Albistea entzun
Emakumeen aurkako indarkeriari ez
Emakumeen aurkako indarkeriari ez
Emakumeen aurkako indarkeriari ez

Uemako herrietan euskara lehenesteko konpromisora batu da Bankoa Abanca

Laboral Kutxak eta Kutxabankek Uemarekin egindako akordiora batu da finantza erakundea. 44 herritako finantza bulegoetan aplikatuko dute
Hitzarmen berrituaren sinatzaileak, atzo, Bergaran.
Hitzarmen berrituaren sinatzaileak, atzo, Bergaran. UEMA Tamaina handiagoan ikusi

Julen Aperribai -

2021eko urriak 21

Euskararen erabilera sustatzeko finantza erakundeekin egindako akordioa berritu du Uema Udalerri Euskaldunen Mankomunitateak, duela lau urte Laboral Kutxa eta Kutxabank bankuekin egindako hitzarmena zabalduta; harekin bat egin du Bankoa Abancak ere. Hiru finantza erakunde horiek bulegoak dituzten Uemaren herrietan hartuko dituzte erabilera indartzeko neurri bereziak; zehazki, 44 herritan —30 ziren orain arte—. Atzo goizean aurkeztu zuten hitzarmen berritua Bergarako Seminarixoan (Gipuzkoa). Han izan ziren hiru finantza erakundeetako ordezkariak, Iraitz Lazkano Uemako lehendakaria eta Uemako udalerrietako zenbait alkate.

Finantza erakundeek hartutako konpromisoak zazpi puntutan zerrendatu dituzte. Harremanak euskaratzea izango da xede nagusietako bat, izan udalen eta bankuen artekoak, izan bankuek bezeroekin dituztenak. Lehenengo kasuan, komunikazioak euskaraz izan beharko duela jaso dute, eta hori bermatzeko baliabideak jasoko dituzte bi aldeek. Herritarrekiko harremanean ere euskararen presentzia ziurtatu beharko dute hiru bankuek, bai harremana aurrez aurrekoa denean, lehen hitza euskaraz eginda, eta baita komunikazioa telematikoki edo elektronikoki egiten dutenean ere. Posta elektronikoak euskaraz bidaliko zaizkie bezeroei, txartela sartu aurreko mezuak euskaraz agertuko dira kutxa automatikoetan, eta 35 urtetik beherakoei euskara hutsean bidaliko zaizkie mezuak, haiek kontrakorik adierazi ezean, besteak beste.

Neurri horiek betetzeko langileak trebatzea beharrezkoa dela iritzita, haiei begirako neurriak ere hartu beharko dituzte finantza erakundeek. Langileak «edozein lan mota euskaraz egiteko» gai izatea nahi dute, eta, hala, formakuntza eta baliabideak eskainiko dizkiete horretarako. Halaber, «lankideen hizkuntza ohituretan» ere eragin nahi dute, eta langileen arteko harremanak euskaraz izan daitezen ahaleginduko dira.

Jarraipen batzorde bat ere osatuko dute, finantza erakundeko eta Uemako ordezkariek osatua, eta «ezarritako irizpideen jarraipena» egitea izango da haren eginbeharra. Lau urteko epealdia izango du hitzarmenak, baina edonoiz luzatzeko eta amaitutzat emateko aukera izango dute sinatzaileek.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Makina bat lanean, atzo, A-15 autobidean, Leitza (Nafarroa) parean. ©Jagoba Manterola / Foku

Aurreikusi dute uholdeak izango direla Euskal Herrian

Berria

Jaurlaritzak Uholdeei Aurre Egiteko Plan Berezia aktibatu du. Nafarroa erdialdea alerta gorrian dago, eta Ipar Euskal Herrian alerta naranja aktibatu dute. 500-600 metro inguruko altueran ari du elurra.    

 ©BERRIA

PANDEMIA BATEN LEHEN KONPASAK

Arantxa Iraola - Gorka Berasategi Otamendi

Ofizialki 1981. urtean jakinarazi ziren oraindik izenik ez zuen eritasun batek eragindako lehenengo kasuak: orain lau hamarraldi. Hiesaren pandemiaren hasiera izan zen. Bereziki erasokorra izan zen lehen urteetan; botikarik ez zen, eta diagnostikatu eta urte gutxira hiltzen ziren paziente asko.

Bezeroak Iruñeko jatetxe bateko sarreran COVID-19 ziurtagiria erakusten, bazkaltzera sartu aurretik. ©IDOIA ZABALETA / FOKU

Atezainak Nafarroako jatetxeetako atarietan

Iker Tubia

Jatetxe handietan COVID-19 ziurtagiria eskatzen ari dira atzoz geroztik. Bezeroek prest eramaten dute, gehienek sakelakoan. Zenbait bazkari bertan behera utzi dituzte, eta beste batzuetara jende gutxiago azaldu da.

 ©BERRIA

Hiltzaile iheskorraren erradiografia

Ion Orzaiz

Urteetan, galdera ugari eragin ditu GIB birusak komunitate zientifikoan. 40 urteko ibilbidearen ostean, inkognita gehienei erantzuna ematea lortu du zientziak. Ohikoenetako batzuk bildu ditu BERRIAk.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.