Albistea entzun

Donostiako 66. Zinemaldia. VOYEUR ENEA

Besarkadak

<em>Petra</em> filmeko irudi bat.
Petra filmeko irudi bat. BERRIA Tamaina handiagoan ikusi

Gorka Erostarbe -

2018ko irailak 29

Bada besarkaden beharra bazterretan. Baita zinemaren munduan ere. Voyeurrari Zinemaldiko azken egunean suertatu zaio eszena: Maria Cristina hotelaren atzeko atarian, Enrique Urbizu zinema zuzendaria eta Jose Coronado aktorea, betaurreko ilunetan babesturik, pauso azkarrean sarrerarantz. Eta emakume adineko bat hurbildu zaio aktore espainiarrari: «Jose, emadazu besarkada bat, arren!». Eta eman dio, nola ez bada.

Joaquin Cociña animazioko zinema sortzaile txiletarrak esandako hitzez gogoratu da voyeurra, La Casa Lobo film liluragarria Tabakaleran aurkeztu ondoren esanikoak: «Forma esperimentalagoak erabili edo ez, beti saiatzen gara publikoa besarkatzen, hasieratik senti dezala gure eskua, senti dezala gure babesa, eta elkarrekin egin dezagun bidea». Eta voyeurrari zerbaitek atentzioa eman dio esaldi horretan. Animaziozko zinema esperimentalean ari den egile batek nola onartu duen, inolako aitzakiarik edo konplexurik gabe, ikuslearenganako gertutasuna adierazi eta bueltan jasotzeko beharra. Eta intuizioa baieztatu dio Jaime Rosales zuzendari katalanak, Petra filmaren harira egindako elkarrizketan. Ez dakiela bere zinemagintza egiteko modua aldatu den edo bera aldatu den zinema ikusle gisa: bere filmak egiteko orduan beti izan dituela ikusleak buruan, baina sentitzen duela jendearengana (gehiagorengana) iristeko beharra. Aldarrikatzen duela artearen autonomia, baina baita eman eta jasotzekoa ere. Komunikazio zubigintza sortzekoa. Elkar besarkatzearena.

Formalismo estetikoan indarra jarri dutenak komunikazio eta besarkada eske: zerbait aldatzen ari ote da hainbat moldetako bakardadeak azaleratzen ari diren gizarte garaikide likidootan? Voyeurrak aurten ikusi dituen film gehientsuenetan azaleratu baita gisa bateko edo besteko bakardaderik, begirada husturik, besarkaden esperorik...

Egunean zortzi besarkada emanda salbu omen da pertsona tristuretatik. Baita zuhaitzei edo arbiari emanda ere. Zinematik atera, eta Zurriola pasealekuan gurutzatzen duen orori besarkadak ematea pentsatu du voyeurrak. Aztoragarriegia akaso. To zortzi besarkada hemendik!

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Dea Kulumbegashvili zinemagile georgiarrak zuzendutako filmak irabazi zituen sari nagusiak iazko edizioan. ©ANDONI CANELLADA/FOKU

Donostiako Zinemaldiak sexu identifikazioaren bigarren txostena argitaratu du

Olatz Enzunza Mallona

Zuzendaritza, ekoizpen, gidoigintza, argazkigintza, musika eta muntaketa kategorietan lan egiten duten emakumezkoen parte hartzea aztertu du Donostiako Zinemaldiak. Iazko txostenarekin alderatuz, emakume profesional gehiago zenbatu dituzte, baina portzentajea ez da %40tik gorakoa film batean ere.

Askotariko lanak bildu dituzte erakusketan. Irudian, Marianna Christofides artistaren <em>It Exhausts my Elbow</em> proiektuko (2018) zenbait diapositiba. ©GORKA RUBIO / FOKU

Belaunaldi baten uzta

Ainhoa Sarasola

Bost urteotan Donostiako Tabakaleran egonaldia egin duten zenbait artistaren obrak ikusgai jarri dituzte zentroan, aurreneko aldiz, 'Estudiotik at' erakusketan

Don Inorrez taldeko abeslari eta gitarra jotzaile Imanol Ubeda, kontzertu batean. ©MONIKA DEL VALLE / FOKU

Don Inorrez musika taldeak 'Esku hutsik' bigarren lan luzea plazaratu du

Olatz Enzunza Mallona

Don Inorrez musika taldeak 'Esku hutsik' bigarren lan luzea plazaratu du. Hamar kantuz osatuta dago, eta aurreko lanaren jarraipen gisa deskribatu dute

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.