ARKUPEAN

Migrazio existentziala

Mikel Elorza -

2019ko azaroak 20

Kataluniako lurretatik jotzen duen terralak puztuta-edo, sortu berri da plataforma bat euskal errepublikaren aldarrikatzeko. Ertzak dituen terminoa izaki, errepublikarena, kotizazio baxuetan zebilen jendarteko plazan, eta Hasier Etxeberriak sustatutako letren errepublika esamoldea ere isilduta, Ikeakoa zen geratzen zitzaigun bakarretakoa: etxeko errepublika. Etxea baita daukagunik eta ondasunik baliosoena eta preziatuena, segurtasun pribatuko enpresek egiten dituzten iragarkiek diotenez. Kanpaina handiak egiten dituzte Espainiako irratietan, alarmak jar ditzagun gure etxebizitza ohiko eta batez ere «bigarren» horietan, hutsik denbora gehiago egoten diren horietan. Lapurrengandik babesteko edo, azken boladan zabaltzen ari den alarma soziala izanik, okupazioaren aurka.

Demokrazia deitzen dioten kapitalismo parlamentarioa berrezarri zenetik 30 hauteskunde joan dira eta oraindik ere etxe baten alokairua 1.000 eurokoa da eta salmenta-prezioa 270.000koa (batez besteko bat egitera), eta soldata gehienak emakume futbolari profesionalenen neurrikoak dira (oso eskasak, alegia), eta beraz milaka lagun daude etxerik gabe, edo belarrietaraino zordunduta, berrogeitaka urterekin gurasoen errapeak edoskitzen, denak ere oposizio eta plaza bat noiz harrapatuko, eta alderdiek jardun bai, baina 30 hauteskunde eta gero hau, bada egoera honetan etxea errepublika ez dakit, baina gotorleku helezina da askorentzat. Ikeak etxe osoa janzteko tresnak ematen dizkizu prezio onean, baina giltzak falta.

(bueno, bada salbuespenik: etxeak egingo omen dituzte Donostian, metroa egitean kenduko diren trenbideen tokian-edo, errekuperatutako lurretan. Hala dio Donostiako metroaren —hori baino obra absurduagorik!— defentsa egiteko Eusko Jaurlaritzaren iragarki batek. Euskadi, auzolana. Nik, auzo-lotsa.)

Ondasun askorekin, etxearekin ere bai, benetan inportanteak omen direnekin (askatasuna, zoriontasuna...), gertatzen zaizu kentzen dizutenean ohartzen zarela zeneukala, eta zeukan garrantziaz. Digitala ere ba omen da, errepublika. Orain jakin dugu, haren aurkako estatu-kolpea eman duenean estatuak berak, lehen ere hagitz kontrolatua eta maiz zigortua zen eremua zigortuago bilakatuz (baina honi ere, jakina, estatu-kolpea ezingo diogu deitu, kolpistak besteak baitira, honi ere restablecimiento del orden constitucional esan beharko diogu). Etxeko errepublika gotorlekutik kanpoko txabola ere ez, ziega erraldoi bat baino ez da izango. Hori bai, altzari oso suediar zuri zurezkoz apaindua, guztiz cool, eta alarmarekin.

Baina, hala eta guztiz ere, gu ez omen gaude kexatzeko moduan. Eskuindar espainolik apenas dagoen gure lurretan; fatxarik bat ere ez. Horixe dio herriak. Harro egoteko arrazoia. Eta zu akordatzen zara 40 urtez Francorekin (eta beste 40 Franco gabe ere...) hagindu duten zortzi deitura euskaldun aratzeko euskuindarrez, eta gogoak ematen dizu errepublika txabola ziega utzi eta ospa egitekoa. Basamortura baldin bada ere, ospa.

Baina ospa egin, orain? Bada Donostian berritzen ari diren etxe bateko aldamioetan kokatu dituzten iragarki erraldoi batzuetan topatu dut erantzuna. Adidasenak dira. Zapatilla batzuen irudia. Bi fatxada hartzen dituzte eta halaxe diote: «Runners, mayoría absoluta. Aupa neskak». Lehena. «El running nos une. Aupa mutilak». Bestea. Hirugarren fatxada ez dut begiratu, izu-dardarak hartuta, baina imajina dezaket: «Runninga bizitza da. Aupa ekipo». Publizitateak nigan eragin berehalakoa izan du: afixak ikusi eta korrika hasteko kristoren gogoa sartu zait, premia larria. Korrika hasi eta ez gelditzekoa, maratoia, eta ez ETBkoa, ultra trail etikoa, migrazio existentziala. Oasirik gabeko deserturaino.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Basurtuko erietxearen kanpo aldean ostiralean hasi ziren PCR probak egiten. ©JAVIER ZORRILLA / EFE

Berriro ere berrehun positibo baino gehiago egun bakarrean: 255

Mikel P. Ansa

Bezperan baino 39 kasu gutxiago detektatu dituzte azkeneko 24 orduetan, baina berrehuneko langatik gora jarraitzen dute eguneko kasu berriek. Nafarroak osasun arreta indartuko du.

Emakume bat Zisjordaniako Bani Naim herrian maskarak saltzen, hil hasierako irudi batean. ©ABED AL HASHLAMOUN / EFE

Palestinako kasuek gora jarraitzen dute, neurriak gogortu arren

Ander Perez Zala

PANek 11.000 positibo baino gehiago baieztatu ditu, eta haren diru sarrerak %80 txikitu dira

Adinekoen aldeko mezua. ©L. J / FOKU

Eguneko zentroak berriz martxan ipiniko dituzte

Berria

Orain bi aste, COVID-19aren kasuen igoerak arduratuta, eguneko zentroak ixtea komeni zela jakinarazi zuen Eusko Jaurlaritzako Osasun Sailak.

 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna