Noiz sortua: 2019-07-19 00:30:00

Konpainia digitalen jarduera zergapetzea adostu dute G7ko kideek

OCDEk 2020aren hasieran aurkeztekoa du egitura fiskal berria. Frantziak Gafa tasa aplikatzeko subiranotasuna aldarrikatu du
Bruno Le Maire, atzo, Parisko bileraren osteko agerraldian.
Bruno Le Maire, atzo, Parisko bileraren osteko agerraldian. IAN LANGSDON / EFE Tamaina handiagoan ikusi

Xabier Martin -

2019ko uztailak 19

Konpainia digital handien jarduera gutxieneko tasa orokor batekin zergapetuko dute OCDE Ekonomia Lankidetza eta Garapenerako Erakundeko kide diren herrialdeek, hark proposatutako fiskalitate berriarekin bat eginez gero behintzat. Gutxieneko tasa hori negoziatzeko dago, baina balizko negoziazioak G7ko kideen oniritzia dauka atzodanik. Kopuruak alde batera utzita —auziaren benetako funtsa—, AEBek, Japoniak, Alemaniak, Erresuma Batuak, Frantziak, Italiak eta Kanadak sozietate zerga gutxieneko bat ezartzeko beharra adostu zuten Parisko bileran. Estatu horien Finantza ministroak ados jarri ziren sozietate zerga tasa minimo bat ezartzeko Googleri, Amazoni, Facebooki, Appleri eta beste hainbat konpainiari.

Frantziak Gafa tasa onartu zuen aurreko astean, eta, OCDEren eremuan datorren urtean zer adostuko zain, hura aplikatuko du aurten. Bruno Le Maire Frantziako Finantza ministroak, Parisen, burujabetasun fiskala aldarrikatu zuen zerga berri hori egin eta 2019. urtean aplikatzen hasteko. Ikusteko baitago G7koen asmo oneko adierazpenetatik harago OCDEn gai izango ote diren tasa bat adosteko. Gafa tasak konpainia teknologikoen irabazien %3 zergapetuko ditu, gutxienez 750 milioi euroko negozio bolumena badute eta horietatik 25 milioik gutxienez Frantziari eragiten badiote.

Gafa ikertzen hasi da AEBetako komertzio agintzaritza, eta Frantziaren aurkako muga zergen mehatxua egin du Trumpen administrazioak, ezin baita ahaztu Google eta beste handiak AEBetako konpainiak direla.

Dena den, G7koen bilerak Parisek nahi zuen adierazpena erdietsi du, nahiz eta ondo jakin asmo onak baino ez direla. Le Mairek esan zuen «urrats handi bat» dela «fiskalitate eraginkorrago bat» martxan jartzeko. «Ez dugu nahi lehia fiskal oldarkor bat», erantsi zuen. Literatura horrek, ordea, ez zuen alboan izan konpromiso bat jarduera digitalari tasa jakin batzuk ezartzeko.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 5ean eguneratua. ©BERRIA

Koronabirusaren azken datuak

Berria

Azkeneko 24 orduetan hiru lagun hil dira COVID-19 gaitzaren eraginez. Hamalau positibo atzeman dituzte PCR probekin, eta ez dute gaixorik ospitaleratu. Euskal Herrian 29.723 gaixok eman dute positibo guztira, koronabirusa atzemateko probaren bat eginda. Horietatik 2.089 hil dira. Grafikoak, albiste barruan.

Herritar batzuk Debako (Gipuzkoa) parke batean, elkarren arteko distanziak zainduz. ©GORKA RUBIO / FOKU

Araba, Bizkai eta Gipuzkoa artean ibili ahalko da astelehenetik aurrera

Jakes Goikoetxea

Espainiako Gobernuak jakinarazi du Hego Euskal Herria hirugarren fasera pasatzea onartu duela. Jaurlaritzak eta Nafarroako Gobernuak izurritearen kudeaketaren kontrol osoa berreskuratuko dute

Patricia Fanlo, Laura Imaz, Jose Espinoza, Marina Delgado eta Irati Ormazabal medikuak. ©IÑIGO URIZ / FOKU

Ondorioei begira

Arantxa Iraola

Erne daude medikuak, COVID-19ak pazienteetan nolako ondorioak izan ditzakeen begiratzen: lehen irudipenen berri eman du Iruñeko Ospitale Guneko sendagile talde batek

Bilboko mintzapraktika sareko Ioana haurrak eta Sergio Garcia boluntarioak astean hiru aldiz egiten dute mintzapraktika, bideo deien bidez. ©MARISOL RAMIREZ / FOKU

Euskara izan dezaten

Amaia Ramirez de Okariz Kortabarria

Eskolak itxita, euskaraz egiteko aukerarik gabe geratu dira milaka ume eta gazte: mintzapraktika sareak sortu dituzte. Bilbo Handian 450 haurrengana heldu dira

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna