Pentsioen eguneratzea «KPIan oinarrituta» egitea adostu dute

Toledoko Itunean adostutako testuak ez du argi uzten inflazioa izango ote den faktore bakarra

Iker Aranburu -

2018ko irailak 27

Kalean borrokatutako garaipen bat lortzeko bidean dira Hego Euskal Herriko eta Espainiako pentsiodunak. Haien presioak behartuta, Espainiako Kongresuko talde gehienak bat etorri dira oraingo sistema baztertu behar dela eta aurrerantzean inflazioari lotuta igo behar direla pentsioak. Eguneratzeko faktore bakarra KPIa izango den ala ez, ordea, ez dago guztiz garbi. Adostutako testuak dio «KPIan oinarrituta» igoko direla: horrekin, batzuek ulertu dute inflazioa izango dela faktore bakarra, baina beste batzuek diote beste formula batzuei ere ateak ireki zaizkiela. Azken hitza Espainiako Gobernuarena da, hari baitagokio legegaia egitea, diputatuen gomendioak aintzat hartuz.

Bi urte egon dira diputatuak katramilatuta pentsioen eguneratzearekin, pentsio sistemaren etorkizuna jorratzen duen Toledoko Itunean, Espainiako Kongresuko batzordean. Hainbat atzerapenen ondoren, atzo adostu ahal izan zuten pentsio igoerari buruzko proposamena. «Urtero pentsioak KPI errealean oinarrituta eguneratzea da tresna pentsioen erosteko ahalmenari eusteko», dio itunak, hitzez hitz.

Interpretazio desberdinak

Testu horren alde egin zuten KPIa aldagai bakarra izatea defendatu duten taldeek —Unidos Podemos, EAJ, Compromis...—, baita aldagaietako bat besterik ez izatea proposatu izan dutenek ere —PP, Ciudadanos, PDeCAT...—. Erdibidean, bere burua lerratu ezinik agertu izan da PSOE, sarri elkarren kontrako jarrerak defendatuz. Atzo bertan, Gizarte Segurantzako Estatu idazkariak, Antonio Granados sozialistak, ziurtatu zuen «eragin maltzurra» duela pentsioen eguneraketa aldagai bakar baten esku uzteak. Ikusi beharko da Pedro Sanchezen gobernuak ulertzen duen KPIa dela aldagai bakarra, ala onargarria den formula misto bat —kontuan hartuko dituena soldaten eta produktibitatearen bilakaera, ekonomiaren hazkundea...—.

Azken horretarako aukera ematen duela esaten dutenen artean dago PP. «Akordioak espresuki dio 'KPIan oinarrituta' egingo dela eguneratzea, eta ez 'KPIaren arabera'», azaldu zuen Gerardo Camps diputatu popula- rrak. Hots, KPIa «funtsezko» aldagaia dela, baina ez bakarra.

Antzeko analisia egin zuen PDeCATeko Carles Campuzanok ere. «Politika ona da pentsioen igoera maila berean jartzen duena sistemaren jasangarritasunarekin».

EAJk, ordea, uste du pentsioak «KPIaren arabera» igotzea hitzartu dutela. «EAJk beti defendatu duenari erantzuten dio akordioak, eta bat egiten du pentsiodunen aldarrikapenekin», ziurtatu du Iñigo Barandiaran diputatu jeltzaleak. Gainera, gogorarazi zuen bere taldearen ekimenez aurten %1,6 igo direla.

Batzuen eta besteen artean, ERCk aitortu du ez dakiela zer adostu duten. Testua aztertuko du,«jakiteko ea benetan bermatzen ote duen pentsioen erosteko ahalmena».

Argiago dago egin duela azken urteetan pentsioak eguneratzeko formularenak. «Ez du nahiko babes politiko eta sozialik». 2013an PPk bere gehiengo osoaren bidez onartu zuen formula horrek Gizarte Segurantzaren kontuen egoera hartzen zuen aintzat pentsioen urteroko aldaketa zehazteko. Gutxienez %0,25 igotzea aurreikusten zuen, eta kopuru hori bera igo da lege hori aplikatu den urteetan, Gizarte Segurantzak defizita baitu.

Testuak badu berritasun bat: dioenez, bereizi egin behar dira pentsioen eguneratzea eta pentsioen igoera. KPItik gorako igoerak ez lituzke Gizarte Segurantzak hartu behar bere gain, beste finantzaketa iturriek baizik.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Donostiako Ramontxu Berri tabernan egondako 683 laguni egin ziete proba, atzo ©Gorka Rubio / Foku

Hego Euskal Herrian, 492 positibo

Berria

Pertsona bat hil da Nafarroan, uztailaren 15etik lehena. Uztailaren 27tik abuztuaren 3ra Galdakaoko Muguru tabernan izan ziren 420 laguni PCR proba egingo diete, eta Donostian PCR-ak egiten jarraituko dute Ramontxu Berriko bezeroei.

Iñigo Urkullu Eusko Jaurlaritzako lehendakaria, iragan astelehenean, Gasteizen ©Jaizki Fontaneda / Foku

«Erantzukizunerako» deia egin du Iñigo Urkulluk

Joxerra Senar

Sare sozialetan zabaldutako ohar batean, Eusko Jaurlaritzako jarduneko lehendakariak ohartarazi du «denen artean ahal den guztia» egin behar dela lehen olatuan bizitako egoera dramatikora ez itzultzeko.

 ©ARITZ LOIOLA / FOKU

Eragile guztiekin biltzeko eskatu dio oposizioak Eusko Jaurlaritzari

Olatz Esteban Ezkati

538 positibo atzeman dituzte Hego Euskal Herrian, iragan astean halako bi. Ospitaleratzeak ere bikoiztu egin dira egun batean: 103 pertsona daude erietxean.

 ©RAUL BOGAJO / FOKU

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna