Albistea entzun

AEBetako epaile batek ebatzi du preso bat legez kanpo dutela Guantanamon

Asadullah Haroon Gul afganiarrak hamalau urte daramatza preso gune horretan. Magistratu federal batek defentsaren 'habeas corpus'-a onartu du
Guantanamoko atxilotze gunearen aurkako protesta bat, 2019an.
Guantanamoko atxilotze gunearen aurkako protesta bat, 2019an. EFE Tamaina handiagoan ikusi

Igor Susaeta -

2021eko urriak 23

AEBetako epaile baten arabera, hango gobernuak ez dauka oinarri juridikorik gizon afganiar bat Guantanamoko atxilotze zentroan (Kuba) preso edukitzeko. Washingtongo epaile federal Amit P. Mehtak ebatzi du, horrenbestez, legez kanpokoa dela Asadullah Haroon Gulen atxiloketa. 2007an hartu zuten atxilo Jalalabaden (Afganistan), kargurik gabe, eta epaileak gobernuaren argudioak atzera bota ditu, eta defentsaren habeas corpus eskaera onartu. Epaiaren xehetasunak sekretupean dauden oraingoz, baina Tara Plochocki atxilotuaren abokatuetako batek ohar baten bidez adierazi duenez, «garaipen garrantzitsua da legea ezartzeko bidean ». Gainera, uste du modu horretan AEBetako Gobernuari gogorarazten zaiola mugak daudela «segurtasun nazionalaren izenean» egin dezakeenaren inguruan.

Reprieve AEBetako GKE gobernuz kanpoko erakundeak Gul lagundu du, eta nabarmendu du atxilotua izan eta ondorengo bederatzi urteetan Washingtonek ukatu egin ziola abokatu bat edukitzeko aukera, nahiz eta horretarako ahaleginak egin zituen. 2016an eskaera bat aurkeztu zuen haren defentsak Washingtongo auzitegi federal batean, argudiatuta haren atxiloketa legez kanpokoa zela.

Oraindik ez dute aske utzi, baina, haren abokatuaren esanetan, epaileak emandako agindua gauzatu eta «berehala» askatu beharko luke AEBetako Gobernuak, «konstituzioak agindutakoari jarraiki».

The Washington Post egunkariak kaleratutako informazioaren arabera, ordu hartan Al-Qaedaren aliatu zen talde paramilitar baten kide zen Gul atxilotu zutenean —Gulek, ordea, ukatu egiten du—. Talde hark bakea egin zuen Mendebaldeak babestutako Afganistango Gobernuarekin 2016an, eta Afganistango kartzeletan zeuden ehunka militante aske utzi zituzten.

2001eko irailaren 11ko erasoen ondoren zabaldu zuten Guantanamo, 2002an, «atzerriko susmagarriak» hara eramateko. Hango preso dezentek torturak salatu dituzte. Garai batean 700 preso zeuden, baina gaur egun 50 bat daude. Barack Obamak agindu zuen itxi egingo zuela, eta Joe Bidenek gauza bera egin du.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Heldu bat botoa ematen, atzoko Familien Kodearen erreferendumean. ©EFE

Kubatarrek baiezkoa eman diote sexu berekoen ezkontzari

Julen Otaegi Leonet

Botoen bi heren baino gehiago aldekoak izan dira Familien Kodearen erreferendumean. Sexu bereko bikoteek adoptatu ahal izatea eta haurdunaldi subrogatua arautuko dituzte, eta adingabeen arteko ezkontzak debekatuko.

Italiako parlamenturako hauteskundeen jarraipena. ©EFE

Europako eskuin muturrak beso zabalik hartu du Meloniren garaipena

Julen Otaegi Leonet

«Merezitako garaipena» lortu duela adierazi dute haren aliatuek. Bestalde, hauteskundeen emaitzak «tristeak eta kezkagarriak» direla adierazi du Yolanda Diaz Espainiako Gobernuko presidenteordeak.

Giorgia Meloni FdI ultraeskuindarraren buruzagia, gaurko ordu txikietan, emaitzak ospatzen ©EFE

Ultraeskuindarrak buru dituen gobernu bat aldarrikatu du Melonik

Ander Perez Zala

Koalizio eskuindarrak irabazi ditu Italiako Parlamenturako bozak, botoen %44 inguru bilduta, behin-behineko emaitzen arabera. Abstentzioa inoizko handiena izan da: %36.

Oinezkoak Francisco de Paula Santander zubian, Kolonbiaren eta Venezuelaren arteko mugan. ©Rayner Peña R. / EFE

Berriro ireki dute Kolonbiaren eta Venezuelaren arteko muga, zazpi urteren ondoren

Maddi Iztueta Olano

2015ean igarobidea itxia izan ostean, orain lurreko eta aireko merkataritza trukeetarako erabili ahal izango da bi herrialdeen arteko muga. Kolonbiako gobernu aldaketak aukera eman du bi lurraldeen arteko harreman diplomatikoak leheneratzeko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...