Euskal presoen urrunketa amaitzeko exijitu dute hainbat eragilek

Iraitz Mateo Gogorza -

2018ko uztailak 3

Bi lagunek auto istripua izan zuten igande arratsaldean Teruelen (Aragoi, Espainia), Garikoitz Garcia Arrieta euskal presoa bisitatzetik zetozela, eta Etxerat-ek salatu du urrunketak eragindako laugarren istripua izan dela aurten. Orain Presoak plataformak espetxe politika aldatu beharraz hitz egin du, eta Sortuk eta EH Bilduk urrunketa lehenbailehen amaitzeko eskatu diote Espainiako Gobernuari. Picassenten (Alacant, Herrialde Katalanak) dago Garcia Arrieta, Euskal Herritik 540 kilometrora. Onik daude ezbeharra izandako bi lagunak.

EH Bilduko bozeramaile Arnaldo Otegik presoak gerturatzearen aferan «aurrerapausoak» eman daitezkeela dio, Frantziako Estatuan eman diren bezala, eta azaldu du Eusko Legebiltzarreko Autogobernu Lantaldean EAJrekin lanean dabiltzala horretarako. Otegik uste du ETAk bakerako urrats garrantzitsua egin zuela desegitea erabakita, eta oraingoa «abiada handiko garai historikoa» dela. Sortuk «salbuespen» politika amaitzea galdegin dio Espainiako Gobernuari. Politika hori «errepresio» estrategia baten barruan aplikatu zela gogorarazi du, eta bukatuta behar lukeela gaineratu.

Orain Presoak plataformak ere azpimarratu du espetxe politika aldatu behar dela. Mikel Casado bozeramaileak dio positiboa izan daitekeela presoek barkamena eskatzea edota sentitzen dutela esatea modu zintzo batean, baina ez duela ezinbestekoa izan behar kaleratzeko: «Espetxe onurak lortzeko barkamena eskatu beharra ez da onargarria».

Elkarretaratzeak asteon

Urrunketa eta sakabanaketa politika behin betiko amaitzeko exijitu dio Etxerat-ek Madrili, eta euskal herritarrak deitu ditu elkarretaratzeetan parte hartzera. Bilbon gaur izango da, 19:30ean, Arriaga plazan. Donostian eta Gasteizen, bihar: Donostian 19:00etan, udaletxe ondoan, eta, Gasteizen, 20:00etan, Andre Maria Zuriaren plazan.

Urruntzea pairatzen dutenen haserrea piztu du kartzela turismoa esamoldeak

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

 ©BERRIA

COVID-19aren uste ustelak

Mikel P. Ansa

COVID-19aren pandemia ukatzen duten joera batzuek indarra hartu dute uda honetan. Haiek zabaldutako uste batzuk zeinen okerrak diren azaldu dute Miren Basaras eta Guillermo Quindos mikrobiologoek artikulu sorta honetan. Gaur, koronabirusaren larritasuna.

Santos Indurain Osasun kontseilariaren agerraldia, artxiboko irudi batean. ©Jesus Diges, EFE

Nafarroako egoera «egonkortzen» ari dela esan du gobernuak

Uxue Rey Gorraiz

Azken egunean, 223 positibo atzeman dituzte foru erkidegoan. Kutsatuen kopuruak behera egin du bigarren egunez jarraian.

EHUko ikasle batzuk, artxiboko irudian ©Luis Jauregialtzo / Foku

EHUk espedientea ireki dio irakasle bati, eskolak maskararik gabe ematen zituelakoan

Irati Urdalleta Lete

Farmazia Fakultateko irakasleak positibo eman du PCR proban. Hamabost eguneko epean ebatziko dute espedientea.

PCR probak, Gurutzetako ospitalean. ©Luis Jauregialtzo

Ia ehun kasu gutxiago atzeman dituzte egun bakarrean

Uxue Rey Gorraiz

Azken egunean, 608 kasu detektatu dituzte Hego Euskal Herrian. Positiboek behera egin dute Nafarroan, Bizkaian eta Araban; Gipuzkoan ugaritu egin dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna