Albistea entzun

Aminiren familiak salatu du oraindik ez duela ikusi heriotzaren espedientea

Irango agintarien «erantzunik eza» kritikatu du familiak: «Inork ez digu erantzun argirik ematen»

Maddi Iztueta Olano -

2022ko urriak 4

«Inork ez digu nire alabaren heriotzaren kausarik argitu». Horixe salatu zuen herenegun Amjad Aminik, beloa «gaizki jantzita» zeramalako hil zuten 22 urteko Mahsa Aminiren aitak. Bizia galdu eta hiru asteren ondoren, familiak salatu du ez dutela gertatutakoaren espediente ofizialik jaso, ezta hori ikusteko aukerarik izan ere.

Teherango metro batetik irteten ari zela atxilotu zuten Amini, iragan irailaren 13an; Moralaren Poliziako patruila batek inguratu, eta atxilo eraman zuen. Poliziaren arabera, komisariara eraman eta gutxira jo zion «bihotzekoak». Ospitalean hiru egun koman eman ostean, irailaren 16an eman zuten haren heriotzaren berri. Aminiren familiak, ordea, adierazi zuen alabak ez zuela osasun arazorik izan aurretik, eta salatu zuen «jasandako torturen ondorioz» hil zela.

Familiaren defentsak atzo jakinarazi zuenez, joan den asteazkenean eskatu zizkien agintariei atxiloketa prozesuaren inguruko xehetasunak. Hala ere, Aminiren aitak salatu du ez duela «erantzunik» jaso: «Agintariei azalpenak eskatzen dizkiedan edo auzitegiko medikuarenera jotzen dudan bakoitzean, bi edo hiru aste itxaroteko esaten didate. Inork ez digu erantzun argirik ematen».

Protestek ez dute etenik

Aminiren atxiloketak eta ondorengo heriotzak hautsak harrotu zituzten Irango eta horren menpeko Kurdistango hainbat hiritako kaleetan. Hiru astez egunero bildu dira ehunka herritar Emakumea, bizitza eta askatasuna lelopean. Andre gazte eta helduek hartu dituzte protestetako lehen lerroak, eta ozen oihukatu dute: «Ez dugu Irango Islamiar Errepublika nahi».

Herrialdeko hainbat unibertsitatek erabaki zuten eskolak modu presentzialean ez egitea, «giroa baretu arte». Iragan larunbatean ekin behar zieten berriz aurrez aurreko eskolei, baina herenegun Xarif Unibertsitate Teknologikoan piztutako tirabirek asmoa zapuztu zuten.

Manifestazioa antolatu zuten arratsaldean, eta, zenbait iturriren arabera, hasi eta gutxira agertu ziren segurtasun indarretako hainbat kide, uniformerik gabe. Berehala piztu zen talka. Unibertsitateak atzo goizean jakinarazi zuenez, 36 ikasle atxilotu zituzten; horietatik 29 aske utzi zituzten, eta gainerako zazpiak Teherango Evin kartzelara eraman zituzten.

Iran Human Rights gobernuz kanpoko erakundearen arabera, 92 herritar hil dira dagoeneko protestetan.

Ali Khamenei aiatola, herrialdeko lider gorena, atzo mintzatu zen asteotan gertaturikoaz, eta AEB Ameriketako Estatu Batuei eta Israeli egotzi zien manifestazioen —«istiluen»— atzean egotea, argudiatuta bi herrialde horietako gobernuek «diseinatu» dituztela.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Espainiako Polizia Ukrainaren enbaxadaren ingurumarietan, atzo. ©Chema Moya, EFE

AEBen enbaxadakoei eta Pedro Sanchezi ere bidali dizkiete lehergaiak

Uxue Rey Gorraiz

Sei dira guztira atzemandako bonbak; horietatik bost azken orduetan atzeman dituzte, Espainiako Defentsa Ministerioan, AEBen eta Ukrainaren Madrilgo enbaxadetan, Zaragozako arma lantegi batean eta Torrejon de Ardoz herriko aire basean. Pedro Sanchezen aurkako bonba bat atzeman zuten azaroan. Antzeko ezaugarriak dituzte, eta agian gehiago egongo direla ohartarazi dute.

 ©ROMAN PILIPEY / EFE

Errusiak ez du onartuko Ukrainako gerra krimenetarako auzitegirik

Mikel O. Iribar

Kremlinek «ilegitimotzat» jo du Europako Batzordeak egindako proposamena. Zelenskiren arabera, sei milioi herritar daude argindarrik gabe Ukrainanan.

Hainbat lagun, Israelgo armadak herenegun hil zuen palestinar baten hiletan, Beit Rema herrian, Zisjordanian. ©ALAA BADARNEH / EFE

Israelgo armadak beste bi palestinar hil ditu tiroz, Zisjordanian

Mikel O. Iribar

Jeningo errefuxiatuen kanpalekuan egin dute sarekada Israelgo indarrek. Zortzi palestinar hil dituzte 72 orduan, eta hamar astebetean. NBEk onartu egin du 2023an Nakbaren 75. urteurrena oroitzeko ebazpena.

Elikadurarekin lotutako laguntza izan da aurten gehien hedatu dena. Irudian, elikagaien banaketa, Mendebaldeko Saharan. ©EFE

339 milioi lagunek beharko dute laguntza humanitarioa 2023an, NBEren arabera

Mikel Elkoroberezibar Beloki

Inoizko finantzaketarik handiena beharko du NBEk —ia 50.000 milioi euro— 68 herrialdetan laguntza humanitarioa eman ahal izateko datorren urtean.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.