Albistea entzun

ANALISIA

Ostera, hastera

Iñaki Petxarroman -

2020ko abenduak 12

Iluntze bat zen, 2019ko urrian. BERRIAra azaldu zen Zubietako erraustegiko langile bat, obretan gertatu zen zerbaiten berri kontatzera. Gipuzkoako Foru Aldundiaren kronologiaren arabera, martxan hastekoa zen Ingurumen Gunea. 2016ko apirilean Urbaser buru zuen enpresa talde emakidadunarekin sinatutako kontratuak 30 hilabete aurreikusi zituen, eta epeak betetzen ari zirela zioten.

Alabaina, lau hilabete aurretik, erraustegiaren transformadore nagusia pizten saiatu zirenean, leherketa bat gertatu zela eta azpiegitura martxan jartzeko prozesua uste baino makalago zihoala jakinarazi zion beharginak kazetariari. GHK-k aitortu egin zion, egun batzuk geroago, erraustegia energizatzeko arazoak zituztela. Ordura arte ez zuen ezer jakinarazi horri buruz. Gero jakin zen Jaurlaritzako Industria Sailak zigor dosierra zabaldu ziola Ekondakin enpresa kudetzaileari, baimenik gabe transformadorea probatzeagatik. Langileak ezer ezagutarazi izan ez balu, jakingo al zen zerbait horri buruz?

Egun haietan, Eusko Jaurlaritzak behin-behinean eten zuen Zubietako instalazioen proba aldia, «instalazioetatik kanpoko argindar horniduran» zituzten arazoengatik. Proba fasea 2019ko apirilaren 9an hasi zen, eta gehienez zazpi hilabete eta erdian amaitu behar zen. Etenaldia kenduta ere, 2020ko otsailean amaitu behar ziren probak.

Alabaina, instalazioak doitzen jarraitu zuten. Ordurako nahasiagoak ziren GHK-ko arduradunen mezuak. Instalazioak martxan zirela, eta Gipuzkoako hondakinak tratatzen zituztela erabat. Halako batean gertatu zen Arkaitzerrekako amoniako isurketa. Zubietako herritar batzuk jabetu ziren, eta erraustegia jo zuten arduraduntzat. GHK-k ukatu egin zuen aurrena, eta aitortu gero, erraustegia zela isurtzailea. Herritarrek salaketarik egin izan ez balute, zabalduko al zuten zerbait GHK-k eta enpresak?

2016ko apirilean emandako Ingurumen Baimen Bateratuak 48 hilabeteko iraupena zuen. Uztailaren 7an zuen azken epea, Jaurlaritzaren arabera. Ekainean joan zen Ingurumen Saila Zubietara, eta obrak amaituta zeudela sinatu. Handik bi egunera joan ziren Industriako teknikariak, eta bost hutsegite topatu zituzten instalazio elektrikoan. Obrak ez zeuden bukatuta, ez behintzat IBBaren eraginkortasuna emateko moduan. Horren erakusgarri, hauxe: irailaren 1ean pizten saiatu ziren, bigarrengoz, transformadorea, eta erre egin zen. GHK-k ez du horren berririk eman, eta ezta Industriaren behin-behineko baimena aamitu izanaren albistea ere. GuraSOSek horren berri eman izan ez balu, jakingo al zen ezer?

Orain, ostera hastera. Alemaniatik heldu berri, transformadorea probatu egin behar dute oraindik, prozesua legeztatu. Hirugarrenean agian zorte gehiago izango dute. Teknikoki, instalazioa probetan dago. Ofizialki, inauguratuta. Kontratuak urtebete baino gehiago behar zuen indarrean, baina enpresak ez dira gai izan betetzeko, eta aurreikusitako zigorrak aplikatuta, milioi asko jasoko zituen GHK-k.

Aitzitik, puska handi bateko lehen euroak jasotzen hasi dira enpresak GHKtik. Urteak joan litezke epaileren batek legeztatze prozeduran irregulartasunen bat frogatutzat jotzerako. Guardia Zibila eta Fiskaltza ere atezuan dira, amoniako isurketaren usainean. Atzokoa historikoa izango zen agian, baina ikusteko dago historia luze honen bukaera ote den.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Donostialdeko ESIko zerbitzuburuek egindako agerraldia, atzo, Donostian. ©JON URBE / FOKU

«Harreman asimetrikoak» hausteko eskatu diote Jaurlaritzari

Edurne Begiristain Iosu Alberdi

Donostialdeko ESIko zerbitzuburuek kontsultarako mahai bat proposatu diote Gasteizi, bitartekari lana egiteko

Jonan Fernandez, atzo, gazteen emantzipaziorako estrategia aurkezten. ©IREKIA

Emantzipatzeko laguntzak jasoko dituzte 25 eta 29 urte artekoek

Edurne Begiristain

Jaurlaritzak gazteen emantzipazioa sustatzeko estrategia ondu du. 2030erako 29 urtera jaitsi nahi du gurasoen etxea uzteko adina

Antton Kurutxarri EEPko lehendakaria agerraldi batean ©Guillaume Fauveau

EEPko ordezkariek Parisen isiltasuna deitoratu dute

Garazi Aduriz Zuñeda

Irailean egin zuten bilkura Frantziako Hezkuntza Ministerioarekin. Azterketak euskaraz egiteko eskubidea aipatu zuten nagusiki.

Donostiako ospitalaren atarian gaur goizean egindako protesta bilkura ©Javier Etxezarreta / Efe

Donostia ospitaleko 150 langile inguru batu dira gaur ESIko zerbitzuburuen elkarretaratzera

Edurne Begiristain

Osakidetzaren eta Eusko Jaurlaritzaren kudeaketa salatzeko, protesta jendetsua egin dute goizean ospitaleko atarian.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.