Albistea entzun

Mozart mende honetan

Opus Lirica konpainiak 'Requiem' obraren egokitzapena estreinatuko du gaur eta bihar Kursaalean. 'Krump' dantzak egingo dituzte oholtzan
Mozarten <em>Requiem</em> obraren egokitzapenaren entsegua, atzo, Donostiako Kursaalen.
Mozarten Requiem obraren egokitzapenaren entsegua, atzo, Donostiako Kursaalen. GORKA RUBIO / FOKU Tamaina handiagoan ikusi

Gorka Arrese -

2021eko maiatzak 1

Opera denboraldiaren barnean, Opus Lirica Donostiako konpainiak Wolfgang Amadeus Mozarten Requiem obraren eszenarako bertsioa estreinatuko du gaur eta bihar, 19:30ean, Kursaaleko auditoriumean. XXI. mendeko ikus-entzuleentzat egokitutako proposamen bat da, Militia Raw Iruñeko dantza taldearen parte hartzearekin. «Proiektu berritzailea da eszenografia diseinuz Requiem taularatzea», adierazi dute antolatzaileek.

Pablo Ramos eta Carlos Crooke dira eszena arduradunak. Militia Raw taldeak krump dantza urbanoak egingo ditu. Iker Sanchez Silva da orkestra zuzendaria, eta Alain Aierdi da abesbatzaren zuzendaria. Borja Rubin?osek joko du pianoa. Kantariak dira: Ainhoa Garmendia (sopranoa), Lucia Goomez (mezzosopranoa), Ben?at Egiarte (tenorra) eta Cesar San Marti?n (baritonoa).

Opus Lirica konpainiaren egokitzapenak Apokalipsiaren lau zaldunen irudiak dakartza: gosea, izurritea, gerra eta heriotza, nahiz eta kaosa eta suntsipena eragiten duten zaldun horien aipamen zehatzik ez duen egiten Mozarten jatorrizko lanak.

«Bizi dugun pandemiak eragin duen katarsiak zalantzan jartzen ditu gizateriaren ekintzak», Opus Lirica konpainiaren ustez, «eta gizakia eta bere ekintzak aurrez aurre jartzearen beharrari erantzuten dio Requiem-ak». Diotenez, «Mozartek duela bi mende baino gehiago konposatutako jatorrizko mezak bezala, bakea eta barkamena aurkitzeko balio behar luke, balio etiko eta moralen aldaketa eta berrikuspena egiteko».

Eliza katolikoaren zerbitzu erlijioso nagusiari dagozkion atalak eta egitura mantenduko ditu obra musikalak, eta eszenan izango dira egokitzapenak, sinboloz eta metaforez beteak. Itxarongela baten modukoa da oholtzako espazioa. «Purgatorioa ez da leku abegikorra eta atsegina. Plataforma batek, eskuinetik ezkerrera zeharkatuz, bitan banatzen du eszena; zailtasuna sinbolizatzen du, oztopoak eta arazoak. Kateek loturak eta askatasun falta iradokitzen dituzte. Eta aulkiek, berriz, aurrera ez egiteko tentazioa, geldirik egotera gonbidatzen duten arrazoiak». Krump dantza moldeak irudikatuko ditu gizakiak aldatzeko dituen tresnak.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Kontzertu bat, Sanagustin kulturgunean. ©Alberto Beloki

Hamarkada bat beste bide batetik

Miren Garate - Gipuzkoako Hitza

Hamar urte bete dituzte Azpeitiko (Gipuzkoa) Sanagustin kulturguneak eta hura kudeatzen duen Kulturaz kooperatibak. Eredu propio bat garatu du kooperatibak euskarazko kultur sorkuntza sustatzeko.

 ©GORKA RUBIO / FOKU

«Sortzeko orduan ez diot mugarik jartzen neure buruari»

Mikel Lizarralde

Idoia Asurmendik sare sozialen bitartez eta beste zenbait musikariren bertsioak eginez ezagutarazi zuen bere burua. Orain, lehenengo diskoa argitaratu du: 'Ilun eta abar'.
 ©IñIGO URIZ / @FOKU

Harrespila, gutizia husteko

Ane Eslava

L'Alakran antzerki konpainiak 'Harrespila' ikuskizun performatiboa eskainiko du gaur eta bihar Altzuzako Oteiza museoan. Cromlech bat osatuko dute parte hartzaileekin batera
 ©MARIAJE FUENTE

Zero gradua

Berria

Juan Kruz Igerabide idazlearen (Aduna, Gipuzkoa, 1956) 'Doneaneko alaba' eleberrian, 1936ko gerrako gertakari latz batek txirikordatzen ditu unibertsitateko literatura irakasle eszeptiko bat den narratzailearen eta Doneaneko alaba gazte poetaren bizialdiak.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna