Albistea entzun

EB gehiago haziko da, eta aurten itzuliko da pandemia aurreko mailara

Bruselak hobetu egin ditu hazkunde aurreikuspenak: BPGa aurten %4,8 haztea espero du, kopururik handiena 1976. urteaz geroztik
Paolo Gentiloni EBko Ekonomia komisarioa, atzo.
Paolo Gentiloni EBko Ekonomia komisarioa, atzo. STEPHANIE LECOCQ / EFE Tamaina handiagoan ikusi

Irune Lasa - Iker Aranburu -

2021eko uztailak 8

Baikortasunaren haizea jotzen ari da Bruselan. Maiatzean egindako iragarpenak zaharkituta geratu zaizkio Europako Batzordeari, txertaketak aurrera egin ahala, ekonomia uste baino suspertze handiagoa izaten ari delako. Batzordeak kalkulatu du eurogunean zein Europako Batasun osoan barne produktu gordina %4,8 haziko dela aurten, eta %4,5 2022. urtean. 2021erako hazkunde iragarpen hori udaberrian egindakoa baino 0,6 puntu handiagoa da Europako Batasunaren kasuan, eta 0,5 puntu handiagoa euroguneari dagokionez. Halako hazkunderik ez da gertatu 1976az geroztik, baina orduan bederatzi kide zituen batasunak, eta ez zuen iazko jipoirik jaso.

Susperraldi bizkorraren ondorioz, Bruselak uste du euroguneko ekonomiak aurretik uste baino hiruhileko bat lehenago berreskuratuko duela pandemia aurreko BPG erreala; hots, aurtengo azken hiruhilekoan. Edonola ere, herrialde batetik bestera bada aldea, eta haietako askok 2022ra arte itxaron beharko dute krisi aurreko neurrira heltzeko.

Europako ekonomiak uste baino portaera hobea izan zuen urteko lehen hiruhilekoan, eta bigarrenean, osasun egoera hobetu ahala, espero baino bizkorrago arindu dira murrizketak, batez ere zerbitzuen sektorearen mesedetan. Orain, txertatzeak martxa onean doazela, herritarren eta enpresen sentimenduei buruzko inkestei begira, Europako Batzordeak kontsumo pribatuaren eta inbertsioen gorakada sendoa espero du. Uste du horrek konpentsatuko dituela, neurri batean, lehengaien behin-behineko eskasiak eta manufakturako kostuen igoerak eragindako kaltea.

Hala ere, ziurtasun gabeziak eta arriskuak hor daude, eta bi mehatxu dira handienak Batzordearentzat: batetik, COVID-19aren aldaera berriak daude, eta txertaketa bizkortzea oso garrantzitsua izango da horri aurre egiteko. Bestetik, inflazioa ere kezka iturri da. Aurreikusi baino handiagoa izan daitekeela uste du Batzordeak, eskaintza murrizketek hor jarraitzen badute eta prezioen presioa kontsumitzaileengana iristen bada.

Turismoaren pisua

Herrialdeka, turismoaren eragina antzematen da datuetan. Sektore horrekiko menpekotasun handiena duten estatu kideak izan ziren 2020an kolpe handiena jaso zutenak, Espainia ( -%10,6), Italia (-%8,9), Grezia (-%8,2), Kroazia (-%8) eta Frantzia (-7,9) buru zituztela. Eta nazioarteko turismoa erdizka baizik itzuli ez den arren, haiek izango dute, oro har, erreboterik handiena: %6,2 Espainiak, %6 Frantziak, %5,4 Kroaziak eta %5 Italiak.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Khurais petrolio hobiko instalazioak, Saudi Arabian. ©AHMED AL-THANI / SAUDI ARAMCO

Saudi Arabiako koroaren bitxia

Julen Otaegi Leonet

Saudi Aramco petrolio konpainiak inoizko irabazirik handienak izan ditu urteko lehen seihilekoan. Are gehiago: produkzioa handitu nahi du. Munduak gero eta erregai gehiago eskatzen duen honetan, Aramcok ez du nahi petrolioa atzean geratzerik. 2027rako 13 milioi upel ekoitzi nahi ditu egunean.
Gazpromen egoitza San Petersburgon (Errusia). ©ANATOLY MALTSEV / EFE

Gazpromek hiru egunez Nord Stream 1 gasbidea itxiko du hilabete bukaeran

Irune Lasa

Konponketa lana egin behar dituela eta, Errusiako konpainiak abuztuaren 31tik irailaren 2ra ez du gasik bidaliko Baltikoko gasbidetik. Atzera martxan jartzean hornidura ahalmenaren %20 soilik erabiltzen jarraituko duela zehaztu du Gazpromek.

Olaf Scholz kantzilerra, Berlinen egindako agerraldi batean, atzo ©CLEMENS BILAN / Efe

Alemaniako enpresak laguntzeko plana onartu du Bruselak

Jokin Sagarzazu

Argindarraren prezioaren igoerari aurre egiteko, Berlinek 27.500 milioi euro banatuko ditu datozen urteetan. Elektrizitate kontsumoaren %30 iturri berriztagarriekin bete beharko dute enpresek.

La Union konpainiako autobus bat ©ELA

La Union autobus konpainiako zazpi langile kaleratu dituzte

Jokin Sagarzazu

ELAk adierazi du enpresak urteak daramatzala lan baldintzak okertzen eta egoera eutsiezina dela. Gogorarazi du enpresak diru publikoarekin finantzatzen dituela zenbait zerbitzu

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...