Etxebeste prest da EP-IUren hautagai izateko Gipuzkoan

Miren Etxebestek bere burua aurkeztu du Gipuzkoako ahaldungai nagusi izateko Ahal Dugu-ren primarioetara. Egun, Irungo Udal Gobernuko kide da, zinegotzi, eta bere gain ditu Berdintasun eta Euskara ordezkaritzak. Itzulpengintza ikasketak eginak ditu, eta irakasle aritu da urteetan. Ahal Dugu-k zabaldutako informazioaren arabera, Etxebeste M-15 mugimendua zela eta sartu zen politikagintzan. Halaber, Victor Lasa aurkeztuko da primarioetara Elkarrekin Podemos-IUren zerrendan Donostiako alkategai izateko. Nazioarteko aholkulari eta analista akademikoa da, eta 2019tik dabil Ahal Dugu-rekin kolaboratzen.