Noiz sortua: 2019-11-30 00:30:00

Mariasun Landa Idazle Galego Unibertsala izango da 2020. urtean

Haren obraren «kalitate handiagatik» eta Euskal Herriko «hizkuntza, kultura eta duintasun nazionala defendatzeagatik» izendatu dute
Mariasun Landa.
Mariasun Landa. JUAN CARLOS RUIZ / FOKU Tamaina handiagoan ikusi

Erredakzioa -

2019ko azaroak 30
AELG galegoz idazten duten idazleen elkarteak 2020ko Idazle galego Unibertsala izendatu du Mariasun Landa, «haren obraren kalitate handiagatik eta Euskal Herriko hizkuntza, kultura eta duintasun nazionala defendatzeagatik». Ohorezko sari hori datorren urteko maiatzaren 9an jasoko du euskal idazleak, Santiagon, Liburu Galegoaren Galan.

Galegoz ez beste hizkuntza batean idazten duten egileen lana aitortzea du helburu izendapenak, eta aurretik Bernardo Atxagak ere jaso zuen, 2013. urtean. Horretaz gain, Mahmud Darwixek, Pepetelak, Nancy Morejonek, Elena Poniatowskak, Juan Gelmanek, Antonio Gamonedak, Jose Luis Sampedrok, Lidia Jorgek, Luiz Ruffatok, Pere Gimferrerrek, Helia Correiak, Isabel-Clara Simok eta Maria Teresa Hortak ere jaso dute.

Batik bat haur eta gazte literaturan eginiko lanagatik nabarmendu da Landa, eta haren obra hainbat hizkuntzatara itzuli da: galegora, gaztelaniara, katalanera, frantsesera, alemanera, arabierara, koreerara...

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna