Albistea entzun

Koronabirusa

Positibo tasak beheranzko joera hartu du Hego Euskal Herrian

Edurne Begiristain -

2020ko azaroak 14

Oso motel bada ere, positibo tasa beheranzko joera ari da hartzen Hego Euskal Herrian. Dezente gehiago Nafarroan, eta askoz apalago Araban, Bizkaian eta Gipuzkoan. Baina Nafarroako Gobernuak eta Eusko Jaurlaritzak atzo emandako datuek beheranzko joera erakusten dute. Ostegunean, birusa detektatzeko 20.581 test egin zituzten, eta horietatik 1.640 izan ziren positiboak. Asteazkenean atzemandako positiboekin alderatuta, oso gutxi egin dute behera —hiru positibo gutxiago atzeman dira—, baina positibo tasa, oro har, beheratu egin da. Nafarroan, egonkor jarraitzen du beheranzko joerak eta aurreko egunarekin alderatuta ez da aldaketa handirik sumatu: %6,2koa da positibo tasa (bezperan %6koa zen). Araban, Bizkaian eta Gipuzkoan, berriz, apur bat behera egin du positibo tasak: %8,6tik %8,3ra. Baikortasunerako arrazoiak badira, beraz, joan den astean %10aren bueltan ibili baitzen.

Egia da kostatzen ari dela kutsatzeen goranzko joera erabat iraultzea, baina Nafarroan azken egunetan izan diren datuek islatzen dute bilakaera ona dela. Positiboek apur bat behera egin dute azken orduetan: ostegunean, 3.520 PCR eta antigenoen proba egin zituzten, eta 220 positibo atzeman ziren, bezperan baino hemezortzi gutxiago. Hala, seigarren egunez jarraian, 200 positiboen inguruan daude kutsatze berriak; ez da 250 kasuen langa igaro. Araban, berriz, 137 kasu atzeman ziren; Bizkaian, 653, eta, Gipuzkoan, 619.

Erietxeetan presioak gora

Erietxeetako egoera, baina, kezkagarria da oraindik ere. Osasun sistemaren gaineko presioak goraka jarraitzen du, eta horrela segituko du baldin eta egunero 1.400dik gora positibo atzematen jarraitzen bada. Osasun agintariek emandako datuen arabera, ospitaleetako okupazioa Nafarroan %43koa da oraintxe bertan, eta Arabako, Bizkaiko eta Gipuzkoako erietxeena %45ekoa. Oraintxe, 841 pertsona daude Osakidetzako eta Osasunbideko ospitaleetan ospitaleratuta, eta ZIUetako oheetan, berriz, 195 pertsona daude, aurreko egunean baino bi gutxiago. Nafarroako Gobernuak atzo jakinarazi zuen azken orduetan hiru lagun hil direla COVID-19ak jota: bi emakume (85 eta 91 urtekoak) eta gizonezko bat (90 urtekoa).

Herenegun Basurtuko (Bizkaia) eta Donostiako ospitaleetan izan ziren kutsatze fokuei dagokienez, Jaurlaritzako Osasun Sailak esan du «kontrolpean» daudela. Basurtuko erietxean dialisien unitatean lan egiten duten 11 langilek eta paziente batek eman zuten positibo, eta oraintxe bertan etxean daude bakartuta. Donostiako erietxeari dagokionez, Gotzone Sagardui Osasun sailburuak esan du zenbait erietxe eta osasun zentrotan egun batzuetan metatu diren kasuak izan direla, eta denak batera ezagututakoan piztu dela alarma. Argitu du erietxeetakoak ezin direla agerralditzat jo, kutsatzeak izan direlako.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Lehen mailako artako kontsultak atzeratuko ditu Osakidetzak

Lehen mailako artako kontsultak atzeratuko ditu Osakidetzak

Arantxa Iraola-Irati Urdalleta Lete

Osasun sailburu Gotzone Sagarduik egin du jakinarazpena: «Aparteko larritasuna ez duten» kontsultak atzeratuko dira.

Baionako txertaketa gunea, artxiboan ©Guillaume Fauveau

Pfizer dosiak ez ote diren faltako beldur dira txertaketa guneetako langileak

Oihana Teyseyre Koskarat

Eskualdeko Osasun Agentziak hobetsi du Moderna txertoak banatzea. Baionako txertaketa guneko langileek lana uzteko eskubidea aldarrikatu dute, pazienteei «gardentasuna zor» zaielakoan.

5-11 urte arteko haurren txertaketa onetsi du Espainiako Osasun Publikoko Batzordeak

5-11 urte arteko haurren txertaketa onetsi du Espainiako Osasun Publikoko Batzordeak

Arantxa Iraola-Irati Urdalleta Lete

Hilaren 15etik aurrera autonomia erkidegoek haurrak txertatzen hasi ahal izango dutela jakinarazi du

Munilla meza ematen Azpetian (Gipuzkoa), 2019an. ©Javier Etxezarreta / EFE

Donostiako apezpikutza utziko du Jose Ignacio Munillak

Paulo Ostolaza

Ia hamabi urte egin ditu karguan. Alacanteko (Herrialde Katalanak) gotzaina izango da aurrerantzean.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.