Noiz sortua: 2019-02-09 00:30:00

Bilboko Portuaren trafikoa %4 hazi da, eta bosgarren urtez jarraian egin du gora

2019an trafikoa %2 handituko dela aurreikusten dute. 'Brexit'-ari aurre egiteko politika bateratu bat eskatu dio Barkalak Europako Batasunari
Bilboko Portuan inoizko kontainer gehien garraiatu ziren iaz.
Bilboko Portuan inoizko kontainer gehien garraiatu ziren iaz. L. JAUREGIALTZO / FOKU Tamaina handiagoan ikusi

Lander Muñagorri Garmendia -

2019ko otsailak 9

Azken bost urteetan haizea alde duela dabil Bilboko Portua. 2013an susperraldi ekonomikoa sumatzen hasi zenetik, urtero igo da merkantzien trafikoa; hainbeste, ezen, ordutik, %23 hazi baita. Iazkoa ere urte ona izan zela esan zuen Ricardo Barkala portu agintaritzako presidenteak atzo, eta ez da gutxiagorako, merkantzia mota guztien trafikoa igo baita. Gustura azaldu zen presidentea agerraldian. 35,6 milioi tonako trafiko orokorra izan zuen portuak, 2017an izan zuena baino 1,4 milioi gehiago; hau da, %4 handiagoa. Plan estrategikoan aurreikusita dago trafikoa 37 milioi tonara iritsiko dela 2022. urtean, baina zuzendaritzak espero du lehenago iritsiko dela.

Alde horretatik, 2019ak lehengo lepotik izango du burua, eta %2 haziko da hango trafikoa. Iazkoen artean hazkunderik handiena ontziratu gabeko likidoek izan zuten: 20,5 milioi tona garraiatu ziren, 707.000 tona gehiago. Bilboko Portuko kontainerren trafikoak, bestalde, inoizko daturik onenak izan zituen 2018an. 638.447 kontainer iritsi ziren, urte bat lehenago baino %5,5 gehiago. Presidentearen hitzetan, horretan eragina izan du Txinako Cosco konpainiak hartu izanak Noatumeko gidaritza, kontainerren garraioa kudeatzen duen enpresarena. Baina Bilboko Portuko kontainerren nasan beste konpainia batzuk ere badaude, eta denen lorpena izan dela ere esan zuen.

Bilboko Portuko nasetan 2017an baino 70 itsasontzi gehiagok amarratu zuten, 2.925ek denetara. Baina merkantzien bolumena itsasontzi kopurua baino gehiago handitu zen. Horregatik, ondorioztatu daiteke itsasontzien tamaina gero eta handiagoa dela. Barkalak eman zuen datua: batez beste, %2,6 handiagoak izan ziren iritsitako itsasontziak. Produktu likidoen hazkundearen eragina izan zen hori.

Politika bateratua

Merkatu nagusiei begira, kezka azaldu zuen Barkalak. Erresuma Batuak du bezerorik handiena Bilboko Portuakt, eta datozen asteetan gauzatu daitekeen brexit-aren inguruko zalantzek eragina izan dezakete. Hala ere, argi utzi nahi izan zuen merkatuaren %10 ordezkatzen duela herrialdeak, eta merkatu gehiago ere badituela portuak. Baina ez zuen ezkutatu eragina izango duela, eta, horregatik, eskaera egin zion Europako Batasunari: «Beste portuekin harremanetan gaude, eurek nola jardungo duten jakiteko, baina politika bateratu bat behar da. Portu batzuek besteek baino zorrotzago jokatuko badute, desorekak sor daitezke». Bilboko Portua akordiorik gabeko brexit-erako prest dagoela esan zuen. Areago: «Kantauriko portuen artean ondoen prestatuta gaudenak gara gu».

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 2an eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan hamar lagun hil dira COVID-19 gaitzaren eraginez. Zortzi positibo atzeman dituzte PCR probekin, eta bost gaixo ospitaleratu dituzte. Euskal Herrian 29.491 gaixok eman dute positibo guztira, koronabirusa atzemateko probaren bat eginda. Horietatik 2.078 hil dira. Grafikoak, albiste barruan.

Aritxulegiko gaina, Nafarroa eta Gipuzkoa artean. ©

Nafarroako Gobernuak «jarrera zuhurra» du lurraldeen arteko joan-etorriekin

Berria

«Autonomia erkidego guztiek dute lurralde mugakideen artean mugitzeko helburu bera, baina litekeena da erritmoa berbera ez izatea», esan du Javier Remirez gobernuko bozeramaileak. Salvador Illa Espainiako Osasun ministroak atzo esan zuen hirugarren fasea bukatu arte ezingo dela autonomia erkidego batetik bestera bidaiatu. 

Heriotza kopurua asteka, Araban, Bizkaian eta Gipuzkoan. ©INE

Nabarmen goratu da izurriak eragindako heriotzen kurba

Edu Lartzanguren

Espainiako Estatistika Institutuak grafiko bat argitaratu du, erakusteko izurriak nola eragin duen heriotza tasan.

Pedro Sanchez Espainiako presidentea, gaurko lehen agerraldian, Kongresuan. ©J. J. Guillen / EFE

Espainiako Kongresuak larrialdi egoeraren seigarren luzapena onartuko du gaur

Paulo Ostolaza

Ekainaren 21 arte luzatuko dute; printzipioz, azken aldiz. Sanchezek iragarri duenez, «hirugarren fasean sartzen diren autonomia erkidegoetan hango presidenteak erabakiko du nolakoa izango den fase hori».

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna