Albistea entzun

Beste enpresa batean sartu da Eusko Jaurlaritza, Kaikuren %7,3 erosita

6,6 milioi ordaindu dizkio aurreko jabeari, Ekarpen funtsari. Luzerako inbertsioa da, Azpiazuk dioenez. Suitzako Emmi da akziodun nagusia

Irune Lasa -

2019ko urriak 16

Estrategikotzat dituen enpresetan beste inbertsio bat egin du Eusko Jaurlaritzak, bigarrena. 6,6 milioi euroren truke, Kaiku esnekien konpainiako %7,3 erosi dio aurreko jabeari, Ekarpen funtsari. Neurri batean, bere buruari erosi dio Gasteizko gobernuak, bera baita Ekarpenen akziodunetako bat, aldundiekin, Mondragon Taldearekin eta Kutxabankekin batera. Luzerako inbertsio bat dela ziurtatu du Pedro Azpiazu Jaurlaritzako Ogasun eta Ekonomia sailburuak.

Inbertsio bakarra zuen egina orain arte Jaurlaritzak: 2018. urteko urtarrilean CAF tren konpainiaren %1,24 erosi zuen, 15 milioi euroan. Orduko hartan ere, Kutxabank tartean zen, hura CAFetik irten zenean egin baitzen operazioa. Ziurrenez, Kaikuren parte hartzea Finkatuz funtsera gehituko da, hura formalki eratzen denean. Finkatuz funtsa guztiz publikoa izango da, baina oraindik ez dago jarduera betean, besteak beste, inbertsio plangintza erabat zehaztu gabe daukalako. 2020. urte hasierarako espero dute. Finantzen Euskal Erakundeak kudeatua, Finkatuz funtsaren xedea bolumen handia duten eta estrategikoak diren enpresetan epe luzera parte hartzea da.

Azpiazuren arabera, Ekarpenek Kaikutik ateratzea erabaki ostean sortu da halako inbertsio bat egiteko aukera, eta enpresak bete egiten ditu Finkatuz-en baldintzak. Edonola ere, jarritako 6,6 milioi euroak ez dira etorriko Finkatuz-erako aurreikusitako 100 milioi euroetatik. Sailburuak azpimarratu du «egoitza soziala Euskadin duen» enpresa bat dela Kaiku, eta hazten ari dela, «baita enpleguan ere». Nekazaritzarentzat estrategikoa dela ere nabarmendu du, Kaikuk konpromisoa duelako bertako lehen sektorearekin, besteak beste, esnea erosterakoan.

Dena den, Kaikuren akziodun nagusia atzerrikoa da, Suitzako Emmi konpainia (%73,4). Horrek Kaikuren errotzean duen eraginaz galdetuta, Azpiazuk aipatu du akziodunen hitzarmen bat dagoela ahalbidetuko lukeena aurre egin ahal izatea egoitza aldatzeko erabaki bati.

Gainerako jabeak hauek dira: Kaiku kooperatiba (%10,79), Laboral Kutxa (%8,23) eta Lleters (%0,20).

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Langile bat, Amporen Idiazabalgo fabrikan, artxiboko irudian. ©Gotzon Aranburu / Foku

EAEko industria asko suspertu da, baina ez da 2019ko mailara iritsi

Iker Aranburu

Eustaten arabera, iazko ekainean baino %13,3 handiagoa izan da jarduera aurtengoan. Metalgintza da gehien suspertu den arloa.

 ©Ekhilur kooperatiba

Ekhilur ordaintzeko sistema probatzen dabiltza Bilbon

Peru Azpillaga Diez - Bizkaiko Hitza

Zazpikaleetan jarri du martxan Ekhilur kooperatibak bere ordaintzeko sistema. Urtebeteko proba saioa izango da. Etorkizunean beste udalerri batzuetara hedatzea espero dute.

Nafarroan jada eska daitezke auto elektrikoa erosteko laguntza publikoak

Nafarroan jada eska daitezke auto elektrikoa erosteko laguntza publikoak

Iker Aranburu

Herritarrek zazpi mila eurotik gora jasoko dute auto zaharra txatarrera botaz gero. Ibilgailu elektrikoen salerosketa bikoiztu egin da aurten

Landaben barruan, txapa tailerrean, ekoizten ari diren ibilgailuetako baten egitura. ©VW NAVARRA /

Iruñean, argindar konexioaren zain

Joxerra Senar

Ekain amaieran, bat-batean, VWek kargutik kendu zuen Emilio Saenz, eta mugimenduak kezka eragin du. Haatik, haren ordezkoaren soslaia seinale ona izan daiteke. Taldeko produkzio buru izana da Markus Haupt, eta haren helburua da Landaben auto elektrikoaren «eraldaketaren parte» izatea.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna