Albistea entzun

Espainia. Pedro Sanchezen gobernua. Isabel Zelaa

Hezkuntza politikako izen ezinbestekoa

80ko hamarralditik ari da PSE-EEko kide Isabel Zelaa hezkuntza arloko lan politiko eta instituzionaletan, gidari; Hezkuntza Ministerioko lema hartuko du orain.
TEJIDO / EFE Tamaina handiagoan ikusi

Arantxa Iraola -

2018ko ekainak 7

Nazionalista batek egiten badu, ondo; sozialista batek egiten badu, gaizki. Ez da bidezkoa». Hizlari zorrotza izatearen fama du Isabel Zelaak (Bilbo, 1949). Halaxe, 2014ko urtarrilean BERRIAri emandako elkarrizketan aratz eta irmo solastatu zen 2009-2012an PSE-EEk Eusko Jaurlaritzan egin zuen lanaren alde. Hezkuntza sailburu jardun zuen, eta arrastoa utzi zuen: haren ondare izan ziren, esaterako, hiru eleko eredua eta euskal gatazkaren biktimak ikasgeletara eramateko egitasmoa. Hezkuntzari lotuta aritu da —Hezkuntza Sailean jardun zuen 1980ko hamarkadan, Jose Ramon Rekalde sailburu zela; sailburuordea izan zen Fernando Buesa sailburuarekin—, eta esperientzia horrek guztiak Madrilera eraman du orain: Hezkuntza ministro ariko da. Gobernuko bozeramaile ere izendatu du Pedro Sanchezek.

Eskola publikoaren alde egin du beti, inor mintzeko beldurrik gabe. «Publikoak izan behar du administrazioaren erreferente. Itunpekoak jakin egin behar du hori». Sarri jardun du, halaber, hezkuntzan jarduteko era neutro bat badagoela iritzita, eskola helburu «ideologikoekin» erabiltzea egozten dienen aurka: «Ezin dugu nahastu denen ondare dena soilik alde batena den ideologiarekin. Hezkuntzan, ideologia ikasgela atarian utzi behar da». Alde horretatik, adierazi izan du PSE-EEren gobernuak sustatutako hainbat aldaketa mesfidantzaz hartu izan zirela motibo ideologikoengatik, baina praktikan onetsi egin direla gero. «Orain, badirudi onak zirela».

Behin Jaurlaritzako aginte postua utzita ere, hezkuntza gaien arduradun jarraitu zuen Zelaak alderdian, hainbat urtean. PPk sustatutako LOMCE erreformaren kontra maiz jardun zuen talaia horretatik: esan zuen badirela modu «sotilak» haren kontra egiteko, eta erabili egin behar direla. Jeltzaleek Hezkuntza Sailera itzulita egindako hautuak ere zorrotz kontrolatu izan ditu: «Zertan ari zara? Zer ekarri diguzu? Arreta handiz entzun zaitut, baina ezer berririk ez dago», ohartarazi zion, esaterako, Cristina Uriarte sailburuari 2014an Eusko Legebiltzarrean, Jaurlaritzak proposatutako Heziberri 2020 proiektua hizpide zutela.

LOMCEren itzal luzearen pean jardutea egokituko zaio ministro lanetan ere. Oposizioaren nahiak aintzat hartu gabe ondutako lege organiko bat izan zen, hezkuntzako profesional askok ere kritikatu dutena. Horrexegatik, apalduta dago haren eragina. Espainiako Kongresuan hezkuntza gaietarako beste itun bat hitzartzeko batzorde bat martxan jarri zen, baina nahi eta ezina erakutsi zuen; tantaka, talde politiko guztiak bertako ordezkaritza utziz joan ziren: PP eta Ciudadanos bakarrik geratu ziren, eta desegin egin zen. Negoziatzen hastean sortu dira gorabeherak, akordioa urrun baita. Horiek horrela, indarrean dago oraindik LOMCE, eta hori bazterrean utzi eta hitzarmen berri bat lortzeko giltza bilatzen lagundu beharko du Zelaak.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Irango protestei elkartasuna adierazteko elkarretaratze bat, joanden azaroan, Australiako Parlamentuaren parean, Canberran. ©LUKAS COCH, EFE

Iranek herritar bat exekutatu du, azken hilabeteetako protestekin lotuta

Gorka Berasategi Otamendi

Kondenatuari —23 urte— estatuko indarren agente bat labanaz zauritzea egotzi diote. Agintari judizial gorenaren esanetan, «aurki» gauzatuko dituzte mobilizazioen harira ezarritako beste heriotza zigor batzuk ere.

Lucian Bode Errumaniako Barne ministroa eta Margaritis Schinas Europako Batzordeko presidenteordea, gaur, Bruselan. ©OLVIER HOSLET / EFE

Kroazia Schengen eremuko kide izango da 2023an

Mikel Elkoroberezibar Beloki

Austriaren eta Herbehereen ezezko botoaren ondorioz, Bulgaria eta Errumania ez dira espazio bateratuaren barruan egongo.

Bittney Griner AEBetako saskibaloi jokalaria (ezkerrean) eta Viktor Bout arma trafikoagatik AEBetan zigortutako Errusiako teniente ohia (eskuinean). ©STR, EFE

Errusiak aske utzi du Brittney Griner, AEBek Viktor Bout libre uztearen truke

Berria

Griner saskibaloi jokalaria eta Bout arma salmentagatik AEBetan espetxeratuta zegoena Abu Dhabiko aireportu batean trukatu dituzte Moskuk eta Washingtonek.

Benjamin Netanyahu Israelgo lehen ministro ohia, herrialdeko parlamentuan, joan den azaroaren 15ean. ©ABIR SULTAN, EFE

Netanyahuk gobernua eratzeko akordioa itxi du ultrekin eta muturreko ortodoxoekin

Gorka Berasategi Otamendi

Shas eta Sionismo Erlijiosoa alderdien esku geldituko dira, besteak beste, Barne eta Ogasun ministerioak. Smotrich ultranazionalistak Zisjordaniaren gaineko botere handia pilatuko du.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.