Albistea entzun

Antxoa gazteen kopuruak nabarmen egin du behera, baina «maila onean» dago

Iaz baino 376.000 tona gutxiago dago; helduen kopurua, berriz, «gehiengo historikoetan». AZTIk dio 2020ko kanpaina ez dagoela arriskuan
Bi arrantzale antxoa deskargatzen, Ondarroako portuan.
Bi arrantzale antxoa deskargatzen, Ondarroako portuan. BIZKAIKO HITZA Tamaina handiagoan ikusi

Jokin Sagarzazu -

2019ko abenduak 13 - Donostia

Bizkaiko golkoko uretan bizi diren urtebetetik beherako antxoen kopurua 114.000 tona ingurukoa da. Batez besteko kopuruen azpitik dago, baina, oro har, «maila onean» dago, helduen kopurua «gehieneko historikoetan» baitago. Horiek hala, «arriskurik ez dago» 2020ko kanpainarako. Hori ondorioztatu du AZTI ikerketa zentroak. Abuztuan kaleratu zuen antxoa helduei buruzko azterketa, eta 190.000 tona kalkulatu zituen. Kostera bermatzeko gutxieneko biomasa 21.000 tonakoa da.

AZTI 1987an hasi zen espeziearen biomasa neurtzen, eta aurtengoa izango litzateke erregistrorik handienetako bat. Azken hamarkadan, nabarmen egin du gora, 2005etik 2009ra debekatuta egon baitzen antxoa harrapatzea Bizkaiko golkoan.

Antxoa gazteen kasuan, alde handia dago iazko eta aurtengo kopuruen artean: 376.000 tona gutxiago. Ikerketaren arduradun Guillermo Boyak aitortu duenez, «batezbesteko historikoen azpitik» dago, kopuru «ertain-baxua» da, baina azaldu du «gorabehera handiak» egon ohi direla antxoa gazteen kasuan, ingurumen faktoreengatik bereziki.

Horri buruzko zenbait datu ere jaso dituzte txostenean. Besteak beste, antxoari eta beste arrain eta ugaztunen arteko harremanen ingurukoak; uraren tenperaturarekin, gazitasunarekin edo uhertasunarekin loturikoak; eta elikagaiaren eskuragarritasunari buruzkoak.

AZTIko ikertzaileek ultrasoinu sistemen bidez ezarri dituzte antxoa gazteen zenbatekoa eta kokapena. Era berean, ondorioztatu dute arrain horien batez besteko tamaina 6,1 zentimetrokoa dela.

Euskal Herrian 3.500 lagunek baino gehiagok egiten dute lan arrantzan, eta arrainen kontserben eta elikaduraren industrietan. Antxoa espezie garrantzitsua da sektorearentzat; diru sarreren %30-40 lortzen dute hori salduta.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Sanchez Galan, laugarrena ezkerretik, Espainiako Auzitegi Nazionalera iristen, atzo. ©ZIPI / EFE

Sanchez Galanek Villarejoren biktima gisa aurkeztu du bere burua epailearen aurrean

Jokin Sagarzazu

Iberdrolako buruak inputatu gisa deklaratu du Espainiako Auzitegi Nazionalean, komisarioaren espioitza auziekin lotuta. Esan du berak ez zuela baimenik eman
Espainiako banku txarrak salgai dituen etxebizitza batzuk. ©BERRIA

Sareben etxe guztien %0,3 baizik ez daude salgai Euskal Herrian: 139

Xabier Martin

Estatuak 'banku txarraren' kontrola hartu du. Ia 35.000 milioiko zorra dauka oraindik kitatzeko
Jose Maria Aristrain, eskuinean, haren argazki publiko baten batean. ©Berria

Jose Maria Aristrain enpresaburua errugabetzat jo dute

Iker Aranburu

Madrilgo fiskaltzak 52 urteko espetxe zigorra eskatu zuen haren aurkako epaiketan, baina epaileek ez dute deliturik frogatutzat jo.

Urtarrilaren 30erako mobilizatzera deitu duten sindikatuetako ordezkariak, atzo, Bilbon. ©MONIKA DEL VALLE / FOKU

Grebarik ezean, manifestazioa

Imanol Magro Eizmendi

ELAk, LABek, ESK-k, Steilasek, Hiruk eta Etxaldek lan erreformaren aurkako mobilizazio bateratuak antolatu dituzte hilaren 30erako. Ezustekorik ezean, deialdiak bidea itxiko lioke lanuzte orokor bati

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.