Albistea entzun

Pakistango eremuaren heren bat urpean dago montzoiengatik

Ekainaz geroztik mila baino gehiago dira hildakoak, eta horien heren bat haurrak dira
Zenbait ibilgailu urak hartutako errepide batetatik igarotzen, Sindh eskualdeko Dadu barrutian, Pakistanen.
Zenbait ibilgailu urak hartutako errepide batetatik igarotzen, Sindh eskualdeko Dadu barrutian, Pakistanen. WAQAR HUSSEIN / EFE Tamaina handiagoan ikusi

Lide Iraola -

2022ko abuztuak 31

Urteroko kontua izaten da montzoien garaia uda aldean, baina aurtengoa azken hamarkadan izandako gogorrena dela jakinarazi dute Pakistango agintariek, herrialdearen heren bat urpean gelditzeraino. Klima ministro Sherry Rehmanek azaldu zuen ez dela erraza kalteak zenbaterainokoak diren zehaztea, baina «inoiz ikusi gabekoak» direla ziurtatu zuen. Ekainean montzoien garaia hasi zenetik, 1.336 lagun hil dira, gutxienez. Horien herena haurrak dira, Pakistango Atzerri ministroak BBC telebistari atzo jakinarazi zionez.

«Herriak osorik suntsitu dituzte euriteek, milioika etxe», azaldu zuen Pakistango lehen ministro Shehbaz Sharifek igandean, helikopteroz ingurua aztertu ostean. Herrialdearen iparraldean, zubiak eta errepideak txikituta daude, eta herri ugari bakarturik gelditu dira. Pakistango lau probintzietatik bitan izan dira kalterik handienak, Sindh eta Balutxistanen, baina montzoiek gogor jo dituzte gainontzeko mendialdeko eremuak ere.

Agintariek kalkulatu dute euriteek 33 milioi pakistandarri baino gehiagori zazpi biztanletik bati kalte egin dietela. Ehunka lagun atera behar izan dituzte mendialdeko inguruetatik. Erreskate lanak martxan dira harrapaturik dauden herritarrak helikopteroz atera ahal izateko, baina, hala ere, zailtasunak izaten ari dira guztiengana iristeko. Arrisku lekuetatik ateratzea lortzen dutenak behin-behineko kanpalekuetan pilatzen ari dira. «Hemen bizitzea penagarria da. Gure duintasuna arriskuan dago», azaldu zion Fazal Malikek AFP berri agentziari.

Malikek etxea utzi behar izan zuen, eta 2.500 pertsonarentzako aterpe funtzioa betetzen ari den eskola batean bizi da hondamendia konpondu bitartean.

Iaz, klima larrialdiak gehien kalte egindako zortzi herrialdeen artean zegoen Pakistan, ikerketen arabera. «Lurralde aberatsek eragindako klima larrialdia gainontzekoak ari dira sufritzen, eta, beraz, lagundu egin behar dute orain», salatu zuen Unicefen Pakistango ordezkari Abdullah Fadilek.

NDFren diru laguntzak

Kalte ekonomikoak kalkulatzen ere hasi da gobernua. Lehen estimazioen arabera, herrialdea berreraikitzeak 9.979,75 milioi euroko kostua izango duela uste du Plangintza ministro Ahsan Iqbalak. Kotoi uztaren erdia hondatuta gelditu da, eta barazki, fruta eta arroz landetan ere kalte handiak izan dira.

Hori dela eta, NDF Nazioarteko Diru Funtsak Pakistanera 1.170 milioi euroko diru laguntza bidaltzea onartu du. Ordainketa hori 2019an NDFk eta Pakistanek adostutako programa baten parte litzateke, baina akordioa etenda zegoen Pakistango Gobernuak gastu publikoa murrizteko ezarritako politikengatik. Izan ere, neurri horiek okertu egin dute COVID-19aren pandemiaren eta Ukrainako gerraren osteko krisi ekonomiko larria. Inflazioa balio gorenetan dago; janaria eta erregaiak %45 garestitu dira iaztik.

Lehen ministroak adierazi zuen programari berriz ekitea aurrerapauso handia izango dela Pakistango ekonomiarentzat. Sharifek uste du NDFren diru laguntzek, Txinatik eta Saudi Arabiatik espero dituzten kobrantzekin batera, inflazio tasa jaisten lagundu dutela.

NDFko zuzendariorde Antoinette Sayehek, ordea, esan zuen politika zuzenak funtsezkoak direla, besteak beste, egonkortasun makroekonomikoa berreskuratzeko eta desorekak konpontzeko.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Fernando Grande-Marlaska Espainiako Barne ministroa, gaurko agerraldian, Espainiako Kongresuan ©J.C. Hidalgo / EFE

Grande-Marlaskak berriz esan du Espainian ez zela inor hil Melillako hesia igarotzeko ahaleginean

Ander Perez Zala

Espainiako Barne ministroak Guardia Zibila defendatu du, argudiatuta segurtasun indarren erantzuna «proportzionala» izan zela. Ikerketa batzuen arabera, gutxienez lagun bat hil zen Espainian sartzean.

 ©JAGOBA MANTEROLA / FOKU

«Gerra apartekoa da antolaketa sozial bat ezartzeko»

Igor Susaeta

Gerra erregimenaren eskema gobernatzeko eredu gisa aplikatzeak eragiten dituen egoerez eta ondorioez ohartarazi du Sanchez Cedillok 'Esta gerra no termina en Ucrania' liburuan.
NATOk berretsi du «behar beste denboraz» lagunduko diola Ukrainari

NATOk berretsi du «behar beste denboraz» lagunduko diola Ukrainari

Mikel O. Iribar - Igor Susaeta

Aliantzaren helburuetako bat da Putinek «irabazten ez duela bermatzea». G7ko herrialdeek adostu dute Ukrainako gerra krimenen ikerketak koordinatzeko sare bat egitea
Jiang Zemin, 2007ko argazki batean. / ©MICHAEL REYNOLDS, EFE

Jiang Zemin hil da, 1993tik 2003ra Txinako presidente izandakoa

Jon Ordoñez Garmendia - Maddi Iztueta Olano

Tiananmen plazako protesten ostean hartu zuen kargua, eta Alderdi Komunistan merkatu ekonomia sozialista kontzeptua txertatu zuen.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.