Albistea entzun

NPB iristen ez zaionari lagundu egingo zaiola esan du Tapiak

Araban, Bizkaian eta Gipuzkoan sortutako funtsekin lagundu beharko zaie nekazariei, Europako diruaren murrizketa dela eta
Arantxa Tapia, erkidegoetako beste ordezkariekin, atzo.
Arantxa Tapia, erkidegoetako beste ordezkariekin, atzo. BERRIA Tamaina handiagoan ikusi

Xabier Martin -

2020ko uztailak 24

Europako Batasunak murriztu egingo du NPB Nekazaritza Politika Bateraturako jartzen duen diru kopurua 2021-2027 aldian, eta zehazteko dago milaka milioi euroko murrizketa hori zenbateko galera izango den euskal nekazarientzat; baina Eusko Jaurlaritzak badaki NPBk estaltzen ez duen tartea funts propioekin ordaindu beharko duela; alegia, nekazariei, Araban, Bizkaian eta Gipuzkoan sortutako funtsez lagundu beharko zaiela. Horrela esan zuen atzo Ekonomiaren Garapenerako sailburu Arantxa Tapiak.

Madrilen izan zen Tapia, Espainiako Nekazaritza Ministerioak deitutako bilera batean; Madrilek erkidegoei esplikatu zien baliatuko dituen iripideak NPBaren laguntzak banatzeko. Datorren astean Tapia bera beste bilera batean elkartuko da sektorearekin eta Jaurlaritzaren eskumeneko hiru lurraldeetako aldundiekin, Europako laguntzen inguruko informazioa helarazteko.

Beraz, NPBk estaltzen ez duena euskal erakundeen bidez estali beharko dela aurreratu du Gasteizko gobernuak, baina ez dio uko egiten Europatik laguntza gehiago jasotzeari, NPBtik aparte esan nahi baita. Pandemiaren ondorioei aurre egiteko funtsetatik ere laguntzak lortzeko helburua ezarri du Tapiak, adibidez Next Generation UE funtsetik.

Sailburuak ez zuen Madrilgo bidaia alferrik pasatzen utzi Batzorde Mistoaren auzia salatzeko. Lakuak kontzertuaren batzarra nahi du Sanchezen exekutiboarekin, Jaurlaritzaren zorpetze gaitasuna handitzeko, eta nekazaritza sektorea laguntzeko aukerak ere horrekin lotu zituen Tapiak.

Mahastien berregituraketa

Espaniako Nekazaritza Ministerioak erkidegoekin egindako bileran jakinarazi du Hego Euskal Herriak 2.233.494 euro jasoko dituela mahastiak berregituratzeko eta mahatsa zaintzeko helburuarekin. Europako funts batetik dator diru hori. Nafarroako mahastizainek 1.523.484 euro jasoko dituzte, eta Arabako, Bizkaiko eta Gipuzkoako mahastizainek 710.000 euro.

Horrez gain, Gipuzkoako Foru Aldundiak lehen sektoreari laguntzeko Erreskate Plana abian jarri duela jakinarazi zuen atzo. Plan horrek 1,1 milioi euro ditu, eta koronabirusak gehien kaltetutako azpisektoreetako eragileei laguntza zuzenak emateko da.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Haize errotak Bretainiako kostaldean, Sant Nazertik gertu. ©STEPHANE MAHE / EFE

IEAren arabera, 2025erako berriztagarriak izango dira argindar iturri nagusia

Paulo Ostolaza

Nazioarteko Energia Agentziak kalkulatu duenez, argindar eskariak gora egingo du, Asiak bultzatuta. Iturri berriztagarriek eta nuklearrak aseko dute eskari berria
LAB sindikatuaren mobilzazioa, asteazken honetan ©Guillaume Fauveau

LABek pentsio sistema propioa aldarrikatu du

Berria

Manifestazioa egin du Hendaia eta Irun artean. Euskal Herriko alderdi politikoak deitu ditu Madrilen eta Parisen murrizketa gehiago ez onartzera. Frantziako sindikatu nagusiek beste mobilizazio egun bat antolatu dute hilaren 16rako.

Novaltiako eta Vulcanizados Zuloagako grebalariak protestan, Lan Ikuskaritzaren Bilboko egoitzaren atarian. ©ELA Bilbo

Enpresen «konplize» izatea egotzi diote Novaltiako eta Vulcanizados Zuloagako grebalariek Lan Ikuskaritzari

Iñaut Matauko Rada

Ikuskaritzaren egoitzaren atarian elkarretaratzea egin dute grebalariek. Greba eskubidea «etengabe» urratzen zaiela gogorarazi dute.

Zentral eoliko bat Yanchengen (Txina). 2025. urtean Txinarena izango da munduko energia eskariaren heren bat. ©ALEX PLAVEVSKI / EFE

Hiru urte barru berriztagarriak izango dira munduko argindar iturri nagusia

Paulo Ostolaza

Ikatza gaindituko dute, IEA Nazioarteko Energia Agentziaren arabera. Datozen hiru urteetako eskariaren igoera ere energia berriztagarriekin eta nuklearrarekin aseko da ia erabat.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.