EKOGRAFIAK

Maitasunak hiltzen du

Miren Manias -

2020ko maiatzak 20

«Eduki pazientzia, eta ongi etorriak». 7azpi web telebistaren tarte berria da Kurba, aktualitate politikoari erantzuna emateko asmoz sortua. Etxetik etxerako elkarrizketez osatua eta 60 minutu ingurukoa, hain zuzen ere. Kameraren atzealdetik aurrealdera pasatu da Lander Garro —izan ere, bera da saioaren aurkezlea—. «Aspaldiko partez», kazetaritzara itzultzea izan da. Lehen atalean erakutsi duenez, ez dauka inolako arazorik kamera aurrean jartzeko, ezta galderak egiteko ere.

Telebista saio askotan egon da galderak prestatzen eta Garroren eskarmentua sumatzen da Kurba-n. Galderak oso bereak dira. Bestalde, lan egiteko askatasunaren seinalea ere bada hori. Itziar Ituño aktorea izan zen lehen elkarrizketatua. Ezagun zaharrak dira biak; izatez, hirugarren aldia da hari elkarrizketa egiten diona.

Armek hiltzen zuten lehen, eta maitasunak orain. Koronabirusaren garaian, elkar ukitzeak, gauzak usaintzeak, besarkada bat emateak... heriotza ekar dezake. Ituñok dio naturak bueltatu egin digula guk hari egindako kaltea. Euskal aktoreak koronabirusa pasatu zuen; ez zioten testik egin, eta arreta guztia telefonotik jaso zuen. Garroren ustez, une aproposa da gelditzeko eta hainbat gauzak benetan funtzionatzen duten galdetzeko. Non jarri dira baliabide ekonomikoak eta non ez? Puntu batean bat datoz elkarrizketatua eta elkarrizketatzailea: krisi honetan agerian geratu da aspektu ekonomikoak guztiaren gainetik jartzen ari direla. Axola den bakarra «produzitzen jarraitzea» da.

Garroren arabera, konprometitua eta ezkerreko pertsona da Ituño. Eta zer egin daiteke famarekin? «Bizitzak eman dit bozgorailu bat eta erabiliko dut gauzak aldarrikatzeko. Sailkatu egin behar da; izan ere, ezin duzu dena egin». Ituñok «kontu handiz» ibili behar dela dio; izan ere, esperientzia txarra izan zuen behin. Haren adierazpen batzuk testuingurutik atera zituen prentsak, eta sare sozialetan boikota eskatu zuten haren telesail batekiko. Baina horri esker ere ikasi du gauzak «beste modu batera hartzen».

Oro har, gustura ikusi nuen Kurba-ren lehen atala. Agian, pixka bat laburtuko nuke; bigarren erdian arretari eustea zaila izan zitzaidan eta gaiak merezi zuen. Bestalde, egia da «etxetik etxerako elkarrizketak ez direla aurrez aurrekoak bezain dinamikoak», baina emaitza nahiko naturala lortu dute.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Kezka adierazi dute lehen arretako hainbat langilek. Argazkian, Bilboko Areilza anbulatorioa. ©ARITZ LOIOLA / FOKU

«Osasun sistemak eztanda egingo du»

Maialen Arteaga

Lehen arretako zentroen estutasunak azaleratu ditu COVID-19ak, eta aspaldiko aldarriak hauspotu ditu. Pandemiaren «bigarren olatua» iritsi dela aitortu du Eusko Jaurlaritzak, baina osasun etxeetan langileen erdiekin eta «lan gainkargarekin» dabiltzala salatu dute.

San Mames zelaia hutsik, Athleticen eta Leganesen arteko partidan, uztailaren 16an. ©Marisol Ramirez / Foku

Athleticeko sei jokalarik positibo eman dute

Berria

PCR probak egin dizkiete futbol jokalariei eta klubetako langileei. Alaveseko hiru jokalariri ere detektatu diete COVID-19 gaitza.

PCR probak egin dizkiete Donostiako Ramuntxo Berri tabernan izandakoei. ©Gorka Rubio / FOKU

Beste 505 positibo izan dira Hego Euskal Herrian

Berria

COVID-19a zuten zazpi pertsona hil dira azken astean Araban, Bizkaian eta Gipuzkoan. Probak egingo dizkiete Nafarroako egoiliar guztiei irailean.

Maddalen Iriarte prentsaurreko batean, artxiboko irduian. ©Juan Carlos Ruiz/FOKU

EH Bilduk Eusko Jaurlaritzari eskatu dio lehen arretako zentroen egoerari konponbide bat emateko

Olatz Esteban Ezkati

Eragile politiko, sindikal, ekonomiko eta sozialen arteko elkarlanaren beharra nabarmendu du indar subiranistak.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna