Albistea entzun

Moskuk anexionatuko dituen lurrak berreskuratzeko asmoa du Kievek

Putin gaur da sinatzekoa Donetsk, Luhansk, Kherson eta Zaporizhia Ukrainako eskualdeak Errusia bihurtzeko hitzarmenak. Zelenskik adierazi du erantzuna «gogorra» izango dela
Moskuko Plaza Gorria, atzo, anexioa gauzatzeko gaur egingo duten ekitaldia prestatzen.
Moskuko Plaza Gorria, atzo, anexioa gauzatzeko gaur egingo duten ekitaldia prestatzen. SERGEI ILNITSKY / EFE Tamaina handiagoan ikusi

Igor Susaeta -

2022ko irailak 30

Vladimir Putin Errusiako presidenteak gaur sinatuko ditu Moskuk Ukrainan partzialki okupatutako eremuak anexionatzeko hitzarmenak. Joan den ostiraletik asteartera egin zituzten lurralde horietan Errusiak hauspotutako galdeketak, eta herenegun anexioa formalki gauzatzeko eskatu zioten Putini Kherson, Zaporizhia, Donetsk eta Luhanskeko lider errusiazaleek. Horiek ere parte hartzekoak dira Kremlineko San Jurgi aretoan 15:00etan —14:00ak Euskal Herrian— egingo duten ekitaldian. Ukrainaren azaleraren %15 inguru anexionatuko du Errusiak.

Horiek horrela, Volodimir Zelenski Ukrainako presidenteak atzo ohar batean ohartarazi zuen «gogor» erantzungo dutela. «Botoek ez dute inongo baliorik, eta ez dute errealitatea aldatzen. Ukrainaren lurralde batasuna berrezarriko dugu». Zelenskiren aholkulari Serhiy Nikiforovek jakinarazi zuen, bide batez, Segurtasun Nazionaleko eta Defentsako Kontseilura deitu dutela biharko.

Errusiak garrantzia eman nahi izan dio gaurko ekitaldiari, eta horregatik egingo dute Kremlineko areto arranditsuenetako batean. Moskuko Plaza Gorrian, gainera, kontzertuak egongo dira. Kartel batzuk jarri dituzte plazaren bueltan, eta hau idatzi dute: «Donetsk, Luhansk, Zaporizhia Kherson. Errusia!».

Ukrainak bere lurrak berreskuratzeko hasitako kontraeraso militarra indartu duenean deitu zuten galdeketetara. Donetskeko bozkatzaileen %99k Errusiarekin bat egitearen alde bozkatu zuten; Luhansken, %98k; Zaporizhian, %93k; eta Khersonen, %87k.

Mendebaldeak, ordea, ez die zilegitasunik ematen galdeketa horiei, iritzita nazioarteko zuzenbidea urratzen dutela. Kieventzat, Moskuren «propaganda» ekintza bat izan dira, «fartsa bat». Gainera, Errusiaren aliatu batzuek ere jakinarazi dute ez dituztela aitortuko anexioak —kasurako, Kazakhstanek eta Serbiak—, eta Recep Tayyip Erdogan Turkiako presidenteak ere kritikatu ditu.

Errusiako Parlamentuko bi ganberak datorren astean dira anexioak gauzatzekoak. Lehendabizi, behe ganberaren txanda izango da, eta, ondoren, Senatuarena.

«Ekintza terrorista bat»

Nord Stream 1 eta 2 gasbideetan asteon izandako isuriak nazioarteko talde batek iker ditzala eskatu du gaur Dmitri Peskov Kremlineko bozeramaileak. Nabarmendu du, gainera, gasbideen haustura «ekintza terrorista bat» bat izan dela.

Bestalde, Hungariako Gobernuak jakinarazi du ez duela babestuko Europako Batzordeak Errusiari jarri nahi dion zigor sorta berria. Joan den otsailean inbasioa hasi zenetik Bruselak Moskuri jarritako zortzigarren zigor sorta da.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Palestinako herritarrak Israelgo segurtasun indarrek hildako palestinar baten hiletan, Ramallahn. ©Alaa Badarneh / EFE

Israelen eta Palestinaren arteko gatazka «borborka hastear» dagoela ohartarazi du NBEk

Maddi Iztueta Olano

Erakundeak bi estatu sortzeko plana onartu zuenetik 75 urte betetzen dira gaur, baina liskarrak ez du etenik izan ia. Israelgo segurtasun indarrek lau palestinar hil dituzte bart.

Erreskatatu dituzten hiru gizonak, 'Alithini II' petrolio ontziaren lema gainean. ©@salvamentogob

Petroliontzi baten lemaren gainean 11 egunez iraun duten hiru lagun erreskatatu dituzte Kanarietan

Paulo Ostolaza

Ontzia Lagostik abiatu zen, Nigeriatik, azaroaren 17an. Lehen arreta eman eta gero, hipotermia zantzuekin ospitaleratu dituzte hiru gizonak.

Jens Stoltenberg NATOko idazkari nagusia, atzo, Bukaresten egindako agerraldian. ©ROBERT GHEMENT / EFE

Stoltenberg: «NATOk Ukraina babesten jarraituko du, eta ez dugu atzera egingo»

Mikel O. Iribar

Mendebaldeko aliantza militarra bilera egiten ari da Bukaresten. Reutersen arabera, NATO presio egiten ari zaie armak ekoizten dituzten enpresei, hornidura «arazoak» dituztelako.

Irango emakumeen aldeko protesta bat, Istanbulen (Turkia), larunbatean. ©ERDEM SAHIN / EFE

Iranek ez dio lagunduko NBEri protestetako errepresioa ikertzen

Maddi Iztueta Olano

NBEk misio bat sortu du Mahsa Aminiren aldeko mobilizazioetako errepresioa ikertzeko. Protestetan 300 lagunetik gora hil dituzte

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.