ARKUPEAN

Nola egiten duzue?

Amaia Nausia Pimoulier -

2020ko martxoak 26

Konfinamenduaren hamaikagarren eguna da, eta nik denboraren nozioa galdu dut dagoeneko. Hasierako antsietatea eta ezinegona igarota, non orduak betierekoak egiten zitzaizkidan eta egunsenti berri bakoitzak izugarrizko larritasuna sortzen zidan, niri ez dit bizia ematen. Lehenengo egunetan afalordua zen ongi sentitzen nintzen eguneko une bakarra, alabak mahaiaren inguruan eserita, jakinda beste egun bat gainditzen ari ginela. Gaur, berriz, egun bakoitza, ordu bakoitza, kontatzetik, zehazki zein egunetan bizi naizen ez jakitera iritsi naiz. Besteok nola daramazuen jakin nahiko nuke. Sare sozialen bidez jasotzen ditudan bideo eta mezuen arabera, isolamenduak pendiente zenituzten serieak ikusteko, aspaldi irakurri nahi zenituzten liburuak irakurtzeko, kirola eta yoga goizero praktikatzeko eta bizilagunekin balkoitik balkoira bermuta hartzeko aukera eman dizue. Nik, aldiz, nekez lortzen dut telelaneko orduak sartzea, garbitzea, janaria prestatzea eta alabak artatzea. Senarra autonomoa izanda lan egiteari ia guztiz uzteak familiaren ekonomia nola eraginen dion gehiegi pentsatu nahi ez dudan arren, egia da bera etxean ez balego ezinen nukeela sikiera lanorduen herena egin. Edo bai, eta nire alabak telebistari entxufatuak egonen lirateke egun santu guztia, nik lan egin ahal izateko.

Whatsappeko mezuei kasu egiteari utzi diodala aitortu behar dut. Gainiformatuta sentitzen nintzen, eta erru sentimendua pizten zitzaidan nire alaba nagusiaren gelakideek egiten zituzten eskulan zoragarriak ikusita eta gelako errutinak jarraitzen zituztela entzundakoan. Aitortu behar dut irakasleak markatutako ariketak hiru egunetan egitea lortu dugula, besterik gabe. Zaila da egunari normaltasunarekin jarraitzea, lan egiteko ezkutatu egin behar zarenean. Goizero beraiek baino pare bat ordu lehenago esnatzen naiz eta etxeko gela batean isil-isilik sartzen naiz. Gero, alabak esnatzen direnean, arnasa hartzeari uzten diot, aitak esan dielako ama lanera irten dela. Alaba nagusia konplizea dugu, baina etxeko atea ireki gabe egongelan agertzen naizenean hiru urteko alabak zer pentsatzen duen ez dut jakin nahi. Inuxentea bai, baina tontoa ez da, eta gaur nire bila etorri da doministikuka entzun nauelako. Azkenean nire ezkutalekua aurkituko du, eta orduan lanorduak gauean sartu beharko ditut.

Nahikoa estresagarria iruditzen zait egoera hau; beraz, utzidazue gelditzen zaidan denbora librean oso produktiboa eta sortzailea ez banaiz. Ezer berezirik ez badut egiten; ez irakurri, ez ikasi, ezta produzitu ere. Ikasi dut antsietate maila jaisten, egoera ia onartu dudala ere esanen nuke, eta horregatik egun hauetan familian ezer berezirik ez egiteko baimena eman diot nire buruari. Hori bai, sokan salto egiten primeran ikasi dugu, baita ipuinak asmatzen eta erritmoa egunero zertxobait gehiago jaisten. Errurik gabe telebista pizten ere ikasi dut egun hauetan, oraintxe bezala, artikulu hau idatzi behar dudan honetan eta txikia mahaian igota dudanean arratoia nola erabili jakin nahian. Badakit askorentzat barne konexiorako aukera paregabea izaten ari dela hau. Onartuko dut familia tarte politak izaten ari garela, barreak eta negarrak medio, baina bakardaderako, barne konexiorako eta sorkuntzarako tarteak ez zaizkit niri oraindik iritsi. Kontaidazue nola egiten duzuen zuek.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Salvador Illa Espainiako Osasun ministroa, atzoko agerraldian. ©CHEMA MOYA / EFE

Jaurlaritzak osasun larrialdia ezarriko du astelehenetik aurrera

Irati Urdalleta Lete - Olatz Esteban Ezkati

Tapia eta Murga sailburuek gaurko agerraldian emango dituzte xehetasunak. Madrilek hartu ditu lehen neurriak, egoera epidemiologikoak okerrera egin duela eta: tabernek 01:00ean itxi beharko dute, eta gauerditik aurrera ezingo da bezero gehiagorik sartu. Kalean erretzea ere debekatuta egongo da, bi metroko tartea bermatu ezin bada.

 ©ARITZ LOIOLA / FOKU

«Martxoko egun zailenetan PCRak orain bezala eginda, 6.000 kasu izango genituen»

Maite Asensio Lozano

Pandemiaren jarraipena egiten ari den lantaldeari esker COVID-19aren transmisioa moteldu egin dela uste du Ignacio Garitano epidemiologoak. Bigarren olatua iritsi dela berretsi du, baina orain askoz positibo gehiago detektatzen direla nabarmendu du.

Bilboko Zorrozgoiti zahar etxeko egoiliar bat, atzo. ©MIGUEL TOÑA / EFE

Etsipena, beldurra eta nekea zahar etxeetan

Aloña Beraza Peña

Zahar etxeetako kutsatzeek gorakada nabarmena izan dute azken asteetan, eta langileak beldur dira ez ote diren itzuliko gaitzaren lehenengo olatuko egoerara. Egoiliarren artean ere kezka da nagusi.

Jendea paseoan Donostiako alde zaharreko kaleetan, atzo. ©Juan Carlos Ruiz/FOKU

618 kasu atzeman dituzte Hego Euskal Herrian

Berria

Bizkaian behera egin dute kasuek; Araban, Gipuzkoan eta Nafarroan, aldiz, igo egin dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna