuekete».

Pedagogia egin beharko da. Eta ez ahaztu askatasun indibidualak, historikoki, garaipen kolektiboen bidez lortu direla. Eztabaidatzeko, kritikatzeko eta zuzentzeko eskatzeko eskubidea dugu. Eta beharra, baina perspektiba galdu barik. Bestela, baliteke birus honek ezein kataklismok lortuko ez lukeena lortzea hemen, Europako leku batzuetan jadanik gertatu den moduan, baina gurera ekarrita: Voxen boto-emaileak, sinbologia faxista lagun, eta EH Bildurenak manifestazio batean elkarrekin joatea, haien aldarrikapen eta helburu nazional eta sozialak guztiz, zeharo desberdinak izan arren. Zergatik, eta ezin dutelako gaueko hamarretan taberna batean mundua konpontzen jardun. Nork bere aldetik, jakina.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Iñigo Urkullu Eusko Jaurlaritzako lehendakaria eta Eva Ferreira EHUko errektorea gaur, Gasteizen. ©Irekia

Eva Ferreirak EHUko errektore kargua hartu du, eta «ikuspegi irekia» izan behar duela azpimarratu

Amaia Ramirez de Okariz Kortabarria

Euskal Herriko Unibertsitateak «integratzailea eta solidarioa» izan behar duela nabarmendu du Ferreirak, eta «erronka sozialak» jarri behar direla erdigunean. Etapa berri bat hastear dela erantsi du, eta baita Urkulluk ere.

Arantxa Tapia eskuinean, urrian Zaldibarko zabortegira egindako bisita batean. ©Marisol Ramirez

Eusko Jaurlaritzak ez du aurreikusten zabortegi gehiago eraikitzea

Igor Susaeta

Arabako, Bizkaiko eta Gipuzkoako plantetara eramandako hondakinak 2030erako %85 murriztea du helburu Hondakinen Prebentziorako eta Kudeaketarako Planaren zirriborroak

Miren Gorrotxategi, Pilar Garrido eta Isabel Salud, gaurko agerraldian, Gasteizen. ©Elkarreki Podemos-IU

Elkarrekin Podemos-IUk ikerketa batzorde bat eskatu du txertaketa «irregularrak» argitzeko

Edurne Begiristain

Miren Gorrotxategik uste du «sare bat» dagoela txertaketa irregularren atzean, eta Eusko Jaurlaritza «bete-betean inplikatuta» dagoela.

Ertzaintza Donostiako Alde Zaharrean, joan den larunbatean. ©Gorka Rubio / Foku

Urkullu: «Probokazio eta eraso bortitzen aurrean, Ertzaintza orekaz eta neurriz jardun da»

Paulo Ostolaza

Eusko Jaurlaritzako lehendakariak Facebooken hizpide izan ditu «azken egunetan hainbat herritan izandako liskarrak eta arazoak» :  «Udaltzaingoaren eta Ertzaintzaren helburua osasun publikoa eta gizarte bizitza defendatzea izan da».

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.