Albistea entzun

IRITZIA

'La Fiesta'

Joserra Senperena - Musikaria

2021eko otsailak 13

Chick Corea izena entzun orduko, burura datorkit 1970eko hamarkadan Return to Forever bandaren lehenengo bi diskoen soinu paisaia. Liluratuta utzi ninduen bazter hartan entzuten zen askatasun, energia eta goxotasunak, eta festarako gogoa sortzen zuen musikari haiek interpretatzen zutenak. Free jazz korrontea aurreko hamarkadan lehertua zen, eta irekiak ziren ateak mota guztietako fusioetarako. Disko haietako aparteko atmosfera hura sortzeko, Flora Purimen ahots fina eta Joe Farrellen flauta delikatua bildu zituen Coreak (artean boladan zegoen instrumentua: Peter Gabrielen Genesis-en diskoak, Mikel Laboaren 1970eko diskoak...), baita pianistak erabiltzen zuen Fender Rodhes piano elektrikoa ere; hiruren artean espazio berri bat eraiki zuten, zeinak paradisuarekin antz handia izango lukeen, hura existitzekotan.

Burura datorkidan bigarren lana da Miroslav Vitous eta Roy Haynesekin egindako trioa: formula klasikoago bat —piano trio klasikoa—, baina diskurtso bereziki askearekin. Jazzaz hitz egitean erredundantzia izan daitekeen arren, pianistaren hizkuntza beti iruditu zait partikularrenetako bat. Trio honekin, Coreak tradizioa eta free korrontea lotzen ditu erabateko inprobisaziotan eta autore handien bertsiotan, nire ustetan diren bere urte onenetan.

Bere musikak generoen arteko mugak zeharkatzen ditu; jazzetik harago doa. Eraikitako zubiei esker, batzuek jazzera gerturatzeko aukera izan genuen: lurralde berriak ezagutu, eta bertan ere Festa-z gozatzeko aukera dagoela jakin genuen.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©Monika del Valle / Foku

Zubi bat bi ilunpetarantz

Iñigo Astiz

Besteak beste, Jane Austen, Virginia Woolf eta Judith Butler itzuli ditu Ana Isabel Moralesek ingelesetik euskarara. Gogoratu duenez, ordea, nerabezaro hasierara arte ezezagun zitzaizkion bi hizkuntzak, eta, beraz, ezinbestean, bi norabidekoa izan da aldi berean haren bidaia linguistikoa.

Egi(r)antzaz

Beñat Astiz.

(Barañain, Nafarroa, 2004). Maiatzean jokatu zen Nafarroako 36. Eskolarteko Txapelketa, herrialdeko bertso eskolen topaketen barruan, eta Astizek eraman zuen txapela. Besteren artean, Barañaingo kopla txapelketan eta Bardoak taldekako bertso ekimenean kantatu izan du.
Euskadiko Orkestra Wayne Marshallen zuzendaritzapean, atzo, orkestraren egoitzan egindako entseguan. ©J. URBE / FOKU

30eko urteetarako bi bidaia musikatu

Miren Mujika Telleria

Wayne Marshal zuzendari eta piano jotzaileak Euskadiko Orkestra zuzenduko du gaur Kursaalean, Andra Mari abesbatzarekin batera
 ©Monika del Valle / Foku

Zubi bat bi ilunpetarantz

Iñigo Astiz

Besteak beste, Jane Austen, Virginia Woolf eta Judith Butler itzuli ditu Ana Isabel Moralesek ingelesetik euskarara. Gogoratu duenez, ordea, nerabezaro hasierara arte ezezagun zitzaizkion bi hizkuntzak, eta, beraz, ezinbestean, bi norabidekoa izan da aldi berean haren bidaia linguistikoa.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...