Albistea entzun

Donostiako ostatu batean bi gazte sahararri sarrera ukatu dietela salatu dute

Esan dute udaltzainen «traben» eraginez ezin izan zutela salatu portaera «arrazista» hura. Udaleko iturriek diote poliziak «bitartekari» aritu zirela

Arantxa Iraola -

2022ko apirilak 5

Salatu dute Donostiako Parte Zaharreko Iguana tabernako arduradunek portaera «arrazista» bat izan dutela; zehazki, asteburu honetan bi gazte sahararri sarrera ukatzea egotzi diete. Twitterreko erabiltzaile batek salatu du gertaera, sare soziala erabiliz. Sofia Fernandez Lavin da; Giza Eskubideen Zinemaldia da egunotan Donostian, eta bertan parte hartzera etorritako gazte bat da. Azaldu duenez, larunbat gauean gertatu zen: tabernara joan zen beste bi neskarekin eta bi mutil sahararrekin, eta atezainak bi mutil sahararrei esan zien ezin zutela sartu ostatuan, «mairuak» zirelako.

Irutxuloko Hitza-k Fernandez Lavinekin hitz egiteko aukera izan zuen atzo. Azaldu zuenez, atezainari bere portaeraren zergatiaz galdetu ziotenean, esan zuen ezagutzen zituela gazteak eta arazoak sortu zituztela. Fernandezek erantzun zion ezinezkoa zela hori. Orduan atezainak adierazi zien «mairuak» zirela mutilak, eta hori zela erabakiaren zioa; «magrebtarrekin arazoak» aurrez ere izan dituztela esan zuen, eta ezin zutela sartu.

Eztabaida izan zutela kontatu zuen, eta ustez lokaleko jabea zena atera zela, «harrokeria handiz» esatera berak erabakitzen duela «nor sartzen den eta nor ez» tabernan, eta ezin zutela ezer esan. Fernandezek eta bere lagunek Poliziari hots egin zioten, eta salaketa jartzen ere saiatu ziren. Hala ere, esan zuenez, «trabak» besterik ez zizkien jarri Donostiako Udaltzaingoak salaketa jartzeko. Aditzera eman zuenez, horregatik alde egin zuten azkenean gazteek salaketa jarri gabe.

Era «adiskidetsuan»

Donostiako Udaleko informazio iturriek esan dute aurrena ertzainei deitu bazieten ere haiek ez zutela agertzeko erarik izan, eta horregatik joan zirela udaltzainak tokira. Tabernako jabea «oker» zegoela ikusi zutela esan dute, eta «bitartekari» lanak egiten saiatu zirela, egoera «era adiskidetsuan» bideratzeko. Nolanahi ere, azaldu dutenez, gazteei esan zieten «salaketa jarri nahi izanez gero» horretarako era bazutela. Atzo eguerdia bitartean ez zela salaketarik aurkeztu adierazi zuten.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Sendagileek Donostia ospitalearen aurrean egindako protesta, atzo. ©GORKA RUBIO / FOKU

Sendagileek adierazi dute Eusko Jaurlaritzak ez diela erantzun beren deiei

Arantxa Iraola - Gotzon Hermosilla

Elkarretaratzea egin dute Donostia ospitaleko atarian. Urkulluk uste du aferan «beste interes batzuk» egon daitezkeela. Oposizioak gogor kritikatu du egoera

Andre bat autobusera sartzen, maskararekin. ©ARITZ LOIOLA / FOKU

Hegoaldeko garraio publikoetan maskara erabili beharko da oraino

Oihana Teyseyre Koskarat

Espainiako Gobernuak ez ditu neurriak kenduko adituek «kontrakorik erraten ez duteno». Bronkiolitisak gora egin du Baionako ospitalean
Bilketa eguna, Basaurin. ©ARITZ LOIOLA / FOKU

Gizartearen erantzuna eskertu du Elikagai Bankuak

Olatz Silva Rodrigo

2019ko datuak gainditu dituzte Hegoaldean. 77.000 lagunen artean banatuko dute emaitza.

Baionako Hazkurri Bankuaren urteko bilketa. ©Iñaki Etxeleku - Iparraldeko Hitza

Herri elkartasun premiatsua

Iñaki Etxeleku - Iparraldeko Hitza

Urteko bilketa egin berri du Lapurdi eta Baxenabarreko Hazkurri Bankuak. Iaz baino doi bat gutiago bildu badu ere, araberan beste lekuetan baino gehiago eman du bertako jendeak. Beharrak emendatuz doaz

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.