Albistea entzun

Saudi Arabiaren koalizioak gutxienez 12 pertsona hil ditu Yemenen, eraso batean

Huthien buruzagi militar bat hil dute. Ordu batzuk lehenago matxinoek Abu Dhabin egindako erasoari erantzun dio nazioarteko koalizioak

Igor Susaeta -

2022ko urtarrilak 19

Saudi Arabiak eta Arabiar Emirerri Batuek gidatutako nazioarteko koalizio militarrak bi aire eraso egin zituen herenegun, azken orduan, Sana Yemengo hiriburuan, eta gutxienez hamabi pertsona hil zituen, eta dozena bat inguru zauritu. Matxino huthien kontrolpeko Saba berri agentziaren arabera, hildakoen artean daude Abdullah Qassim al-Junaid matxino huthien jenerala eta haren zenbait senide; tartean, haurrak. Huthien buruzagi batek Twitterren adierazi zuenez, hildakoak hogei bat dira. 2019az geroztik koalizioak Sanan egindako erasorik odoltsuena izan da, eta matxinoek ordu batzuk lehenago Arabiar Emirerri Batuetan egindakoari erantzun dio.

Nazioarteko berri agentziek jaso zutenez, aire erasoek hiriburuko auzo bateko beste bost eraikin ere hondatu dituzte. SPA Saudi Arabiako albiste agentziak atzo goizaldean jakinarazi zuen koalizioak «huthien gotorlekuen eta kanpalekuen aurkako erasoak» egin zituela, baina ez zuen zehaztu horien helburuen artean matxinoen buruzagia zegoenik.

Hain zuzen, herenegun, ordu batzuk lehenago, Iranen laguntza duten matxinoek bi aire eraso egin zituzten Arabiar Emirerri Batuetako hiriburu Abu Dhabin, eta gutxienez hiru hildako eta sei zauritu eragin. Koalizioaren esanetan, Arabiar Emirerri Batuetako ADNOC petrolio enpresarentzat lan egiten zuten hiru behargin atzerritar ziren hildakoak. Eraso horren ondoren, Yahya Saree huthien bozeramaile militarrak esan zuen droneak eta misilak erabiliz egindako erasoa «arrakastatsua» izan zela. Bide batez, zibilei eta atzerriko enpresei dei egin zien Arabiar Emirerri Batuen «azpiegitura ezinbestekoetatik» urruntzeko, «segurtasunagatik».

Eraso horiek gertatu eta gero, Arabiar Emirerri Batuen Atzerri Ministerioak jakinarazi zuen, ohar baten bidez, nazioarteko zuzenbidetik kanpo egindako «eraso terroristei» erantzuteko «eskubidea» zuela. Eta ordu batzuk geroago iritsi zen erantzuna.

NBE Nazio Batuen Erakundearen Giza Eskubideen Bulegoak eskatu die bi aldeei zibilen segurtasuna bermatzeko. 2015ean hasi zen gerra, eta NBEren arabera 230.000 lagun baino gehiago hil dira.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Gaiak

Albiste gehiago

Macron eta Putin, joan den otsailaren 7an, Moskun. ©EFE

Macronek eskatu du Errusiaren segurtasun bermeak aintzat hartzeko

Igor Susaeta

Frantziako presidentearen arabera, Putinek gerraren amaiera negoziatzea onartzen badu aintzat hartu behar da NATO «bere ateetaraino heltzeko duen beldurra»

Turkiaren erasoaren aurkako manifestazio bat, azaroaren 20an, Qamixlin. ©EFE

SDFk jakinarazi du eten egin dituela AEBekin egiten ari ziren operazioak

Igor Susaeta

Milizia kurduak indar nagusitzat dauzkan eta Pentagonoaren babesa duen koalizioak ohartarazia zuen Ankarak eraso bat hasiz gero horri erantzutea lehenetsiko zuela. EIren aurkako borrokari eragingo dio

Vladimir Putin Errusiako presidentea, gaur, Moskun. ©EFE

Errusiak esan du «negoziatzeko prest» dagoela, bere interesak «bermatzeko»

Mikel Elkoroberezibar Beloki

Ukrainako armadak adierazi du bere tropetako 13.000 soldadu eta 6.000 zibil hil direla gerra hasi zenetik. Haur ugariri hezkuntzarako eskubidea urratu dietela salatu du NBEko batzorde batek.

Boliviar bat Silala ibaitik ura hartzen, Txileko mugatik gertu. ©MARTIN ALIPAZ / EFE

Boliviak esan du Hagako epaiak Silala ibaiko ubide artifizialak eraisteko aukera emango diola

Mikel O. Iribar

Nazioarteko Justizia Auzitegiak ebatzi du Silala ibaia «nazioartekoa» dela, eta Txileri eta Boliviari eskatu die elkarren arteko elkarrizketak «etengabekoak» izateko. Santiagok ez dio kalte ordainik eman beharko La Pazi.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...