Albistea entzun

JIRA

Kode postala

Angel Erro -

2019ko ekainak 21

Ez da gauza berria, estatu berean ere, kode postalaren araberako justizia aplikatzen ahal dela. Aspaldiko kontua da, kaleko paperontziak erretzen zirenetik gutxienez. Gerora jarraitu dugu ikusten. Altsasukoa bezalako liskarren zerrenda luzea da. Tarteka norbaitek zabaltzen du, eta gaitzespen penala askoz apalagoa izaten da Ebrotik behera. Gelditu beharrean, goraka doan joera dela susmatzen hasita nago. Eta esanen nuke, berrikuntza moduan, Nafarroan duela agertoki berezia: 31tik hasten den kode postalean.

Gertuko ditugun bi adibideak para ditzadan. Atzo, Espainiako prentsan sozialisten eta jeltzaleen arteko ituna bera larrutu zuten, nahiz eta Urkullu eta Mendiaren arteko elkar ulertzea goraipatu beste nonbait. Aurtengo Korrikan presoen argazkiak erakutsi dituzten bost lagun atxilotu dituzte. Korrika Iruñerrian igarotzean bakarrik ikusi ahal izan ziren argazkiok? Korrikatik kanpo ez du inork presoen argazkirik erakutsi? Auzia zabalduko dute beste eskualdeetara ere? Seguruenik ez. Esan dugu lehen, Nafarroan behar dute orain distortsio soinua.

Bada toki bat, Entredicho izenekoa, 14249 kode postala duena. Horra lekualdatu beharko lituzke epaitegiak. Fuenteovejuna herriak ere kode bera du.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©BERRIA

Garai konplexuei aurre egiteko kazetaritza bat

Beatriz Zabalondo - BERRIA Taldeko lehendakaria / Martxelo Otamendi - BERRIAko zuzendaria

Iaz BERRIA Taldeak egindakoaren errepasoa duzu hau. Kazetaritza da gure eginkizuna, euskarazko kalitateko kazetaritza; erreferente informatiboa izatea helburu. Beraz, hortik hasi dugu errepasoa, gero arlo ekonomikoari, komunitateari eta erronka berriei leku egiteko.

Irautea iraultzea denean

Estitxu Garai, Naiara Pinedo eta Zuriñe Rodriguez

Zure ahotsa errazago zapaltzea, moztea. Ostean datorren gizonak zure iritzia gutxiestea. Gizonen maiztasuna handiagoa izatea. Gizonak finkoak izatea, zu aldakorra. Mahaiko emakume bakarra izatea naturalizatzera iristea. Zure hitzei ez entzunarena egitea, beti euren artean elkarri erreferentziak egitea.

Zuretzat bihotzez, Elizabeth Hadley
Ondoeza

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.