Albistea entzun

OLBEk 'Lucia di Lammermoor' operarekin irekiko du 68. denboraldia

Larunbatean taularatuko dute Gaetano Donizettiren obra, Bilboko Euskalduna jauregian
<em>Lucia di Lammermoor</em> operaren eszena bat.
Lucia di Lammermoor operaren eszena bat. OLBE Tamaina handiagoan ikusi

Erredakzioa -

2019ko urriak 17 - Bilbo

OLBE Operaren Lagunen Bilboko Elkarteak larunbatean ekingo dio bere 68. denboraldiari. Eta lehen emanaldirako Gaetano Donizettiren obra bat aukeratu dute: Lucia di Lammermoor opera. Jessica Pratt sopranoa, Ismael Jordi tenorra eta Juan Jesus Rodriguez baritonoa ariko dira rol nagusietan Bilboko Euskalduna jauregiko taula gainean, 19:00etan hasita. Lehen emanaldiaren ondotik, beste lau alditan taularatuko dute lana: hilaren 21, 25, 26 eta 28an.

Adituen ustez, konpositore italiarraren maisulanik nabarmenena da Lucia di Lammermoor. OLBEren, Genovako eta Boloniako (Italia) antzokien nahiz Eslovakiako Antzoki Nazionalaren koprodukzioa da Bilbon taularatuko dutena, eta 2017an Italian estreinatu zuten. Ricardo Frizzak jardun du musika zuzendari. Donizettiren obran aditua da. Eszena zuzendaritzaz, berriz, Lorenzo Mariani arduratu da. Haren hitzetan, «istorio ikaragarria da, krudela eta bortitza, gaztetako maitasun istorio dramatiko bat ez ezik». Horregatik, eszenaratze «gotiko» baten alde egin du Marianik, giro «erromantiko baina, aldi berean, izugarria eta iluna» irudikatze aldera.

Sortzaileek azaldu dutenez, konpositore italiarraren jatorrizko partitura ahalik eta gehiena errespetatzen saiatu dira, eta, horregatik, Bilboko bertsioan beste ohiko eszenaratze batzuetan baino hamar edo hamabost musika orrialde gehiago emango dituzte.

Bost opera, 47 emanaldi

Lucia di Lammermoor ez da denboraldiko opera bakarra izango, beste lau programatu baitituzte: Jerusalem, Der fliegende Hollander, La fanciulla del West eta Anna Bolena. Horietan, hamabost abeslarik eta bi orkestra zuzendarik debutatuko dute.

Horiez gain, formatu txikiagoko kontzertuak, haurrentzakoak eta hitzaldi ziklo bat ere egingo dituzte, besteak beste. Orotara, 47 emanaldi izango dira.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Koldo Zabala dantzari eta koreografoa. ©Bob Edme / LE JOURNAL

Zabala maisuari omenaldia

Iñaki Etxeleku - Ipar Euskal Herriko Hitza

Koldo Zabala dantzaria zena omendu zutean atzo Biarritzen, ‘Zabaltzen’ deituriko dantza emanaldiaren bidez. Zabalak zuzendu zuen Oldarra taldeko dantzari ohi andanak parte hartuko zuen. Koreografo gisa sortu zituen zati batzuk berriz muntatu zituzten.

Hiru emakumezko eta hiru gizonezko oholtzan. Era berean, Txapelketa Nagusian lehen aldiz kantatu duten bi bertsolari. ©BOB EDME

Parekatu ez diren ehuneko batzuk

Miren Mujika Telleria

2001eko Bertsolari Txapelketa Nagusiaz geroztik, inoiz baino aurpegi berri gehiago izan dira aurtengo sariketan; guztira, hamabost. Ordea, badira datu batzuk erakusten dutenak aldaketa gertatu den arren oraindik ez dela lortu sexuen arteko orekarik.
 ©JON URBE / @FOKU

Labriten eta Labriterako egina

Ainhoa Sarasola

Kukai dantza konpainiaren 'Jazoerak' emanaldia egingo dute bihar Labrit frontoian, Iruñeko 1972-2022 Topaketen barruan. Beste diziplina batzuetako hainbat artista ere arituko dira
Maskos Untzeta musikaria (lehen planoan), gitarrarekin eta harmonikarekin kantuan, Giovanni Zanon gitarrista alboan duela, Donostian. ©ANDONI CANELLADA / FOKU

Oreka aurkitzeko, kantuan

Ainhoa Sarasola

Markos Untzetak hamar kanta bildu ditu 'Ekilibrista' bere seigarren diskoan. Blues, country eta pop-rock amerikarraren bidetik, «soiltasuna eta gardentasuna» lortu nahi izan ditu

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...