Albistea entzun

Donald Trumpen aurkako epaiketa egun gutxian egin nahi dute errepublikanoek

Alderdiek prozesuaren araudiari eta luzerari buruzko desadostasunekin abiatu dute AEBetako presidentearen kontrako 'impeachment'-a

Ander Perez Zala -

2020ko urtarrilak 22

Donald Trump Ameriketako Estatu Batuetako (AEB) presidentearen aurkako epaiketa politikoak espero baino askoz ere gutxiago iraun lezake. Errepublikanoen Senatuko buruzagi Mitch McConnellek atzo proposaturiko ebazpenaren arabera, impeachment-ak astebete eta bi aste artean iraungo luke, eta bi aldeek ez lukete lekukorik deitzeko aukerarik izango. Proposamen horrek, espero bezala, demokraten haserrea eragin du, McConnellek Trumpi ahalik eta kalte gutxiena egingo dion prozesu bat nahi baitu.

Senatariek atzo hasi zuten AEBetako presidentearen aurkako epaiketa politikoa —epaile lanetan arituko dira—, eta gaurko ordu txikietan ziren errepublikanoen buruzagiaren ebazpenaren inguruan bozkatzekoak; Trumpen alderdiak gehiengoa du goi ganberan —ehundik 53—, eta, hortaz, demokratek lau errepublikanoren botoa behar zuten McConellen ebazpenari ezezkoa emateko, haien iritziz «justuagoa» den araudi bat finkatze aldera.

Nancy Pelosi Ordezkarien Ganberako presidentearentzat, atzoko proposamena Trumpen jarduna ezkutatzeko saiakera bat zen: «McConnellen prozesua diseinatuta dago Senatuari eta estatubatuarrei egia ezkutatzeko. Badaki presidentearen jarduna defendaezina dela eta haren kargugabetzea eskatzen duela».

1999an Bill Clintonen impeachment-ean egin bezala, McConnellek hamabi orduko tartea eman nahi die bi aldeei argudioak aurkezteko, bi saiotan; alegia, bi egunean amaituko lituzkete argudiatzeak. Clintonen epaiketan hamabi orduak hainbat egunetan zatitu ziren, eta prozesuak denera bost aste iraun zuen; demokratek nahiago dute egutegi hori erabili, hamabi orduko bi saio luze egin beharrean.

Horien ostean, senatariek hamasei ordu izango dituzte bi aldeei galderak egiteko; Trumpi «botereaz abusatzea» eta «ikerketaren lana oztopatzea» egotzi diote.

Lekukoekin zer egin

Galdeketak amaituta, senatariek lekukoak deitzearen inguruko bozketa egingo dute; errepublikanoak horren aurka agertuko dira, edo saiatuko dira ahalik eta testigantza gutxien izaten.

Egutegiaren afera berebizikoa da AEBetako presidentearentzat, batasunaren egoerari buruzko hitzaldia ematekoa baita otsailaren 4an. Epaiketa atzo hasi zen, baina Trump Suitzan zegoen, Davosko foroan parte hartzen.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Emakume bat garraisika, Beiruten egindako manifestazio batean. ©LUJAIN JO

Isiltasunaren aurka borrokan

Joan Cabases Vega

Kuwaiten eta Libanon, gizarte zibilak ekinaldiak abiatu ditu indarkeria matxista desagerrarazi eta emakumeak baztertzen dituzten legeak indargabetzeko
Irango Atzerri ministro Mohammad Javad Zarif. ©ERRUSIAKO ATZERRI MINISTERIOA / EFE

Iranek eten egingo ditu EBrekin dituen harreman diplomatikoak

Iosu Alberdi

Bruselak beste urtebetez luzatu ditu Teherango agintari militar eta politikoen aurkako zigor ekonomikoak. Tel Avivek fiskaltzari eskatu dio igandeko erasoaren inguruko filtrazioak ikertzeko
Helena Maleno, Caminando Fronteras taldeko bozeramailea, artxiboko argazki batean. ©ANGEL MEDINA G. / EFE

Marokoko Poliziak Espainiaratu egin du Helena Maleno ekintzailea

Arantxa Elizegi Egilegor

Caminando Fronteras taldeak salatu du inolako azalpenik eman gabe kanporatu dutela Maleno. Rabatekin elkarlanean aritzea egotzi diote Espainiako Poliziari

Guillermo Lassoren jarraitzaileak hauteskundeen bigarren itzulian lortutako garaipena ospatzen, igandean, Quiton. ©SANTIAGO FERNANDEZ / EFE

Eskuina correismoari gailendu zaio Ekuadorren, boto baliogabeez baliatuta

Julen Aperribai

Guillermo Lasso kontserbadorea izango da presidente, Andres Arauz UNESeko hautagaiari gailenduta. Baliogabe bozkatzeko deia egin zuen mugimendu indigenak, eta mesede egin dio horrek eskuineko hautagaiari

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna